týsdagur 5. februar 2013síða 46

6 Og so fer mannfólkahandilin eisini at um­ boða tvey nýggj merki. Cheap Monday er annað av hesum merkjunum. – Talan er um eina merkivøru, sum tó ikki er so kostnaðarmikil. Tað, sum eyðkennir Cheap Monday, eru teirra skinny jeans og t-shirts, sum vit fara at hava í Skálki frá juli mánaði, sigur Hávardur í Stórustovu, sum er handilsleiðari í Skálki. Hitt merki, sum Skálkur eisini skal umboða, er Rascals', ið serliga vendir sær til teir ungu dreingirnar. – Rascals' er meira ungt og flipput, og talan er um sokallað streetwear. Fleiri av okkara ungu kundum fylgja væl við, hvat mótarákið er í londunum rundan um okkum, og vit hava fingið fleiri fyrispurningar um vørur frá Rascals'. Men nú verða so vørur frá Rascals´at fáa í Skálki, sigur Hávardur í Stórustovu. Jakkarnir, ið verða at síggja í heyst, eru fyri ein part av kundunum ikki heilt ókendir. Teir gomlu grønujakkarnir eru á veg upp á hægstu mótatindarnar enn einferð. – Grønujakkarnir, sum vóru frammi seinast í 80'árunum og fyrst í 90'árunum verða modernaðir aftur. Hesaferð eru teir grønir og svartir, nakað væl tynri enn teir gomlu, men hava framvegis tann eyðkenda appilsingula litin í fóðrinum innan, greiðir Hávardur í Stórustovu frá. Hann leggur afturat, at eisini ráir leðurjakkar verða modernaðir í ár. Innan skógvaheimin kunnu mannfólkini vænta at síggja fleiri ymisk sløg av sneakers, tá heyst­mótin er komin í Skálk. – Sneakers er longu rættiliga stórt aðrastaðni og verður nú eisini í enn størri mun enn áður at síggja í føroysku mótamyndini. Hvítir All Star Converse eru tað heilt stóra í eitt nú Íslandi, Danmark og Svøríki, og teir verða uttan iva eisini nógv at síggja í Føroyum um nakrar mánaðir, sigur Hávardur í Stórustovu. Á mótamessuni hevur hann eisini kannað mótan innan caps, tað vil siga keppar. – Føroysku mannfólkini og serliga teir ungu dreingirnir fylgja væl við, hvat er modernað. Caps eru rættiliga vælumtóktir hjá okkara kundum, og eg havi ráðført meg við høvuðs­ inn­keyparan hjá Samsøe&Samsøe, um hvørjir keppar verða nýggja trendin. So vit fara eisini at hava tey heilt røttu merkini hvat í caps viðvíkur, sigur Hávardur í Stórustovu. Heystmótin í Skálki fer hesaferð at vera eyðkendur av camouflage, Converse skóm og leðurjakkum Cheap Monday og Rascals' í Skálki