mikudagur 5. desember 2012síða 28

Mikudagur 5. desember 2012 · Nr. 142 28 Sosialurin Hugskot og viðmerkingar – send sms til 225000 Ítróttur Tróndur Arge Jákup á Borg er eitt væl kent navn í føroyskum fótbólti. Hann kom á fyrsta lið hjá B36 sum bara 16 ára gamal, og vann sítt fyrsta meistara­heiti longu árið eftir. Í 1998 bleiv hann toppskorari í før­ oyskum fótbólti og fekk lands­ liðs­boð. Tað gekk so væl, at Liver­pool bjóðaði honum til royndar­venj­ ingar, men hóast Liverpool vóru væl nøgdir, so broytti eitt venjara­ skifti og ein nýggj royndar­venjing alt. Í 1999 verður hann á øðrum sinni toppskorari. B36 vinnur aftur FM í 2001. Jákup vinnur sær fast pláss á landsliðnum, men hóast ymisk til­boð, so gera góðu treytirnar tað gott at liva í Føroyum. Síðst í 2002 missur Jákup sína stóru fyrimynd, tá stóribeiggin Høgni á Borg doyr einans 32 ára gamal. Í dag, tíggju ár seinni, fyllir hann framvegis nógv í hjartanum og fyrireikingunum hjá Jákupi til hvønn dyst. Í 2004 skiftir Mr. B36 til HB. Tað sendir ein skelk gjøgnum før­oyska fót­boltsheimin. Fyrsti dyst­urin er móti B36. Skelti við áskriftini »Judas á Borg« eru at síggja í Gundadali. Jákup spælir í HB fram til á sumri 2008, tá hann skiftir aftur til B36. Í 2011 vinnur hann aftur meistaraheitið. Jákup á Borg hevur spælt 61 landsdystir, men kundi havt spælt nakrar afturat. Hann hevur nú endaliga sagt farvæl við landsliðs­ fót­bólt. Hann er 13 mál frá at gerast mest skorandi spælarin í før­oysk­ um fótbólti. Bara fótbóltur Jákup á Borg býr í dag í Hoyvík har hann saman við konuni, Susi, hevur bygt hús. Har búgva tey saman við børnunum, Fríði og Anna. Fyrstur at taka ímóti er tó eitt ára gamli Prince. Hann er skeptiskur og ikki fyrr enn hann hevur kannað nýggjan gestin gjølla, gevur hann tekin um, at Sosialurin kann koma inn. Prince er av hundaslagnum Mops, sum vit eisini kenna úr filminum Men in Black. Børnini eru farin í song. Tað er myrkt og kalt uttanfyri. Útsýnið í stovuni er gott. Jákup hevur skriv­að sær nøkur ting niður, tí minnið hevur hug at arga, tá tos­ ið fellur inn á gamlar dystir og hend­ingar. Jákup er næst yngstur av fýra. Hann er uppvaksin í einum fótbóltsumhvørvi í Konmans­ mýru. Hvønn dag er fótbóltur á skránni í grannalagnum, og tað eru ikki ókend nøvn í føroyska fót­bóltsheiminum, sum talan er um. Jan Dam, Mikkjal Thomassen, Sigfríður Clementsen, Jón Rói Jacobsen og Vagnur Mohr Mortensen eru nakrir av teimum, sum eru uppvaksnir har á leið. Í skúlanum hevur Jákup ilt við at sita í fri og lurta, men er ikki bein­leiðis óskikkiligur. – Í dagsins samfelagið hevði eg sikkurt verið stemplaður sum DAMP og fingið eina rúgvu av heili­vági fyri tað, sigur Jákup skemt­andi. Hann hevur altíð livað við full­ari ferð, og soleiðis var eisini í fólka­skúlanum. Í fríkorterinum er eisini fótbóltur á skránni. Tað ræður um at verða fyrst í skúla­ garðin og finna sær eitt mál, og njóta tað so leingi sum til ber. Tí hvørja løtu komu tey eldru børn­ ini, og verða Jákup og teir bara skumpaðir til viks. Jákup byrjar sum heilt ungur at venja við B36. Tað er sonur ein av stovnarunum, Eiler Mouritsen, sum hálar ein ungan Jákup á Borg við til venjing. – Eg var ótrúliga heppin sum ungdómsleikari. Eg hevði venj­ arar sum Annfinn Danielsen, John Klein og Jacob Thomsen. Teir gingu upp í tað við lív og sál. Eg hevði eisini núverandi B36 for­ mann­in, Sámal Ímundarsson, sum venj­ara eina árið, sigur Jákup. Menn sum Hallur Johannesen, Halgir Arge, Bárður Lava, Gutti Winther, Dánjal á Neystabø, og René Tórgarð eru á liðnum. Teir vinna fleiri gullheiðursmerki. Í 1996 er Jákup á Borg fyrsta árs unglingur, men tá eru boð eftir honum á besta liðnum. Jákup á Borg vangamynd Hann er ávegis at gerast mest skorandi leikarin í føroyskum fótbólti, men tað nívur hann, at hann ikki tók av tilboðunum frá útlandinum. Hann hevur royndarvant við Liverpool, og verið á sama liðið sum Steven Gerrard og Robbie Fowler. Hann hevur gjørt eitt tað mest umtalaða skiftið í føroyskum fótbólti. Hann er familjumaður, eigur og rekur egið virki og hevur endaliga takka fyri seg á landsliðnum. Hann er Jákup á Borg Eg kundi spælt við Liverpool ...framhald á síðu 30 Eg kendi tað sum eg bleiv gjørdur til syndabukk. Eg og Rúni hava altíð verið væl, men tað broytti alt