mikudagur 19. desember 2012síða 27

27 Mikudagur 19. desember 2012 · Nr. 148 Sosialurin Hugskot og viðmerkingar – send sms til 225000 Ítróttur Tróndur Arge Bóltsnillingurin hjá Víkingi var fyrr í ár og vandi við hollendska De Graafschap. Tað bleiv ikki til nakað samstarv her og nú, og Kaj Leo er sinnaður at royna okkurt annað. – Eg vóni, at tað verður onkur royndarvenjing í januar mánaði, men enn er einki konkret á borð­ inum, sigur Kaj Leo í stuttari við­ merking til Sosialin. Kaj Leo er ikki bangin fyri at siga, at hann hevur ambitiónir um at røkka útlandinum. Hann segði fyri kortum við Sosialin, at hann fyribils satsar fult og heilt upp á at sleppa at spæla yrkisfótbólt. Í Víkingi munnu tey fylgja mál­ inum tætt, tí hann er ein týðandi spælari hjá felagnum. Hann hevur í løtuni ikki sáttmála við felagið, men hann vissar víkingar um, at verður hann í Føroyum, so verður fyrsta felagið hann tosar við Víkingur. – Ja, tað er framvegis støðan hjá mær. Verið eg verandi, so tosið eg við Víking fyrst, sigur Kaj Leo at enda. trondur@sosialurin.fo Tróndur Arge Ein dystur var í fremstu deildini hjá kvinnum í gjár millum Stjørnuna og VÍF/Tjaldur. Stjørnan var greitt omaná fyrstu løtuna. Eitt tíðarskeið var støðan 9-3 til heimaliðið, sum fleiri ferðir spældi seg hegnisliga gjøgnum VÍF/Tjaldur verjuna. Simona Petersen var við Stjørn­ uni aftur. Tað gjørdi góðan mun. Hon bæði hevur skotstyrki í álops­ part­inum, men er eisini sterk í verjupartinum. Hon megnaði at steðga Liljuni Djurhuus, sum var størsta styrkin hjá gestunum. Felags­liðið er eisini sera vandamikið í mót­álop­um, men tey fingu tær fá av, tí Stjørnan kom at kalla hvørja ferð til skot. Eisini lá væl fyri hjá Emu Bezanovic at spæla hinar leysar. Einar tríggjar ferðir spældi hon bólt­in inn á strikuna til Unu Olsen. Seint í fyrra hálvleiki kom felags­ liðið fyri seg. Tær fangaðu bóltar í verjupartinum og so gekk skjótt. Tær skoraðu nú upp á eyðkendu mót­álopini, sum Stjørnan ikki hevur nakra verju fyri. Tað sóu vit eis­ini í umvenda dystinum millum hesi bæði liðini, tá Heidi Sevdal rann verjuna umkoll. Eisini broytti Stjørnan í verju­ partinum. Millum annað var Simona Petersen flutt á hin vinstra bakk, og síðani heilt út at hvíla. Tað gav Liljuni Djurhuus betri pláss, sum hon útnyttaði til fulnar. Fleiri ferðir meddaði hon til útifrá og skorar. Áðrenn áskoðararnir vistu av, var bara tað eina málið á muni, tá farið var til hálvleiks. Javnur seinni hálvleikur Í seinna hálvleiki var Stjørnan ein fót frammanfyri til miðskeiðis í hálvleikinum, tá VÍF/Tjaldur tók leiðsluna fyri fyrstu ferð í dyst­ inum. Stjørnan fekk aftur takið á dyst­inum og fimm minuttir fyri tíð var heimaliðið á odda við fýra. Hesa løtuna gekk væl hjá Ellu Petersen, sum fleiri ferðir skoraði hegnisliga úr spísum frá vinstra vongi. Her valdi felagsliðið at mansverja Emu Bezanovic og Simonu Petersen. Stjørnan svaraði aftur við at mansverja Liljuna Djurhuus. Í hes­um spælinum var felagsliðið væl gløgg­ari. Svein Rógvi var ónøgdur við avgerðirnar hjá sínum spælarum í álopsroyndinum. Tær tóku skeiva avgerð at kall ahvørja ferð. Antin gjørdu tær ov skjótt av, ella komu skotini ov langt útifrá. Tað eydnaðist tó ikki Stjørnuni at fáa fleiri mál, meðan alt riggaði hjá VÍF/Tjaldur. Hálvan minutt fyri tíð javnaði Sarah Hansen til 26-26 við eitt av sínum fýra góðu mál­um frá høgra bakki. Stjørnan fór í álop, men brendi. Í hinum end­anum varð bríkslað fyri brotskastið, tá tíðin vísti 59:57. Sarah Hansen var trygg og tryggj­ aði felagsliðnum sigurin. Onkurs­ vegna tóktist Stjørnan hava takið á dystinum, men tá tær mistu takið, so gjørdi felagsliðið skjótt av og revs­aði hart. Stjørnan hevur nú langt upp til FM plássini, meðan VÍF/Tjaldur prógv­aði, at tær kunnu vinna uttan Adinu Petrea. Kaj Leo bíðar eftir møguleikanum Fótbóltur Kaj Leo Í Bartalsstovu arbeiðir framvegis við at sleppa uttanlands at royna seg. Fyribils veit hann ikki hvat er á skránni, men vónar at sleppa av landinum at royndarvenja fyri í komandi ári Fremsta deildin kvinnur nr. Lið Dystir Vunnin mál Tapt mál Munur Stig 1 Neistin 10 318 226 92 20 2 Kyndil 10 231 232 -1 11 3 VÍF/Tjaldur 9 217 237 -20 8 4 VB 9 219 229 -10 7 5 Stjørnan 9 204 218 -14 6 6 StÍF 9 217 264 -47 4 Sarah avgjørdi í evstu løtu Hondbóltur Sarah Hansen bæði javnaði til 26-26, og tók avgerandi brotskastið trý sekund fyri tíð, tá VÍF/Tjaldur í kvøld vann 27-26 á Stjørnuni í Klaksvík