mikudagur 16. januar 2013síða 14

Mikudagur 16. januar 2013 · Nr. 6 14 Sosialurin Hugskot og viðmerkingar – send sms til 225000 tíðindi Løgmaður ætlar at arbeiða skjótt SAMSÝNING Hetta er annað álitið, ið Kaj Leo Holm Johannesen fær handað, um lønir og samsýningar hjá løgmanni og landsstýrisfólkum, og hann ætlar at taka hetta málið upp á fyrstkomandi landsstýrisfundi Nevndin, sum hevur gjørt álit um lønir og samsýningar, mælir til at avtaka kostnaðarendurgjaldið og í staðin fyri at veita lands­stýris­ fólkum og løgmanni ráðharrabilar. – Høvuðsboðskapurin hjá okk­um er, at vit mæla til eina ein­ faldari skipan, sum samstundis er gjøgnum­skygd. Tað sigur Maria á Dul, sum hevur verið forkvinna í nevndini, sum løgmaður setti at endurskoða lønir og samsýningar hjá lands­ stýris­fólkum og løgmanni. Hini í nevndini eru Jóhan J. Lamhauge og Miriam Haraldsen. – Vit hava eina lóg at arbeiða eftir, har vit skulu hava atlit tilt a tygn, ið liggur í at vera lands­ stýrisfólk og løgmaður, og vit skulu hyggja at samanberiligum skipanum í Føroyum og hinum Norðanlondunum, sigu Maria á Dul. Londini, ið nevndin hevur hugt at, eru Grønland, Ísland, Noreg og Danmark. – Tað er rættiliga ymiskt, sum lønir og samsýningar eru skrúv­aðar saman. Í summum forum líkjast vit nógv og í øðrum forum als ikki, so tað er trupult at saman­bera, men har tað ber til, hava vit funnið loysnir, ið eru saman­beriligar, sigur Maria á Dul. Nevndin mælir til at avtaka stóran part av teimum skattafríu ágóðunum, sum landsstýrisfólk og løgmaður hava í dag. – Tað gera vit við atliti til, at tað skal verða gjøgnumskygt. Vit mæla til, at tær útreiðslur, sum standast av at vera lands­ stýris­fólk, skulu vera útreiðslur, ið skulu verða skipaðar í fyri­ sitingini, og annars í lønini. Tað skal verða klárt fyri fólki, hvat fyri løn landsstýrisfólkini fáa, og at hendan lønin verður skattað, sigur Maria á Dul. Roknað verður við, at hendan umskipanin fer at kosta 800.000 krónur meira enn vferandi skipan. – Tað, sum vit siga, er, at tað, at hækka lønina og strika borðfæið, fer at kosta 800.000 krónur meira. Men tá hava vit ikki tikið við, at tað við tíðini verður bíligari við teirri eftirlønarskipan, sum vit mæla til, sigur Maria á Dul. Nevndin mælir eisini til at taka kostnaðar endurgjaldið av og veita ráðharrabilar í staðin. – Har ber ikki til at rokna út, um hetta verður dýrari ella bíligari, sigur Maria á Dul, sum vóænar at tey hava gjørt eitt so gott arbeiði, at álitið verður tikið upp til politiska viðgerð, heldur enn at enda í onkrari skuffu. leo@sosialurin.fo Leo Poulsen Talan er um annað álitið, ið Kaj Leo Holm Johannesen fær handað sum løgmaður, so spurn­ingurin er, um hetta fær somu lagnu, sum fyrra álitið. – Ja, tað er rætt, men fyrra álitið fekk ikki politiska undir­tøku í landsstýrinum und­ir táverandi samgongu. Men nú er so nýggja álitið lagt fram, og tað tykir mær at vera eitt gott arbeiði, ið er gjørt, sigur Kaj Leo Johanesen. Enn hevur løgmaður tó ikki lisið álitið, og tí er hann eitt sindur varin við at úttala seg. – Nú skal álitið so lesast av landsstýrisfólkunum og mær sjálvum, men síðani kemur tað til politiska viðgerð í lands­stýrinum. Tað, sum vit øll ynskja, er at fáa eina meira gjøgnum­skygda skipan, tá tað kemur til lønir og eftirlønir hjá landsstýrisfólkum og løg­manni, sigur Kaj Leo Johannesen. Alt skal