leygardagur 3. apríl 2004síða 9

16 Nr. 66 - 3. apríl 2004 Fleiri velja miðnámsskúlar Umsóknirnar til mið- námsskúlarnar kring landið eru fleiri í tali í ár enn undanfarin ár. Tað er ilt at siga, hví talið er hækkað, men Sámal í Skorini, rekt- ari á Studenta – og HF-skeiðnum á Kambsdali, sigur, at føroyska búskapar- gongdin helst fær tey ungu at velja mið- námsskúlar heldur enn vinnuna ÙTBÚGVING Hans Kárason Mikkelsen mikkels@fas.harvard.edu Tað eru meira enn hundrað fleiri umsóknir til føroysku miðnámsskúlarnar í ár, enn tað var fyri einum árið síð- ani. Í fjør var talið 931, men nú í ár er talið hækkað til 1061 umsøkjarar. Talan er um eitt ordiligt lop, tí undanfarin ár er umsøkj- aratalið vaksið ógvuliga spakuligt, ikki við meira enn 20 næmingum hvørt árið, og onkuntíð er talið minkað. – Talið hevur ikki hækk- að spakuliga. Síðani 1996 hevur talið gingið stútt niðureftir, men í fjør sóu vit fyri fyrstu ferð í nøkur ár eina lítla hækking í um- søkjaratalinum. Men í ár er vøksturin nógv størri enn undanfarna árið, einir fýra til fimm nýggir flokkar, sigur Sámal í Skorini, rekt- ari. Spurdur hvat orsøkin mann vera til nógvu um- søkjararnar, sigur Sámal í Skorini, at talan er sjálv- andi um tann niðurgang- andi konjunkturin í samfel- agnum. Men Sámal í Skor- ini sigur eisini, at marknað- arføringin av skúlunum er vorðin nógv betri seinnu árini. – Vit duga betri enn selja okkum enn fyrr. Seinastu tvey árini hava vit til dømis havt útvarpslýsingar fyri at tekkjast næmingum. Og í ár hava vit bjóðað øllum fram- haldsdeildunum inn á skúl- an í Kambsdali, har tey hava møguleika fyri at kunna seg um viðurskiftini. Tann týdningarmesti part- urin er helst, at tey sleppa at møta núverandi næmingum og síggja, hvussu stuttligt og áhugavert tað er at ganga her, sigur Sámal í Skorini um Studenta – og HF-skeiðið á Kambsdali. Skúlin á Kambsdali hev- ur í ár væl fleiri umsøkjarar enn undanfarin ár, og talan verður helst um ein flokk afturat. – Men tað er ein spurn- ingur um pengar. Ein flokk- ur hjá okkum kostar umleið kr. 600.000 um árið, so har skal ein játtin til, sigur rekt- arin. Umsøkjaratalið til mið- námsskúlarnar er tilsamans vaksið við einum fýra til fimm flokkum, og hetta merkir, at Løgtingið má játta meira pening, um hesi skulu ganga í skúla. – Talan verður helst um hálva aðru milliónina hetta árið, og so meira seinna, sigur Sámal í Skorini. Landsstýrismaðurin í skúlamálum, Jógvan á Lakjuni, er burturstaddur, og tað bar ikki til hjá Sosi- alinum at fáa viðmerkingar til, at meira pengar skulu játtast til miðnámsskúl- arnar. Vit duga betri at selja okkum enn fyrr, sigur Sámal í Skorini, rektari á Studenta – og HF-skeiðnum á Kambsdali Fríggjakvøldið 2. apríl fer íslendska farma- skipið "Skaftafelli" sín fyrsta túr úr Klaksvík til Immingham í Ong- landi. Tað eru Farma- leiðir hjá Strandfara- skipum Landsins og íslendska flutnings- fyritøkan Samskip, sum hava gjørt sam- starvsavtalu um nýggju farmaleiðina Anna V. Ellingsgaard ave@post.olivant.fo Hósdagin hevði íslendska flutningsfyritøkan Samskip móttøku í Skálanum í Klaksvík, í sambandi við at fyritøkan longu fríggja- kvøldi byrjar at flyta fiska- vørur úr Klaksvík beinleið- is til Immingham og víðari til Belgia og Noreg. Nógv vinnulívsfólk, bæði úr Klaksvík og aðra- staðni, vóru komin at kunna seg um nýggju møguleikarnar, íslendska farmaleiðin hevur at bjóða. Farmaleiðir og Samskip. 