mánadagur 10. desember 2012síða 14

Mánadagur 10. desember 2012 · Nr. 144 14 Sosialurin Hugskot og viðmerkingar – send sms til 225000 Ítróttarblaðið strongman landsdystur Danmark vann landsdyst í styrki Styrkikapping Í tveimum førum vóru føroyingarnir óhepnir í landsdystinum í styrki móti Danmark um vikuskiftið. Úrslitið gjørdist 4-1 til sterku gestirnar Tróndur Arge Frammanundan vóru Mikkel Leicht og Nicolai Hansen mettir at verða favorittar, men Bogi Hammer og Jákup Súni Berg vónaðu, at teir kundu loypa hvøkk á donsku gest­ ir­nar í onkrum av teimum fimm grein­unum, sum varð kappast í. Danmark vann tvær tær fyrstu greinarnar, har eitt hjól upp á 416 kilo skuldi koppast seks ferðir, og tvær áleið 180 kilo tungar tunnur skuldu haldast upp frá so leingi sum gjørligt. Grein tvey er annars eitt av favo­ ritt greinunum hjá Jákup Súna. – Tá eg sá, at hann misti við 58 sekund, tá var eg sannførdur um at eg fór at klárar tað, tí eg havi sterkt grep. men eg fór at ristast beinan­ vegin. Hatta er eitt tað vánaligasta nakrantíð hjá mær, og so skuldi tað koma í kappingini, sigur ein vón­ brotin Jákup Súni Berg. Bogi heldur lív í vónini Føroyar minkaðu um munin til 2-1, tá Bogi Hammer var skjótari enn Nicolai Hansen at hála ein lastbil, sum stóð í fimta gear, yvir ein tein upp á góðar tíggju metrar. – Hatta hevur verið ein av mínum favoritt greinum síðani eg byrjaði, men tað hevur ikki ginigið so væl seinnu árini, staðfestur Bogi. Í fjórðu greinini skuldi Jákup Súni kappast móti Mikkel Leicht. Teir skuldu bera seks 100 kilo tung­ ar bobbens yvir sjey metrar og seta tær á ein platt, sum er ein metur høgur. Mikkel kláraði tað upp á 38 sekund. Jákup Súni var skjótari við trimum teimum fyrstu, men misti stevið og endaði við at missa á sætta túrinum. Í fimtu greinini, sum var ein lið grein har tvey 200 kilo tung lodd skuldi berast tíggju metrar og síðani lyftast upp seks trin á eini trappu, var Jákup Súni óheppin og beklaði. – Eg var illa fyri allan dagin, og tað kendist sum eg hevði eti ov lítið, sigur Jákup Súni Berg, sum spýði millum tvær tær seinastu grein­ arnar. – Eg eri rímuliga væl nøgdur við samlaða avrikið hjá mær, sigur Bogi Hammer, sum serliga iðrar seg um minni góðu tíðina í fyrstu greinini. Sostatt endaði kappingin ikki sum hvørki Jákup Súni, Bogi ella fyrireikarnir høvdu vónað. Sjúkra­ bilurin kom eftir Jákup Súna, sum sannlíkt hevur brotið fótin. Hann skal eftirkannast um eina viku. Bogi Hammar og Jákup Súni Berg eru báðir við gott mót hóast tap í fyrsta styrki landsdystinum. Bogi Hammer segði eisini eftir dyst­ in, at møguleikn fyri fleiri lands­ dystum er til staðar, og at arbeitt verður við at vinnarin av Føroya Sterkasti Maður tiltakinum vinnur sær pláss í DM finaluni. Glaðir danskarar Mikkel Leicht og Nicolai Hansen, sum eru tveir teir sterkastu menn­ inir í Danmark, vóru fegnir um sig­ urin. Serliga Mikkel var í speiska lag­num og helt fyri, at hann hevði væntað at vunnið allar fimm grein­ ar­nar, segði 24 ára gamli danin við einum smíli. Nicolai fegnaðist um sigurin og Jákup Súni við 100 kilo tungari bobbens Jákup Súni var óheppin og beklaði