mánadagur 17. desember 2012síða 10

Mánadagur 17. desember 2012 · Nr. 147 10 Sosialurin Hugskot og viðmerkingar – send sms til 225000 Randi Jacobsen Í dag hava allir hýru­vogn­ar­ nir, sum eru knýttir at bil­ støð­ini Auto í Havn, koyrt flagg­skrýddir, og frá midnátt til á midnátt í kvøld hava allir vanligir túrar kostað 60 krón­ur. Vanliga kosta teir meira. Auto hevur opið hús seinna­partin, og tá eru fólk væl­komin inn á gólvið til ein drekka­munn, síggja myndir og at práta. Høvið er, at tað í dag eru 60 ár liðin, síðan Auto varð stovn­að. Bara ein av teimum 15 monnu­num, sum stovnaðu Auto, er á lívið í dag, Jo­han­ nes Berg. Birni Joensen hevur koyrt hjá Auto síðan 2006, og hann angr­ar ikki, at hann tá gavst at koyra oljubil fyri at koyra við fólki. Hann gjørdi tað, tí hann trongdi til at royna okkurt annað. - Tað er eitt fjølbroytt a­r­ beiði, eingin dagur er eins. Eg havi eitt frælsi, sum fá onnur hava. Eingin sigur, nær eg skal møta, og nær eg skal fara heim um kvøldið. Tí ráði eg fullkomiliga sjálvur fyri, sig­ur Birni Joensen. Hann sammetir arbeiðið við at fara til útróðrar á tann hátt, at hann ongantíð veit, hvat dagurin gevur. Er lítið at fáa, verður dagurin so mikið longri. Bara góðir dagar Krøvini til hýruvognsføraran er, at honum dámar bilar, at fáast við fólki og duga at ge­ va teimum eina góða upp­liv­ ing. Birni Joensen minnist ong­ar keðiligar dagar í ar­ beiði sínum sum hýru­vognsf­ ørari. - Fólk eru einastandandi blíð og fyrikomandi. Hýrurin er góður, bæði tá ið tey fara í býin um vikuskiftið og heim aftur. Birni Joensen held­ur, at tað er upp til hýru­vogns­ føraran sjálvan at fáa gott lag í bilinum. Er hýru­vogns­ førarin væl hýrdur, so eru hini í bilinum tað eisini. Annars eru øll altíð fitt, ikki minst tey ungu, sum eru sera fólkalig. Hýruvognarnir hjá Auto fara so langt sum koyrandi er. Summir túrar eru tíma langir, og tað hendir eisini, at teir vara dagar. Tað eru tá ið teir hava verið eftir onkrum ferðafólki á flogvøllinum i Vág­um, og viðkomandi biðjur sama bilførara koyra seg dag­ ar­nar aftaná eisini. Í summar góvust bilarnir hjá báðum bilstøðunum í Havn at koyra eftir brenni­ víni fyri fólk, og Birni Joen­ sen heldur tað vera frálíkt at hava slept tí koyringini, tí tað var ikki stuttligt at skula inn til fólk, sum lógu inni og drukku. Tað gav sam­vitsku­ bit. Hann heldur ikki, at teir hava mist inntøku av týdn­ ingi av tí. Skrivlig tagnarskylda Birni Joensen sigur, at hýru­ vogns­førararnir hava havt mor­alska tagnarskyldu, sum teir eisini hava hildið. Men í vár skrivaðu allir hýru­vogns­ førararnir hjá Auto skrivliga undir tagnarskylduna. Hann veit ikki um, at hetta er gjørt á nakrari aðrari bilstøð nakra­staðni. Hetta varð gjørt, tí teir kunnu koma at hoyra fólk á bak­setri­num sita og tosa um handils­lig mál ella um fundir, tey skulu á. - Vit lurta ikki eftir, hvat fólk siga, og hoyra vit okkurt, gloyma vit tað beinanvegin. Men tað er gott, at allir hjá okkum hava skrivað undir, at vit hava tagnarskyldu. Koyringin millum Havn­ ina og flogvøllin gevur teim­ um øllum væl aftrat, og hóast hvør er sín egni harri, sam­starva teir um ta koyr­ ing­ina, so teir fylla bil­ar­nar heldur enn, at fleiri koyra hálv­tómar bilar. Næstan helvtin at ferða­ fólkunum velur hendan mát­an at verða flutt millum heim og flogfar, og tey verða fleiri og fleiri. Koyra nógv fremmandafólk Ferðamannaskipini geva eisini væl, tí fremmandu fólk­ini vilja fegin ein túr út um býin. Koyra tey við hýru­ vogni, ráða tey sjálv fyri, hvar steðga verður á, og hvagar leiðin gongur. Hýruvognsførararnir ilskast eitt sindur inn á ókeypis Bussleiðina, ser­liga til Kirkjubøar. Fleiri frem­ manda­fólk hava funnið útav, at bussurin er ókeypis, og at buss­urin steðgar eina løtu í Kirkjubø. Har missa teir nakr­ar túrar. Birni Joensen heldur tað má siga eitt sindur um, hvussu gott Auto er sum arbeiðs­pláss, at teir hava eitt lítið undirhús a støðini. Fleiri teirra, sum áður hava koyrt hjá Auto, koma javnan inn á gólvið at práta, frætta nýtt og viðgera dagsins mál. Tá ið lít­ið er at koyra, eru tey væl mannað í undirhúsinum. Gullreinir Krøvini hjá hýru­vogns­ føraru­num eru, at bilarnir altíð skulu vera reinir innan sum uttan, og bilførararnir sjál­vir ­skulu eisini vera hampi­ligir og í búna. - Vit hava mangan fingið við­merkingar frá fólki um, hvussu deiligt tað er við so rein­um bilum. Birni Joensen vendir aftur til týdningin av blíðskapi. - Viðskiftafólkið skal hava ta fatan, at vit eru til fyri teirra skyld. Hevur við­kom­ andi viðføri við, skulu vit sjálv­andi bera tað fyri tey. Er tað eitt eldri fólk, sum hevur verið til handils, kunnu vit bera vøruna heilt inn í køk­ in, og er viðkomandi eitt til­ gongt fólk, ella tað er hált, er einki í vegin fyri at rætta hes­um ein arm. Birni Joensen og hinir hýru­vognsførararnir vita, at politiið fegnast um, at hýru­ vognar eru í býnum viku­ skiftis­næturnar. - Vit hjálpa politinum at tøma býin fyri fólk, og í onkr­um førum kunnu fólk velja millum at leiga sær ein hýruvogn ella fara við politi­ num í brummuna í Klaksvík. Eitt serligt frælsi at koyra hýruvogn Er hýruvognskoyrarin blíður, eru fólkini tað eisini, sigur Birni Joensen, sum íðan 2006 hevur koyrt hjá Auto í Havn. Auto fyllir 60 ár í dag Birni Joensen, sum í seks ár hevur koyrt hjá Auto í Havn, heldur tað hava nógv at siga, at hýruvognsførararnir eru blíðir og høviskir