1. mars í ár undirskrivaðu Farmaleiðir og Samskip av- talu um beinleiðis flutning av frystum og saltfiskavør- um millum Klaksvík og Immingham. Tað var ís- lendska fyritøkan sum fyrr í ár vendi sær til Farmaleið- ir við fyrispurningi um samstarv. – Okkara leikulutur verð- ur at samskipa flutningin frá øðrum bygdum til Klaksvíkar umframt at taka okkum av skipaavgreiðsl- uni fyri Samskip í Klaks- vík. Har hava vit avgreiðslu frammanundan og nýtast tí ikki at leggja nýggja orku í tann partin. Vit hava longu eitt landsumfatandi flutn- ingsnet, sum vit allatíðina royna at menna, so átakið hjá Samskip var ein kær- komin møguleiki hjá okk- um at stimbra okkara tæn- astur kring landið, sigur Heini á Borg, stjóri á Farmaleiðum. JFK nýggjan møguleika. Hanus Hansen, stjóri á JFK, er eisini sera spentur uppá nýggja flutnings- møguleikan. – Sum er brúkar JFK flutningstænastuna hjá Skipafelagnum og Eim- skip. Báðar fyritøkurnar veita ein góða tænastu, men tað hevur allatíðina verið ein vansi fyri fiskaflutning- in hjá okkum, at hvørgin teirra siglir beinleiðis til Ongland, sigur Hanus. – Tað er ongin loyna, at okkara bingjur eru til ampa fyri fólk og ferðslu her norðuri. Tær, sum skulu flytast við Eimskip, skulu fyrst til Lorvíkar og síðani víðari til Havnar. Bingjubil- arnir fylla nógv umborð á Dúgvuni og Sam og mugu ofta bíða til pláss er fyri teimum. Skipini hjá Skipa- felagnum sigla úr Klaksvík, men tey leggja leiðina fram við Rotterdam, áðrenn farið verður víðari til Ongland, og tí tekur tað 1 viku, áðr- enn okkara fiskavørur eru í Immingham ella har um leiðir. Við Skaftafelli tekur tað ikki 2 døgn, og tað er sjálvandi ein stórur fyri- munur, sigur Hanus Hansen Upplagdur møguleiki. – Sum altjóða flutnings- fyritøka halda vit alla tíðina eygu og oyru opin fyri nýggjum farmaleiðum og tað er ikki av tilvild, at vit hesuferð hava valt at bjóða okkara tænastu fram í Klaksvík, sigur Hinrik Ö. Bjarnson, deildarstjóri í Samskip. – Vit hava kunnað okkum um flutningstørvin her um leiðir, og ongin ivi er um, at serliga fiskafyritøkur í bæði Klaksvík, Runavík og Fuglafirði hava tørv á eini beinleiðis flutningsleið til Ongland. Í 2006 verður landafast millum millum Klaksvíkina og meginøkið, nýggja góðshavnin í Klaks- vík verður klár at taka í nýtslu um eitt ár, so her er góður gróðrarbotnur fyri eini blómandi flutnings- vinnu, vit fegnir vilja eiga okkara lut í, sigur Hinrik Ö. Bjarnason. Íslendska flutn- ingsfyritøkan byrjaði sítt virksemi í 1950 og hevur nú deildir í 15 londum um allan heimin. Klaksvík fær nýggja farmaleið Hinrik Ö. Bjarnason, deildarstjóri í Samskip Heini á Borg, stjóri á Farmaleiðum Nr. 66 • leygardagur • 3. apríl 2004 • 78. árgangur • www.sosialurin.fo Seks dystir standa á skránni seinasta umfarið, men tað tykist bara vera tann eini, sum fólk tosa um. Gullbrakið á Hálsi HONDBÓLTUR Jákup Mørk jakup@sosialurin.fo Seinasta umfarið í hond- bóltskappingini stendur á skránni, og fyri spenningin kundi kappingin ikki lagað seg betri. Ein »Winner takes it all« dystur millum risarnar í føroyskum mans- hondbólti, har meistara- heitið verður avgjørt á sein- asta leikdegi. Meira spenn- andi enn tað sama verður tað neyvan, og tí kann við gleði staðfestast, at HSF enn einaferð hevur havt eina hepna hond við til- rættisleggingini av lands- kappingini. Einki er at ivast í, at talan verður um ein stúgvandi fulla høll, sum fer at gera sítt til, at karmarnir kring stórdystin verða í topp, og sum tað framgongur á næstu síðunum, so eru tað ikki bara áskoðararnir, sum bíða í spenningi. Neistin spælir fyri møguleikanum Men tað verða so eisini fimm aðrir dystir leiktir leygardagin, og fyri tey mest optimistisku Neista- fólkini kann ein teirra eisini fáa avgerandi týdning fyri, hvar meistaraheitið mans- deildini endar. Neistin hevur nevnliga enn ein teoretiskan møgu- leika at taka gullið. Hetta um teir