mikudagur 16. januar 2013síða 10

Mikudagur 16. januar 2013 · Nr. 6 10 Sosialurin Hugskot og viðmerkingar – send sms til 225000 nøvn Mikudagin 16. januar fyllir Kári Egholm Jacobsen, Glyv­ rar, 50 ár. Kári varð føddur 16. januar 1963. Hann vaks upp á Sýnini á Glyvrum og hevur búð á Glyvrum næstan alt sítt lív. Í 1984 giftust Kári við Onnu Hansen, ættað av Hellunum. Tey eiga trý børn og 2 barnabørn. Í 1983 tók hann fiski­vinnu­ útbúgving í Noregi (Statens Fag­skole for Fiskeindustri Vardø). Kári hevur havt fleiri leið­ ara­størv í privatu vinnuni tey seinastu 30 árini. Kári hev­ur í sínum størvum víst ágrýtni og arbeiðssemi, og hevur verið við til at skapt fleiri góð úrslit í vinnuni. Í dag er Kári virkisleiðari á Bakkafrost. Har hevur hann ábyrgd av allari portións- framleiðsluni. Í 2008 stillaði Kári upp til kommunuvalið í Runavíkar kommunu, og varð hann vald­ur í kommunustýrið. Í 2012 stillaði hann aftur upp og varð hann afturvaldur. Hesi árini hevur hann m.a. verið formaður í ment­anar­ nevndini, verið nevndar­lim­ur í SEV og eitt skifti fo­r­maður í nevndini fyri Fjar­hita­fe­lag­ ið. Á ungum árum kom Kári til persónliga trúgv á Jesus. Trúgvin hevur øll árini verið natúrligur partur av hansara lívi. Hann hevur verið virkin í samkomurabeiði alt sítt vaksna lív. Kári var saman við øðrum eldhugaðum fólkum við til at stovna samkomuna Lívsins Orð í Runavík. Kári er familjukærur og hevur altíð givið sær tíð til familjuna. Hann hevur ótroyttiliga stuðlað okkum, børn­unum, í skúla, tónleiki, ítrótti og ikki minst á kristnu lívsleið okkara. Vit eru sera takksom fyri alt tað, tú hevur verið fyri okk­um. Tú hevur verið og ert okkara trúfasti stuðul ígjøg­ num alt. Tú ert altíð klárur við góðum ráðum og einum uppmuntrandi orði. Heitir man á teg, ert tú altíð fúsur at hjálpa. Hjá tær er tað altíð “ídag”, tí til “ímorgin” er alt ov leingi at bíða. Vit eru glað og errin av, at hava ein pápa, ver­fað­ ir og abba, sum er so fyri­ myndarligur og elsk­andi. Hjartaliga tillukku við føð­ingardegnum ynskja vit tær. Pætur, Filip, Noomi, Rúni, Rakul Maria og Sámuel Kári Egholm Jacobsen 50 ár Tí hava vit demokratiskt undirskot Helgi Abrahamsen Nógv verður í hesum døg­ um tosað og skrivað um før­ oysku kjakmentanina. Í tí sam­bandinum hevur ser­liga verið funnist at ting­lim­um í samgonguni, sum ikki taka orðið í øllum mál­um, sum verða viðgjørd í løg­ting­in­um. ”Tað eru bara lands­stýris­ fólkini og framsøgufólkini fyri flokkarnar sum siga nak­ að, meðan restin tigur,” sigur blaðstjórin á Dimmalætting, og onkur hevur eisini kall­að hetta ”demokratiskt undir­ skot” og ”larmandi tøgn”. Alla ta tíðina eg havi ar­ beitt í politisku skipanini, havi eg bara hoyrt tað øvugta. Kritikkurin hevur al­tíð verið vendur ímóti tí, at í løgtinginum taka øll orðið í øllum málum. Í okk­ ara grannalondum er tað so­leiðis, at flokkarnir hava fram­søgufólk, sum umboða allan flokkin, og tað kemur næst­an ikki fyri, at onnur taka orðið. ”Her fer alt upp at geila”, hoyrdi eg einaferð ein irriteraðan tingmann gremja seg. Floksdisiplin eitur nú demokratiskt undirskot Fyrr varð floksdisiplin rokn­ að fyri at vera ein dygd, men nú verður tað