fríggjadagur 14. desember 2012síða 55

nr. 146 · 14. desember 2012 15 VIKUSKIFTI Sveinur▲ Sveinnur Gaard Olsen markeraði seg av álvara í X Factor á DR1, har tað rakk til eitt triðja pláss. Síðani hevur hann givið út fløguna »Rock'n'Roll Choir Boy«, har hansara nógv umrøddi alskur til rokktónleik veruliga kemur til sjóndar. Hóast gamal í garði á føroyska tónleikapallinum, er tað fyrstu ferð, at hann stendur á egnum beinum. Sveinur er tilnevndur sum ársins nýggi einstaklingur Sakaris▼ Sakaris Emil Joensen hevur í nógv ár arbeitt saman við og fyri aðrar tónleikarar. Hann gav fyri tveimum árum síðani út nógv spælda staklagið, In a Box, og kom í ár loksins út við fløguni »I Have Beautiful Eyes«. Útgávukonsertin á G! í ár tryggjaði honum eisini møguleikan at spæla í Týsklandi fyrst í 2013. Sakaris er tilnevndur sum ársins nýggi einstaklingur. Hans Andrias▲ 19 ára gamli klaksvíkingur Hans Andrias Jacobsen hevur av álvara sligið navn sítt fast við lagnum Don't Want To Burn, sum hevur verið nógv at hoyrt í loftmiðlunum. Hann hevur spælt nógv til ymisk tiltøk kring landið, millum annað á heimavølli á Summar Festivalinum. Hans Andrias er tilnevndur sum ársins nýggi einstaklingur. Urbanus▼ Klaksvíkingurin Urbanus Olsen ger tónleik, sum eingin annar ger í Føroyum. Hann var við í The Ghost, men hevur nú markerað seg við remixum av eitt nú Pieces hjá Guðruni Pætursdóttir og Love Sea hjá danska Alphabeat, umframt at hann hevur tikið upp sera spennandi samstarv við Swangah Dangah. Urbanus er tilnevndur sum ársins nýggi einstaklingur. Kristel Lisberg▲ Í Føroyum hevur leingi verið greitt, at Kristel Lisberg hevur eina fantastiska rødd. Hetta megnaði hon eisini at vísa í X Factor á DR1, har Pernille Rosendahl, dómari, segði hana vera eina óvanliga evnaríka songkvinnu. Áður hevur Kristel sungið nógv country, men hon hevur eisini gjørt meira popputt løg. Nú bíða nógv eftir næsta útspælinum. Kristel er tilnevnd sum ársins nýggi einstaklingur. Marius▲ Hans Marius Ziska hevur verið virkin á føroyska tónleikapallinum í mong ár. Nú er hann loksins komin við útgávu undir egnum navni, »Recreation«, sum hevur vakt ans ikki bara í Føroyum, men eisini USA og Kanada. Umframt hetta hevur Marius havt fleiri inniligar og væleydnaðar konsertir, og spælt seg til plátusáttmála við týska stargazed. Tískil er hann tilnevndur ársins sangari. Finnur Koba▼ Aftur í ár hevur Finnur Koba sungið saman við føroyingum, tá Páll Finnur Páll hava verið á palli kring landið. Men Finnur dugir at markera seg uttanfyri væl umtókta bólkin, millum annað sum einstaklingur, í samstarvi við Tórshavnar Big Band í fjør og í ár saman við MC Restorff. Finnur er tilnevndur sum ársins sangari. Lív Næs▲ Tað eru longu fleiri ár síðani, at Lív legði Føroyar fyri føtur sínar við sjarmerandi útgávuni, sum hon og Niels Midjord góvu út. Seinni fekk hon allar føroyingar at murra við til lagið, Sveimandi, sum hon sang við unnusta sínum Tróndi Enni. Í ár hevur hon sungið og spælt nógv kring Føroyar, og fyri kortum kom hon so við útgávuni Keldufar. Lív er tilnevd sum ársins songkvinna. Greta Svabo Bech▼ Sum fyrsti føroyingurin nakrantíð varð Greta tilnevnd eina Grammy virðisløn fyri lagið Raise Your Weapon, har hon syngur til tónleik hjá Deadmau5. Haraftrat kunngjørdi Rolling Stones eitt annað samstarv hjá Gretu (við Bloody Beetroots), tá teir løgdu lagið Chronicles of a Fallen Love á heimasíðu sína. Annars er hon fastur partur av bólkinum Picture Book, og er tilnevnd sum ársins songkvinna. Evi▲ Tað er ikki einans í Føroyum, at countrystjørnan Evi ger vart við seg. Í USA hava tey eisini lagt merki til føroysku kvinnuna, har hon er tilnevnd sum Independant Artist of The Year 2013, sum útvarpsrásin The Southern Star Network skipar fyri. Tað eru lurtarar hjá rásini, sum hava innstillað Evi til henda prísin, sum er fyri tónleikarar uttan sáttmála. Evi er tilnevnd sum ársins songkvinna á Planet Awards. Kristina Bærendsen▼ Eftir at hava markerað seg sum ein frálík songkvinna í bólkinum hjá Halli Joensen, stendur Kristina Bærendsen nú eisini á egn­um beinum við útgávuni, sum hon kom við fyrr í ár. Kristina hevur upp á rekordtíð vunnið sær ein stóran fjepparaskara, eftir at hon sang alment fyri fyrstu ferð á sínum egna brúdleypi í 2010. Hon er tilnevnd eina Planet Awards sum ársins songkvinna. MC Restorff▼ Eftir 14 ára steðg kom MC Restorff fyri kortum við nýggjari útgávu. Ein útgáva, sum mong hava glett seg til, og sum eisini hevur verið væl móttikin. Hetta er MC sum vit kenna hann, har hann eisini dugir at endurnýggja seg sjálvan, við at fáa væl umtóktar tónleikarar við á fløguna. MC er tilnevndur eina Planet Awards fyri útgávuna »Sanganna veingir«. All In▼ Fyri fyrstu ferð nakrantíð er sami sangur tilnevndur eina Planet Awards tvey ár á rað. Dreingjabólkurin All In hevur av sonnum gjørt Vanju hjá Jákup Eli til sín egna sang, soleiðis at føroyingar framvegis syngja um Vanju, nú meiri enn tvey ár eftir, at sangurin gjørdist eitt hitt av fyrstan tíð. All In er tilnevndur eina Planet Awards fyri ársins sang. Dynamitt▼ Tú kanst siga nógv um Dynamitt, men eingin kann seta spurnartekin við, at teir einaferð um ári eru Føroya mest elskaði bólkur, tá tíggjutúsund fólk syngja við á Vágsbøi á Summar Festivalinum, tá Grøv nummar 13, Frensin hjá Óla og allar hinar slagararnar. Í ár legði Dynamitt so enn eitt hitt aftrat rúgvuni, tá teir góvu út Hví gongur Tom altíð skid. Dynamitt er tilnevndur eina Planet Awards fyri ársins sang Signar í Homrum▼ Signar í Homrum gjørdist lands­ kendur við eyðkendu rødd síni, tá hann var oddamaður í Kjølum. Tað er rúm tíð síðani, og í ár hevur Signar aftur lagt Føroyar fyri føtur sínar við inniligum gittarspæli og mildu rødd síni, tá hann gav út fløguna »Myrka nátt«, sum hevur verið nógv spæld í loftmiðlunum. Signar í Homrum er tilnevndur eina Planet Awards fyri ársins sang við lagnum Mín skattur.