fríggjadagur 25. januar 2013síða 47

nr. 10 · 25. januar 2013 7 VIKUSKIFTI Starv? Eg arbeiði í Eik Hvat ger teg í góðum lag? Mín deiliga familja – einki er sum eitt smíl frá míni fantastisku dóttir Lóu Sigrið. Annars er tað altíð deiligt at møta smílandi og fyrikomandi fólki. A ella B-menniskja? Eg vil siga, at eg eri bæði A og B-menniskja. Ein vanligan gerandisdag fari eg altíð upp um 6 tíðina, men kann eg sova leingi, so geri eg tað fegin, tað hendir bara ikki serliga ofta. Hvørjar ítróttargreinar dámar tær og hví? Eg havi íðka hondbólt, síðani eg var heilt lítil, so ta ítróttargreinina dámar mær sjálvandi væl. Við at íðka verið eg betur fyri kropsliga og mentalt, og so dámar mær eisini sera væl kapping í heila tikið. Annars dámar mær eisini væl badminton og rógving. Hvørjum tónleiki lurtar tú eftir? Mær dámar næstan alt slag av tónleiki. Ìgjøgnum tíðirnar havi eg lurtað nógv eftir popp/rock- og 80'ara tónleiki, men tann sjangran, ið fær meg í rættiliga gott lag er nokk reggae tónleikur – Bob Marley Hvat er besta lag, sum er gjort? Tað má vera Bohemian Rhapsody hjá Queen Hvussu eru tínir matvanar? Eg hugsi nógv um hvat eg eti, soleiðis at tað er bæði fjølbroytt og sunt. Men eg havi tíverri eisini eina søta tonn, ið verður forkelað viðhvørt. Hvør er tín fyrimynd? Hetta er ein heldur trupul spurningur, tí eg haldi, at tað kemur eitt sindur ann uppá, hvørjum høpi talan er um. Men skal eg velja, so má tað verða málverjin hjá danska hondbóltslandsliðnum, Niklas Landin. Hvat gert tú i frítiðini? Eg hugni mær saman við familjuni og venji hondbólt. Hvat dámar tær at ferðast í egnum landi? Her má eg viðurkenna, at eg ikki havi ferðast nakað serligt í okkara fantastiska flotta landi, so tað havi eg tilgóðar – tað kundi kanska verið mítt nýggjárslyfti 2013. Hvør er tin livrættur? Ræst kjøt. Hvørjum hyggir tú at í sjónvarpinum? Mær dámar sera væl Grey's hvide verden, men Natholdet og Klovn er heldur ikke til at kimsa at. Eitt sindur av býttum látri áðrenn man fer í song, er akkurát fyri. Hvør bók liggur á náttborðinum? Á náttborðinum liggja ein rúgva av barnabókum, sum eitt nú »Karius og Baktus«, »Neyðars Pettson« og »Karl hevur ilt í oyrunum«. Sjálvandi eiga stjórar og leiðarar at fáa góða løn, fyri ikki at siga feita løn, ja, ella lukrativa løn, sum hon eitur viðhvørt. Tí stjórar og leiðarar hava ábyrgd. Og ábyrgd er sum botu­ lisma, hon er ikki at spæla við. Tey, sum koyra bussarnar í Havn, hava eisini stóra ábyrgd. Hvør bussførari hevur ábyrgdina av fleiri hundrað fólkum hvønn einasta dag, at tey sleppa trygt frá Ð til Á og aftur. Tí fáa buss­ førarar sjálvandi nakrar krónur meira í løn enn onnur arbeiðs­ fólk. Uppi í móti rættvísari løn hjá teimum, sum hava ábyrgd, er ólekjandi øvundsjúkan. Hví skulu tey, hasi har, hava so nógv, tá vit onnur fáa millum lítið og einki fyri ábyrgdarleyst at gera millum lítið og einki at gera? Fyri at koma til arbeiðis klokk­an eitt korter til níggju og fara til hús