fríggjadagur 14. desember 2012síða 8

Fríggjadagur 14. desember 2012 · Nr. 146 8 Sosialurin Hugskot og viðmerkingar – send sms til 225000 Áki Bertholdsen Nú fáa eisini hoyvíkingar fót­bóltsvøll! Tórshavnar Býráð sam­tykti í gjárkvøldið at nýggj­ur fótbóltsvøllur skal leggj­ast við Skúlan við Løg­ manna­breyt. Hetta er eitt mál, sum hev­ur verið ávegis í nógv ár og nú býráðið hevur sam­ tykt, hvar hann skal vera, verður farið undir fyri­reik­ ing­ar­nar at gera vøllin. Upplýst varð á býráðs­ fundi­num í gjárkvøldið, at tað verður farið undir tað ar­beiðið beinanvegin. Ein orsøk til, at málið hev­ur drigið út, er ymsar mein­ing­ar hava verið um, hvar vøllurin skuldi vera. Upprunaliga var ætlanin at leggja hann við skúlan við Løgmannabreyt. Men so tók ónøgd seg upp um ta staðsetingina og í tí sambandi var heldur mælt til at leggja vøllin í Dali­num Langa omanfyri Hoy­vík­ar Skúla. Tað endaði við, at verk­ frø­ð­ingur varð biðin um at kanna eftir, var ein vøllur ligg­ur best. Her verður hugs­að um plásstørv, ví­ð­kan­ar­møgu­ leik­ar, pláss til áskoðarar, felags­hús, ávirkan á býar­ skipan, atkoma, ferðsla og parkering, ávirkan á granna­lag, veðurlagið og prís. Tvey støð Umsitingin í býráðnum sig­ ur, at kanningin kemur ikki til nakra greiða niðurstøðu og mælir tískil til, at hildið verður fast um upprunaligu ætlanina at leggja vøllin við Løg­mannabreyt. Hinvegin siga nakrir býráðs­limur, at niðurstøðan í kann­ingini er, at vøllurin liggur best niðarliga í Dali­ num Langa, ella kanska long­ur uppi í Dalinum, tí tað er so vindhart við Løg­ manna­breyt. Ein meirluti í Byggi- og býar­skipanarnevndin, sum eru Levi Mørk og Jákup Sím­un Simonsen mæla til at leggja vøllin ovaliga í Dali­num Langa, Men Fíggjarnevndin mæl­ir til at leggja vøllin við Løgmannabreyt út frá eini heildarmeting, ið tekur atlit til bæði fíggjarlig og býar­ skipan­ar­lig viðurskifti. Vindhart Bogi Andreasen mælti til at hava borgarafund í Hoyvík um málið og Marin Katrina Frýdal mælti til at sleppa ætla­nini heilt og at byggja eina fótbóltshøll ístaðin. Bæði hesi uppskotini fullu og endin varð, at bý­ ráð­ið samtykti einmælt at leggja vøllin við Løg­manna­ breyt. Býráðið hevði drúgvt kjak um málið í gjárkvøldið. Summ­ir býráðslimir halda, at tað er so vindhart við Løg­mannabreyt, at vøllurin ligg­ur nógv best í Dalinum Langa. Hinvegin vístu aðrir býráðs­limir á, at Dalurin Langi er settur av til fríøki og at verður fótboltsvøllur lagd­ur har, hava øll tey, sum hava keypt grundstykki og bygt rundan um har, gjørt tað undir skeivum for­treyt­ um og soleiðis kundi bý­ráð­ ið ikki fara við fólki. Somuleiðis varð ført fram, at ein vøllur í Dalinum Langa verður nógv dýrari, tí har skal nógv spreinging til í sambandi við vøllin, park­ er­ings­pláss, vegir og aðrar hent­leikar. Upplýst varð á býráðs­ fundi­num, at ein vøllur við Løgmannabreyt kostar ein­ ar 20 milliónir, men ein vøll­ ur í Dalinum Langa kostar 24-25 milliónir og býráðið sam­t­ykti, at leggja vøllin við Løg­manna­breyt. - Vit eru fantastiska fegin, at Býráðið loksins hevur tikið støðu til, hvar ein fót­bólts­ vøll­ur í Hoyvík skal vera. Tað sigur Fróði Danielsen, for­maður í FC Hoyvík. Hann vildi heldur, at vøll­ urin var í Dalinum Langa, tí kanningar vísa, at tað er tað er so vindhart við Løg­ manna­breyt. - Tað kanningina gjørdi bý­ráð­ið av at seta til viks, men tað er ein býráðsavgerð, sum vit góðtaka, hóast tað er óheppið. - Tað, sum hevur nógv størst týdning er at fáa ein vøll og tað er nógv betri at fáa tann næstbesta loysnin enn ongan vøll at fáa. Hann ivast í um vøllurin við Løgmannabreyt fer at lúka altjóða treytir og kann verða eitt veruligt stadion, tí har er ógvuliga trongt runda­ num. Hinvegin vísir hann á, at býráðslimir hava nevnt, at tað ber væl til at taka onkur av vinnuligu grund­stykki­ num við vøllin, upp í vøllin, so at pláss verður fyri at gera sta­dion. - Eg kann ikki hugsa mær, at býráðið byggir ein vøll fyri yv­ir 20 milliónir, men sum ikki kann lúka altjóða krøv og kann verða eitt stadion, sig­ur Fróði Danielsen. Hann sigur, at fremsta enda­mál við vøllinum er at fáa umstøður at menna ung­ dóms­fótbóltin í Hoyvík, tí tað hava tey ongan møgu­ leika at menna við teim­um umstøðum, tey nú hava. - Vit stórfegnast um at býráðið hevur nú hevur samtykt, hvar fótbóltsvøllurin í Hoyvík skal vera, sigur Fróði Danielsen, formaður í FC Hoyvík Vit eru fantastiska fegin Nú fáa hoyvíkingar fótbóltsvøll FÓTBÓLTSVØLLUR Tórshavnar Býráð samtykti í gjárkvøldið at nýggjur fótbóltsvøllur skal gerast við Skúlan við Løgmannabreyt Bogi Andreasen mælti til at hava borgarafund í Hoyvík um málið og Marin Katrina Frýdal mælti til at sleppa ætlanini heilt og at byggja eina fótbóltshøll ístaðin