týsdagur 5. februar 2013síða 47

Aibritt á Plógv, sum eigur og rekur Margarita, hevur verið við á mótamessu í Keypmannahavn. – í heyst fara vit at síggja mannfólkalookið her í Margarita. Tað vil siga skjúrtur, klædningsjakkar og ráar buksur, sigur Aibritt á Plógv, og vísir samstundis á, at kjólar og niðurdeilar verða ikki tað, ið verður mest at síggja. Kundarnir í Margarita eru fyri tað mesta vaksnar kvinnur, ið leggja dent á góðsku á klæðunum, sum tær keypa. – Tær, sum keypa her, er heilt frá 25 upp í eini 60 ár, og tískil eru úrvalið í handlinum eisini rættiliga ymiskt. Tað, sum hevur selt væl higartil eru vørur av merkinum Malene Birger og In Wear. Vit hava júst fingið Saint Tropez merkið, og eg ivist ikki í, at tað fer at verða væl dámt hjá kundum okkara, sigur Aibritt á Plógv. Á mótamessuni hevur hon umframt tey vanligu merkini eisini keypt inn av nýggjum merkjum. – Nøkur nýggj merki verða at síggja í seint í summar og í heyst. Day er eitt merki, sum nógvar føroyskar kvinnur kenna frammanundan. Talan er um klassisk klæðir, ið hava verið væl umtókt millum føroyingar. Eisini fara vit at um­ boða Plus Fine, har klæðini eru heldur ráð og slitin. Eitt annað nýtt merki er Bitte Kaj Rand, sum er ein klassiskur boheme stílur, har klæðini ofta eru víð í tí, greiðir Aibritt á Plógv frá. Margarita selur eisini skógvar og eisini her verður eitt nýtt merki at síggja í handlinum í heyst. – Vit fara at umboða skógvamerkið Jeffrey Campbell. Hesir skógvarnir eru ráir í tí, og hava ofta onkrar píkar og nittir á, sigur Aibritt á Plógv og leggur afturat: – Allir verða teir tó ikki líka ógvusligir, tí hóast teir ógvusligu eru modernaðir aðrastaðni, so er ikki altíð, at tað riggar í Føroyum, sigur Aibritt á Plógv. Litirnir, sum heystmótin í Margarita fer at bjóða, eru myrkir og klassiskir. – Svart gongur altíð aftur, men annars eru tað tann blái og grøni liturin, sum verða frammi í heyst. Serliga koparblátt og sterkt grønt. Eitt mannfólkalook verður tað, ið verður at síggja í kvinnu­ handlinum Margarita í heyst Mannfólkalookið er hot í 2013