kallað ”demo- kratiskt undirskot”. Kravið tykist vera, at vit skulu hava flokkar, sum ikki eru flokkar, og samgongur, sum ikki hava áralag. Øll skulu bara umboða seg sjálvan og ikki tann flokkin, tey eru vald at umboða, og fjølmiðlarnir tala at, um samgongan er blivin samd um málini, áðrenn tey verða løgd fyri í tingið. Vit hava sæð fleiri dømi í Føroyum um flokkar og sam­gongur, har hvør dró í sína ætt. Tað spældi sjáldan væl av. Nei sjálvandi eru ikki øll 19 í samgonguni samd um alt. Tað skulu nakrir kamelar svølgjast, og onkur uppskot verða eisini broytt á vegnum. Men skal nakað skil vera á, so má samgongan gera eitt gott forarbeiðið, soleiðis at landsstýrisfólkini kunnu vita, um undirtøka er fyri upp­skotunum, sum verða løgd fyri løgtingið. Lítið sigandi orðaskifti Hvat er tað so fyri orðaskifti, sum fjølmiðlarnir eftirlýsa? Tað sum vit uppliva í løgtinginum fyri tíðina er, at fólk taka orðið undir fyrstu viðgerð, og tey taka aftur orðið undur aðru viðgerð, har tey siga júst tað sama, sum tey søgdu undir fyrstu viðgerð. Og aftur undir triðju viðgerð fáa vit enn eina útgávu av somu røðu. Tá røðarin er lið­ugur (bæði undir fyrstu, aðru og triðju viðgerð), biðja partafólkini hjá røðaranum um eina viðmerking, har tey takka røðaranum fyri hesa fantastisku røðuna, og so spyrja tey røðaran, um hann ikki er samdur í tí at... (og so kemur ein leiðandi spurningur). Røðarin fær so ein minutt til at svara, at hann er samdur. Síðani reisist tann næsti sum takkar og spyr, og røðarin fær enn ein minutt at siga, at hann aftur hesaferð er samdur. Soleiðis ganga heilir dagar í tinginum, so tað er kanska ikki løgið, at tingfólk trívast illa í tingsalinum. Tey koma inn at halda (ella endurtaka) sína røðu, og fara so útaftur. Aftaná klokkan hálvgum seks, sløknar Tingvarpið, tí tá skal sjónvarpssendarin brúk­ast til at vísa barna­ send­ingarnar ”Pingu” ella ”Kúgv­in Konny”, so tá eru tað stórtsæð bara tey fáu sum sita eftir í tingsalinum sum hoyra orðaskiftið. Ikki motiverandi Nei tað er ikki serliga moti­ verandi at halda røður fyri einum tómum tingsali. Eg haldi í hvussu so er ikki, at tað sum verður sagt á løg­ tingsins røðarapalli er tað sum tryggjar tað demo­krat­ iska yvirskotið í Føroyum. Harafturímóti havi eg altíð hildið, at tingfólk áttu at gjørt meira við at skriva í bløð­unum, fyri á tann hátt at greitt frá teirra politikki. So heldur enn at eftirlýsa, at samgongulimir taka orð­ ið í øllum málum, so áttu fjøl­miðl­arnir at eftirlýst, at ting­fólk gjørdu meira vart við seg aðrastaðni, har fólk hava størri møguleika at fylgja við. Má gevast her Eg kundi hugsað mær at sagt nógv meira um hetta evnið, men eg má heldur gev­ast her, tí eitt av hesum bløð­ unum, sum hava eftirlýst, at samgongufólk úttala seg meira, hevur eisini givið mær harraboð um, at mínar greinir mugu ikki vera longri enn í mesta lagið 6.000 bók­ stavir, tí annars sleppa tær ikki við í blaðið. Eg undrist bara á, at onn­ ur, sum kalla sínar grein­ir ”kronik” ella ”politisk tíðar­ grein”, fáa heilt aðrar treytir frá sama blaði. Eg veit ikki, hví treytirnar eru so ym­ iskar, men kanska hevur tað okkurt við demokratiskt undir­skot at gera ??? Kjak