klokkan tveir minuttir í fýra? Tað er gott undirhald og rakar beint í solar plexus hjá innan­bak­ beistinum uttan innaneftirlit, tá onkur fær eina rúgvu í løn ella skal fáa meira í løn. Tví vorði teim­um, sum kenna sítt egna virði og ikki skammast við at krevja nakað fyri tað. Fjølmiðlarnir, sum alla tíðina renna eftir undirhaldinum og øvund­sjúkini, lægsta felags­ nevn­ar­anum, í staðin fyri at gera sína skyldu, eru sjálvandi við, tá innan­bakbeistið skal út at goyggja og glefsa. Men pengar eru jú ikki alt. Eingin verður lukkulig/ur av pengum. Tú fært einki við tær í grøvina. Tú kanst ikki keypa tær eydnu fyri pengar. Flatskatturin er einasti uggin hjá teimum, sum fáa nógvar pengar tann rætta vegin. Fyri nøkrum árum síðani hevði ein nýggj vinna brúk fyri pengum, so hon slongdi út boð­skapin um trivnað á arbeiðs­ plássinum. Nú skuldu arbeiðs­ pláss­ini ikki longur vera tað, tey eru, arbeiðspláss, men vælveru­ miðstøðir. Starvsfólkapolitikkur er líka so høpisleysur sum før­ oysk­ur politikkur. Fólk fáa løn fyri at arbeiða, summi meira enn onn­ur og nøkur nógv meira enn onn­ur. Tey fastløntu fáa eisini løn, meðan tey eru í summarfríi, jóla­fríi í tvær vikur minst og frítíðar­løn afturat og eftirløn, tá tey eru givin at arbeiða. Hava tey so rætt til trivnað aftur at allari has­ari lønini? Jú, so sanniliga, siga mennarar og kógsjarar. Í sáttmálanum, sum eg arbeiði eftir, stendur alt møguligt um starvs­fólkapolitikk. Tað hevur staðið har í nógv ár, heilt nógv ár. Tað stendur bara har. Og har stendur tað helst væl, tí verður tað standandi uttan at verða brúkt. Eg vil nógv heldur hava meira í løn enn starvsfólka­ politikk og trivnað og annað, sum rokn­ingar ikki kunnu gjaldast við ella, sum kann tveitast í døgurða­ pottin. Eina ferð varð okkurt teskað um, at størri ábyrgd er tað sama sum meira í løn til okkara á teim­um óbonaðu gólvunum. Men tað varð teskað so lágt, at eingin hoyrdi tað. At biðja nyttar einki. Tí keis­ arin skal hava tað, sum hansara er, siga teir har, sum bønirnar verða sendar. Fyrrverandi stjórin í ALS kann lættliga fáa meira í løn enn hann fær fyri ikki at vera stjóri í ALS. Hann kann melda seg inn í ALS og fáa 17.000 og nakað afturat um mánaðin. Eftir 1.mars verður 25 kr. bíligari at rýma úr Føroyum. Hinu megin turbulensin er strá­ fóðrið (fyrr gras) altíð grønari og síðari og lønin er betri, eisini hjá teim­um, sum onga ábyrgd hava, heldur ikki ábyrgd av sær sjálvum. Gleðin í gleðiboðskapinum er gleðin at taka gleðina frá øðrum at boða gleðina í gleði­boð­skap­ inum. Umafturafturum høgni djurhuus Móðurmálsviðursløn 2012 tomma s. petersen lagt til rættis: Rannvá Gaard Fossaberg Niklas Landin er stóra fyrimyndin Tá Tomma S. Petersen ikki er til arbeiðis í Eik ella verjir málið hjá besta kvinnuliðnum hjá Kyndli, dámar henni væl at lurta eftir reggae tónum hjá Bob Marley og onkuntíð pleyga ta søtu tonnina. Og so er danski málverjin Niklas Landin hennara stóra fyrimynd Innanbeistið glefsar