fríggjadagur 7. desember 2012síða 42

nr. 143 · 7. desember 2012 2 VIKUSKIFTI Planet Awards Eyðun Klakstein eydun@sosialurin.fo Á hvørjum ári skipar Miðlahúsið fyri Planet Awards. Hetta er tiltak, har tey bestu í føroyskum tónleiki farna árið verða heiðrað. Sjey Planet heiðurslønir verða lætnar, og harafturat verður eitt serligt herða­klapp latið onkrum, sum hevur avrikað nakað serligt í føroyskum tón­ leiki. Heiðurslønir verða lætnar Ársins sangara, songkvinnu, bólki, einstaklingi, nýggjum bólki, sangi og útgávu. Ein dómsnevnd ger tilnevningar til tær ymsu heiðurslønirnar, og síðani skal dómsnevndin atkvøða saman við almenninginum, sum kann senda sms- atkvøður til atkvøðugreiðsluna. – Mánadagin verður tilnevningarnar til Planet Awards 2012 kunngjørdar, og síðani fáa fólk møguleikan at atkvøða til teir ymsu heiðurslønirnar, sigur Barbara Holm, sum samskipar tiltakið. Hildið á Rex Planet Awards verður hildið á dansi­ staðnum Rex í Havn fríggjakvøldið 28. desember. Har verður so avdúkað, hvør hevur vunnið tær ymsu heiðurslønirnar, og eisini verður serliga herðaklappið latið. Fólk hava møguleika at verða við til Planet Awards, og atgongumerkini verða sett til sølu mánadagin. Rás2 fer at senda beinleiðis frá Planet Awards. Áh tey stór­fingnu stressaðu jól Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Tilvildarlig klumman Eydna Skaale Fríggjakvøldið 28. desember verða ársins Planet heiðurslønir handaðar á Rex í Havn Tiltøk. Hugnaløtur. Veitslur. Gamlir siðir. Vitjanir. Gávukeyp... Hóast tað enn eru góðar tvær vikur til jóla, so er ferð nú av álvara komin á jóla­ resið. Tey klóku siga, at tað kann vera sera ørkymlandi at skula so nógv innan so stutta tíð, og tí eiga vit at seta okkum lægri mál á jólum, umframt at seta ferðina og for­væntn­ ing­arnar niður, so vit ikki verða rakt av jóla­strongd. Í hesum døgum verða skrivaðar greinar, bloggar og síður upp og niður um, hvussu vit sleppa undan at stressa á jólum. Bræv­ kass­arnir eru fyltir við brøvum frá kvinnum í jóladesperatión, og klóku svarini siga ofta, at vit skulu velja – og kanska serliga vraka – við harðari hond, so tað ikki verður ov strævið hjá okkum. Eg kundi tó ikki verið meiri ósamd! Ja, tað er nógv at minnast til, fara til, ordna og gera, men eg havi absolutt ikki hug til at vraka nakað. Tvørturímóti harmar tað meg ofta, at eg ikki nái at fara til enn fleiri tiltøk. Tað er so deiligt, at vit einaferð árliga svinga okkum upp í eitt hægri gear. At vit dyrka hvønnannan og tað sosiala. Eg havi hug at spyrja: hvat so, um vit einaferð ár­ liga verða boðin til hugna í barnagørðum, skúlum, fimleikafeløgum, frímerkjaringum og øðrum støðum, har børnini hava sína dagligu gongd? Og er tað ikki bara deiligt, at vit einaferð árliga fara í veitslu saman við starvs­feløgum, bindiklubba, barndómsvinum og øðrum í góðum lag? Ger tað nakað, um vit einaferð árliga »eiga« at baka, pynta og hugna okkum saman við børnunum og at nýta tíð saman við familjuni? Eg havi eitt sindur ilt við at fáa eyga á, júst hvør vansin er. Jú gamaní, víst kann tað vera strævið, og víst noyðist eisini eg at planleggja væl, renna skjótt viðhvørt og sova lítið onkra nátt, fyri at fáa alt at hanga saman. Onkuntíð renni eg kanska mestsum aftaná mær sjálvari, men hóast tað vildi eg ikki verið tað fyriuttan. Eg elski desembermánað við øllum resinum, og eg latið meg gleðiliga stressa eitt ánilsi, fyri at fáa sum mest við av øllum tí deiliga, sum stór­fingnu jólini hava við sær. Og erlig talt. Í januar og í februar hendir absolutt einki, so tá kunnu vit hvíla okkum alt tað, vit vilja, meðan vit minnast góðar og jóla­ligar upplivingar av øllum handa slagi. So segði hann... Tónleikarar heiðraðir á Planet Awards – Tað kemur fyri, at onkur sigur við meg, at tað, sum eg geri, er nakað fjas Leif Sørensen, høvuðskokkur á gourmetmatstovuni Koks, sum skapar slóðbrótandi matupplivingar mynd: anton Højgaard tilvildarlig mynd Planet Awards heiðrar tey fremstu í føroyskum popp- og rocktónleiki