mánadagur 4. februar 2013síða 20

Mánadagur 4. februar 2013 · Nr. 14 20 Sosialurin Hugskot og viðmerkingar – send sms til 225000 Ítróttarblaðið Christian og Hallur fyrireika seg í sólini Fótbóltur Teir báðir føroysku spælararnir í superliguni fyrireika seg til nýggja kappingarárið undir sólini á lægri breiddarstigum, meðan liðfelagarnir á landsliðnum í næstu viku fara til Thailands Jóannes Hansen Í næstu viku, hósdagin 14. februar, lættir fótbóltslandsliðið úr Vágum við kós móti Thailandi. Har hevur Lars Olsen sett sínum monnum stevnu á venjingarlegu. Ein altjóða skrásettur landsdystur er á skránni ímóti Thailandi. Hann verður spæld­ur hósdagin 21. februar. Venjingarlegan er týdningarmikil liður í fyrireikingunum til ársins fyrsta HM-undankappingardyst. Hann verður ímóti Eysturríki á Ernst Happel Leikvøllinum í Wien fríggja­dagin 22. mars. Í síðstu viku var greitt, at veteran­arnir Jákup Mikkelsen og Fróði Benjaminsen ikki fara við á venjingarleguna. Longu tá ið venjarin setti nøvn á legulut­tak­ ararnar, var tað greitt, at Christian Lamhauge Holst ikki verður við á ferðini til Thailands, og at Hallur Hansson heldur ikki verður við. Christian størri leiklut At Christian Lamhauge Holst ikki fer við landsliðnum á venjingarlegu skal ikki skiljast soleiðis, at venjarin ikki vil hava hann við. Heldur skal tað skiljast soleiðis, at Lars Olsen metir tað at vera størri gagn fyri Christian Lamhauge Holst og harvið eisini fyri landsliðið, at Lamhauge maðurin nýtir tíðina í felagi sínum at fyrireika seg til seinna part av kappingarárinum í super­liguni. Tá ið Brian Kerr var lands­liðs­ venjari, kendist tað undarligt, at hann í fleiri førum ikki hevði pláss millum teir fyrstu ellivu fyri Christian Lamhauge Holst, sum er tann, ið hvørja viku – eisini í tíðini hjá Brian Kerr – luttók á hægsta støðinum. Síðani Lars Olsen tók við venjarastarvinum hevur eingin ivi verið. Christian Lamhauge Holst hevur verið ein av lyklaspælarunum í framrættaða partinum. Tað verður hann ivaleyst eisini, tá ið Lars Olsen og hansara menn um hálva sjeyndu viku fer at royna seg á útivølli ímóti Eysturríki, har teir framvegis minnast ógvuliga væl Landskrona fyri meiri enn tólv árum síðani og harvið, hvussu tað kann ganga, um upp­gávan ímóti teimum smáu ikki verð­ur tikin í álvara. Síðani 5. januar hava Christian Lamhauge Holst og liðfelagarnir í Silkeborg fyrireika seg til seinna partin av donsku landskappingini. Setningurin í vár er at skava so mikið av stigum saman, at liðið skal varðveita plássið í fremstu deildini. Nógvu tey fyrstu umførini gekk tað syndarliga illa, og so gjørdi leiðslan av, at karisimatiski veteranurin Viggo Jensen skuldi setast sum venjari í staðin fyri Keld Bordinggaard, sum stutt framman­ undan hevði verið knýttur at donsku landsliðunum. Hesin Viggo Jensen var í síni tíð kendur verjuspælari. Hann hevur áður verið venjari í Silkeborg og í Esbjerg. Føroyingar minnast kanska, at Dagur og vika eina ferð kunn­ gjørdi, at hann var nýggjur lands­ liðsvenjari í Føroyum. Samrøða var gjørd við hann. Seinni vísti tað seg, at sjónvarpið hevði tosað við ein annan Viggo Jensen enn henda, sum nú sveiggjar venjarapískin yvir Christian Lamhauge Holst og lið­felagar hansara. Christian í Portugal og Turkalandi Leygardagin kom Silkeborg aftur av venjingarlegu í Algarve lands­ lut­inum í Portugal. Í Danmark var januar ógvuliga kaldur, og for­søgn­ irnar siga framvegis frá kava og kulda. Tað ber vánaligar venj­ingar­ umstøður við sær, men í Portugal lá væl fyri at venja, tá ið Silkeborg var har frá 22. januar og fram til leygar­ dagin 2. februar. Silkeborg spældi tríggjar venj­ ingar­dystir. Tann fyrsti var ímóti Skenderbeu úr Albania. Úrslitið var 4-2 sigur, eftir at Silkeborg eitt skifti var aftanfyri 2-0. Christian Lamhauge Holst var á miðvøllinum í 1. hálvleiki. Næsti venjingardysturin var ímóti SV Mattersburg úr Eysturríki. Hetta liðið er á sjeynda plássi í bestu deild­ini, og úrslitið var 1-1. Silkeborg javnaði í síðstu løtu. Christian Lamhauge Holst var ikki millum teir fyrstu ellivu í hesum dystinum. Síðsti dysturin var ímóti Rapied Wien, sum er eitt av kendastu fel­ øg­unum í Eysturríki. Talan var um finalu í The Atlantic Cup, sum henda kappingin nevndist, og Silkeborg tapti 2-1. Heldur ikki í hes­um dystinum var Christian Lamhauge Holst millum teir fyrstu ellivu. Hósdagin fer Silkeborg at spæla venjingardyst ímóti AGF í Aarhus, og týsdagin í næstu viku verður farið til Turkalands, har venjingarlega verður fram til hósdagin 21. februar. Tveir venjingardystir eru á skránni. Annar er ímóti RAD úr bestu deild­ ini í Serbia, og hin er ímoti rKrilya Sovotov úr bestu russisku deildini. Silkeborg er næstaftast í super­ liguni. Fyrsti lands­kapp­ingar­dyst­ urin eftir vetrarsteðgin verður 1. mars. Hann verður á heimavølli ímóti AaB, sum hevur ein annan før­oyskan landsliðsspælara, Hallur Hansson, í hópinum. Hallur í AaB Lítil ivi tykist vera um, at Hallur Hansson er ein av teimum, sum næstu árini fer at eiga stóran leik­ lut á miðvøllinum á føroyska lands­ liðnum. Hann stóð seg væl í HB í fjør, hann var eyðsýndur á landsliðnum í heyst, og nú hann er fluttur í AaB og harvið hevur møguleika hvørja viku at spæla á hægri støði, verða fyritreytirnar hjá honum at gera seg galdandi uppaftur betri. Tí sigur tað seg sjálvt, at Lars Olsen heldur enn at taka unga mannin við á venjingarlegu í Thailandi, letur hann fyrireika seg undir leiðslu av Kent Nielsen, AaB venj­aranum, sum í 1992 var undir lið­ini á Lars Olsen í miðverjuni á danska landsliðnum, sum vann EM. Í gjár spældi AaB venjingardyst á útivølli ímóti grannunum í FC Hjørring. AaB vann 2-0. Hallur Hansson var ikki millum teir fyrstu ellivu. Hann varð settur á vøllin beinanvegin eftir steðgin, og tá vóru tey bæði málini skorað. Hallur Hansson avloysti svenska Mathias Wichmann. AaB venjarin Kent Nielsen segði seg vera væl nøgdan við leikliga avrikið í 2. hálvleiki. Fríggjadagin verður næsti venj­ ingardysturin á skránni. Tá skal AaB spæla ímóti Hobro. Hesi bæði liðini spældu eisini í síðstu viku. Tá vann AaB 1-0, og Hallur Hansson var á vøllinum fyrstu 62 minuttirnar. Bæði FC Hjørring og Hobro eru í næstbestu deildini. AaB er á triðja plássi í superliguni. Sunnudagin fara Hallur Hansson og liðfelagarnir til Portugal á venj­ingar­legu. Tveir dystir ímóti svenskum liðum eru á skránni. Tann fyrri verður ímóti I.F. Elfsborg fríggjadagin 15. februar, og tann seinni verður ímóti Helsingborg IF mána­dagin 18. februar. Tað kennist sum um, at AaB venjarin Kent Nielsen hevur álit á Halli Hansson. 1. mars skal AaB rættuliga í eldin. Tá verður fyrsti landskappingardysturin eftir vetrarsteðgin. Hann verður í Silke­ borg, og tá fæst at síggja, um teir báðir føroysku landsliðsspælararnir í fremstu røð í Danmark fara at fáa dystar­venjing, sum aftur fer at gagna landsliðnum á útivølli ímóti Eystur­ríki fríggjadagin 22. mars. joannes@sosialurin.fo Savnsmynd