vinna við í minsta lagi 22 málum meira enn VÍF – um teir vinna – vinn- ur á Kyndli. Og sum skilst, so ætlar Neistin sær eisini at spæla fyri hesum. - So leingi vit hava møguleikan, so mugu vit royna, so vit leggja nógv fyri leygardagin. Men tað sigur seg tó sjálvt, at vón- irnar kanska ikki eru tær bestu, vóru orðini, sum ein av leikarunum segði eftir venjingina hóskvøldið. Seinasti dysturin leygar- dagin verður á Skála, har StÍF tekur móti KÍF. Á pappírinum hevur hesin dysturin lítið annað at siga, enn at KÍF kanska kann lyfta sær av niðasta sessin- um, og við spælinum, sum StÍF hevur sýnt seinastu tíðina, so er hetta heldur ikki heilt óhugsandi. Hin- vegin vil StÍF helst sleppa at enda kappingarárið á virðiligan hátt, so við- haldsfólkini hóast alt fáa nakað at klappa at í seinasta dystinum. Avgreiðslumál Hjá kvinnunum varð gullið avgjørt fyri viku síðani, tá Stjørnan vann útidystin á VB, og leygardagin skulu tær so gera seg til reiðar at taka ímóti gullinum. Tí er einki at ivast í, at talan verður um eina full- setta KÍ-høll, sum fer at fagna lokalu stjørnunum, og heldur eingin ivi man vera um, at tær eisini vilja vinna hendan seinasta dystin. Neistin hevur í sínum lagi heldur einki annað enn æruna at spæla fyri, og tí kann talan væl gerast um ein undirhaldandi dyst, har bæði liðini kunnu spæla púrasta frígjørt, og so verður kanska rúm fyri krási av onkrum slag til ás- koðararnar. Á Giljanesi skal VB reisa seg eftir vónbrotið seinasta vikuskiftið, og lítið er at ivast í, at hetta er nakað, sum liðið eigur at megna. Styrkismunurin niður til botnin hevur verið ovur- stórur aftur í ár, og VB vil uttan iva eisini enda árið á rættan hátt. Tað vilja kvinnurnar hjá VÍF helst eisini, tá tær vitja Kyndil í seinasta dystinum, og sum alt hevur lagað seg, so verður helst talan um nakað nógv fleiri áskoðar- ar, enn dysturin millum júst hesi liðini annars bendir á. Orsøkin er sjálvandi eftirfylgjandi mansdyst- urin, og tí er lítið at ivast í, at vestmannakvinnurnar fara at leggja nógv fyri í royndunum at hita fjøldina upp, soleiðis at menninir kunnu fáa eitt flottari heið- ursmerki enn bronsuna, sum kvinnurnar fáa hand- aða eftir dystin. Hondbóltsstøður 1. Deild kvinnur vunnin tapt mál- dystir v - j - t mál mál munur stig 1 Stjørnan 11 10 -0 - 1 630 458 172 31 2 VB 11 10 -0 - 1 656 483 173 28 3 VÍF 11 7 -0 - 4 612 504 108 23 4 Neistin 11 6 -0 - 5 594 535 59 20 5 StÍF 12 2 -0 -10 551 678 -127 9 6 Søljan 11 3 -0 - 8 437 563 -126 8 7 Kyndil 11 1 -0 -10 372 631 -259 3 1. Deild menn vunnin tapt mál- dystir v - j - t mál mál munur stig 1 Kyndil 9 5 -1 - 3 564 527 37 20 2 VÍF 9 6 -0 - 3 541 483 58 18 3 Neistin 9 6 -0 - 3 540 503 37 18 4 StÍF 9 3 -0 - 6 492 482 10 13 5 H71 9 3 -1 - 5 484 548 -64 9 6 KÍF 9 3 -0 - 6 522 600 -78 9 Dystir um vikuskiftið Hondbóltur 1. deild kvinnur Dagf. Kl. Dystur Dómarar 03.04 14.30 Kyndil-VÍF Kristian Johansen & Sámal Hansen 03.04 14.30 Søljan-VB Jákup S. Simonsen & Høgni M. Joensen 03.04 15.00 Stjørnan-Neistin Karsten Joensen & Kristian Joensen 1. deild menn 03.04 16.00 Kyndil-VÍF Kristian Johansen & Sámal Hansen 03.04 16.00 H71-Neistin Hannis Wardum & Uni Wardum 03.04 16.00 StÍF-KÍF Geir Wardum & Gunnar Wardum Fótbóltur Kappingin um Løgmanssteypið Bólkur 1 Dagf. Dystur Dómari 03.04 KÍ-B36 Eiler Rasmussen 03.04 FSV-NSÍ Lassin Isaksen Bólkur 2 03.04 TB-ÍF Oddmar Andreasen 03.04 GÍ-B68 Petur Skarðenni Bólkur 3 03.04 Skála-EB/S Suni Johansen 03.04 VB-HB Niklas á Líðarenda Øll eygu vend móti Hálsi Kyndil-VÍF í manshondbólti. Tað tykist vera tað, sum alt snýr seg um seinasta umfarið, tó at seks aðrir dystir eisini eru á skránni C M Y K 17 16