mánadagur 11. februar 2013síða 21

21 Mánadagur 11. februar 2013 · Nr. 17 Sosialurin Hugskot og viðmerkingar – send sms til 225000 Ítróttarblaðið Heri Simonsen Kappingarárið 1927-28 høvdu tey 22 liðini í fremstu ensku deildini 84 stig at kappast um. Aftaná 42 umfør hevði meistaraliðið Everton bert 53 stig. Everton varð tvey stig frammanfyri Huddersfield Town, sum hevði 51 stig. Ì 1920-unum varð Huddersfield eitt satt stórlið, og vunnu teir enska meistaraheiti trý ár á rað, árini 1924-1926. Leicester City endaði á triðja plássi við 48 stigum. Bert sjey stig á muni Í øllum vanligum kappingum, tá ein liga hevur 18, 20 ella 22 lið, so er ein rættiliga stórur stigamunur millum nummar fýra og aftasta liðið í liguni. Men munurin millum nummar fýra og 22 í ti fremstu ensku deildini var søguliga lítil í mai í 1928. Derby, Bury og Cardiff høvdu øll 44 stig, Derby hevði frægasta málmunin. Aftanfyri hesi trý liðini komu trý lið við 43 stigum, og trý lið við 41 stigum. Eitt lið hevði 40 stig. Sjey lið, sum yvirlivdu við skinninum á nøsini høvdu øll 39 stig. Tottenham endaði næstaftast við 38 stigum, og flutti niður saman við Middlesbrough, sum høvdu 37 stig. Totalt ”Financial Fair Play” Tá á døgum var totalt ”Financial Fair Play” í Onglandi. Feløgini vóru rættiliga javnstillað, og tá var tað einki felag, sum gjørdi ein ”Chelsea” ella ”Manchester City”, og tí bar tað til at fáa eina so javna kapping, sum støðan aðrastaðni her á síðuni eisini vísur. Tey, sum stríðast fyri, at peningur ikki skal hava ov eitt ov stórt vald í enskum fótbólti vísa ofta á kappingarárið 1927-28, sum eitt jaligt model um hvussu spennandi ein kapping kann verða, tá 22 lið hava javnar treytir at virka undir. Fleiri vilja tó kveistra hetta burtur, sum ein ómøguligan dreym, sum ikki kann ganga út, tí tíðirnar eru so ræðuliga nógv broyttar tey 85 árini, sum eru farin síðani tað mest minniligu kappingina í enskum fótbólti nakrantíð. Òtrúligi Dixie Dean Eitt annað ótrúligt fenomen, sum kappingarárið 1927-28 er víðagitið fyri, er Everton-spælarin, Dixie Dean, sum skeyt heili 61 av teimum 102 málunum, sum Everton skeyt hetta kappingárið, also meir enn helvtina av málunum, sum Everton fekk hetta kappingarárið. Kristna navnið hjá Dixie Dean varð William Ralph Dean. Tað var ikki bara hetta kappingarárið, at Dixie Dean skeyt ein dunga av málum. Dixie Dean spældi við Everton 12 kappingarár. Hesi 12 kappingarárini millum 1925 og 1937 skeyt Dixie Dean heili 349 mál í 399 dystum fyri Everton. Tað er eitt gjøgnumsnitt, sum neyvan verður tikið í enskum fótbólti aftur. Fyri enska landsliðið skeyt Dixie Dean 18 mál í 16 landsdystum, also meir enn eitt mál í gjøgnumsnitt fyri hvønn landsdyst hann spældi fyri Ongland. Ikki uttan grund stendur ein standmynd av Dixie Dean uttanfyri leikvøllin hjá Everton, Goodison Park. Saman við Stanley Matthews hjá Blackpool var Dixie Dean tann kendasti bretski fótbóltsspælarin í fyrru helvt av 20. øld. Tá enska landsliðið spældi ein venjingardyst ímóti Nazi-Týsklandi á útivølli hildu summir av teimum ensku spælarunum, at teir skuldu heilsa Adolfi Hitler og týska fólkinum við at geva ”Heil Hitler heilsuna” áðrenn dystarbyrjan. Men Dixie Dean sýtti saman við øðrum, og tað ger hann til eina enn størri hetju í tí ensku fótbóltssøguni. Pos Team Pld W D L F A W D L F A F A GA GD Pts 1 Everton 42 11 8 2 60 28 9 5 7 42 38 102 66 1.545 +36 53 2 Huddersfield Town 42 15 1 5 57 31 7 6 8 34 37 91 68 1.338 +23 51 3 Leicester City 42 14 5 2 66 25 4 7 10 30 47 96 72 1.333 +24 48 4 Derby County 42 12 4 5 59 30 5 6 10 37 53 96 83 1.157 +13 44 5 Bury 42 13 1 7 53 35 7 3 11 27 45 80 80 1.000 ±0 44 6 Cardiff City 42 12 7 2 44 27 5 3 13 26 53 70 80 0.875 –10 44 7 Bolton Wanderers 42 12 5 4 47 26 4 6 11 34 40 81 66 1.227 +15 43 8 Aston Villa 42 13 3 5 52 30 4 6 11 26 43 78 73 1.068 +5 43 9 Newcastle United 42 9 7 5 49 41 6 6 9 30 40 79 81 0.975 –2 43 10 Arsenal 42 10 6 5 49 33 3 9 9 33 53 82 86 0.953 –4 41 11 Birmingham 42 10 7 4 36 25 3 8 10 34 50 70 75 0.933 –5 41 12 Blackburn Rovers 42 13 5 3 41 22 3 4 14 25 56 66 78 0.846 –12 41 13 Sheffield United 42 12 4 5 56 42 3 6 12 23 44 79 86 0.919 –7 40 14 The Wednesday 42 9 6 6 45 29 4 7 10 36 49 81 78 1.038 +3 39 15 Sunderland 42 9 5 7 37 29 6 4 11 37 47 74 76 0.974 –2 39 16 Liverpool 42 10 6 5 54 36 3 7 11 30 51 84 87 0.966 –3 39 17 West Ham United 42 9 7 5 48 34 5 4 12 33 54 81 88 0.920 –7 39 18 Manchester United 42 12 6 3 51 27 4 1 16 21 53 72 80 0.900 –8 39 19 Burnley 42 12 5 4 55 31 4 2 15 27 67 82 98 0.837 –16 39 20 Portsmouth 42 13 4 4 40 23 3 3 15 26 67 66 90 0.733 –24 39 21 Tottenham Hotspur 42 12 3 6 47 34 3 5 13 27 52 74 86 0.860 –12 38 22 Middlesbrough 42 7 9 5 46 35 4 6 11 35 53 81 88 0.920 –7 37 Mest javna fótbólts­ kappingin nakrantíð Kappingin í tí fremstu ensku fótbóltsdeildini 1927-28 er tann javnasta í søguni. Tá kappingin var liðug vóru bert 16 stig á muni millum meistaraliðið, Everton og Middlesbrough, sum endaði á 22. og aftasta plássi við 37 stigum. Bert fýra stig vóru millum nr. 10 og 22 í deildini. Hetta kappingárið skeyt Dixie Dean heili 61 mál í kappingini