fríggjadagur 28. desember 2012síða 55

15 Fríggjadagur 28. desember 2012 · Nr. 150 Sosialurin Brot og bitar úr árinum, ið fór Tað er nakað við galskapinum, sum er so ómetaliga dragandi, ræðandi og hugtakandi alt í senn. Psykosa og sinnisjúka er hinumegin alt vit og skil, og eg kenni, at júst hetta dregur og hugtekur meg. Rigmor N. Arge, sálarfrøðingur Tað er fantastiskt at koma út her, tað eru 20 minuttir frá Havnini og kanska eisini 20 ár aftur í tíðina. Nólsoyingurin Kim Hansen um at koma út í Nólsoynna Tað er øgiliga kalt at standa á einari gøtu í Liverpool og spæla violin, so tað vil eg helst sleppa undan at gera aftur. Songkvinnan Gretha Svabo Bech, sum varð tilnevnd til Grammy heiðursløn í USA saman við bólkinum Deadmou5 Eg og Johan Dahl hava eina avtalu um, at tá eg snakki ov hart, skal hann geva mær tekn, og tá hann snakkar ov títt, skal eg geva honum tekn, men vit blíva so ivrigir, at vit gloyma at hyggja eftir hvørjum øðrum. Henrik Old, løgtingsmaður Eg dugi at syngja, havi ein góðan stíl, eri seriøsur, og so brenni eg fyri tónleikinum. Sveinur Gaard Olsen, føroyskur X-Factor luttakari, um sínar eginleikar Skuldi eg, nú eg verði 70 ár, givið mær sjálvum eini góð ráð, tá ið eg var ungur, so var tað: »Henning, liv! Liv! Ver glaður. Og dansa! Og tá tárini koma, skalt tú vita, at tað er ein, sum heldur eyga við tær og hjálpir tær« Presturin Henning Bøgesvang Tað kennist gott, at vit nú eiga hvønn annan. Nú eru vit eitt, og vit hava víst fyri hvørjum øðrum, at vit vilja vera saman í allar ævir. Nýgift Anna Nygaard Eg plagi at siga, at mann kann bukka so nógv, at buksirnar skrædna. Gospelsangarin og fyrrverandi hotellstjórin M.C. Restorff Eg gangi ikki og hugsi um, hvat onnur hugsa og halda um meg. Ein skal ikki fokusera upp á tað negativa, tí tað kann mann ikki brúka til nakað. Hans Fróði Hansen Tað er skelkandi torført at finna eitt politiskt tev í Føroyum, har vit semjast um at halda eina kós Løgtingskvinnan Kristina Háfoss Tað vandamikla er, tá tann tjúkki drongurin, sum situr við kassan í SuperBrugsen, sannførur seg sjálvan um, at hann er ein superstjørna og heldur seg vinna X-Factor. Tónleikarin Páll Oddur Rubeksen um at byrja sína karrieru í X-Factor Børn hava eitt innara ríkidømi, sum skúlin kann draga fram heldur enn at køva, tí kreativiteturin er lívs­ neyðugur fyri bæði læringina og lívið. Rakel Helmsdal, rithøvundur So søgdu tey... 2012