so gjøgnum­gang­ ast í politisku skipanini hvat viðvíkur koyripeningi, løn, eftir­løn og líknandi. Men løg­maður beit ikki serliga merki í nakað ávíst undir fram­løguni. – Nei, ikki sum so. Men eg havi nevnt tað á Tingsins røðara­palli, at tað kann ger­ ast talan um upp ella niður í løn. Mín uppgáva er so at fáa eina semju um málið, so vit kunnu táa eitt lógaruppskot fyri Tingið, sigur Kaj Leo Johannesen. Hann heldur, at tey skulu vera varin við at broyta nak­ að í álitinum. – Eg vil ikki áseta mina egnu løn, tað vil eg hava so langt burturi frá mær sum gjørligt, so eingin kann seta spurnar­tekin við tað, sigur Kaj Leo Johannesen. Gildiskoma Spurningurin er so, nær ein broyting í lønum og sam­ sýn­ingum til løgmann og landsstýrisfólk skal koma í gildi. – Skal hendan broytingin koma í gildi nú, ella skal bíðast til eitt nýtt landsstýri tekur við. Tað er støða ikki tikin til í sjálvum álitinum, og at lóggeva fyri sær sjálvum er kanska eitt sindur óheppi, sigur Kaj Leo Johannesen. Hetta er so ein spurningur, ið støða skal takast til, um broytingin skal koma í gildi, tá uppskotið hevur verið fyri í Løgtinginum, ella tá eitt nýtt landsstýri er valt. Sjálvur ætlar løgmaður at arbeiða skjótt við málinum. – Nú fáa landsstýrisfólkini álitið at lesa ígjøgnjum, eins og embætisfólkini, og so er ætlan­in at taka málið upp á lands­stýris­fundi bein­an­vegin, sigur Kaj Leo Johannesen. Nevndin hevur hugt eftir skipanunum kring um okkum, eins og lutfallið mill­um løgmann og lands­ stýris­fólkini er tikið við í álit­inum. – Eisini er tikið við hvat er rímiligt í dag í mun til fyri 30 árum síðani við teirri út­ bygging, sum sam­ferðslu­ kervið hevur fingið. Tað er slíkt, ið hevur verið høvuðs­ prin­sippið í álitinum, og tað var altíð roknandi við, sigur Kaj Leo Johannesen. Alt um skattin Men okkurt heilt nýtt er eis­ini tikið við í nýggja álit­ inum. – Nevndin mælir til, at so­ nevndir ráðharrabilar verða útvegaðir, og tað er heilt nýtt. Men eg havi onkuntíð nevnt, at landið hevur einar 450 bilar, og landsstýrisfólkini og løg­maður eru nærum tey ein­astu, ið ikki hava bil frá tí almenna. Øll londini rundan um okkum hava ráð­harra­ bilar, so eg veit ikki, um tað er so órímiligt, sigur Kaj Leo Johannesen. Hetta er tó uttan førara, og løgmaður heldur, at tað vigar upp ímóti tí koyriendurgjaldi, ið er galdandi í dag. – Tað svarar nøkurlunda til tað, sum er galdandi í dag, pluss onkunstaðni og minus onkunstaðni. Lagt verður aftrat lønini, og so verður tað, ið nevnist borðfæ, tikið av. Borðbæið er skattafrítt, og so verður tað lagt oman á løn­ina í staðin, sigur Kaj Leo Johannesen. Hann fegnast annars um, at skattafríu samsýningarnar verða avtiknar, tí tað er nak­ að, ið folk argast inn á. – Ja, tað er positivt, tí so sum menningin hevur verið, eru skattafríu sam­sýn­ingar­ nar í veruleikanum verið ein løn, og tað, sum nevndin mæl­ir til, er, heldur at koyra hes­ar samsýningarnar yvir A-skattaskipanina, tí tað haldi eg, at folk eru nógv fegn­ ari um, sigur Kaj Leo Holm Johannesen, løgmaður. leo@sosialurin.fo Mæla til ráðharrabilar Kaj Leo Holm Johannesen fekk handað alit um lønir og samsýningar til landsstýrisfólk og løgmann í gjár Mynd: Álvur Haraldsen Maria á Dul hevur verið forkvinna í nevndini, sum hevur gjørt alit um lønir og samsýningar til landsstýrisfólk og løgmann Mynd: Álvur Haraldsen