týsdagur 12. februar 2013síða 10

Mikudagur 13. februar 2013 · Nr. 18 10 Sosialurin Hugskot og viðmerkingar – send sms til 225000 Poul Færø 75 ár Í dag, mikudagin 13. febr­ uar, eru 75 ár liðin, síðani Poul Færø í Klaksvík var føddur. Poul var á yngri árum mál­arameistari, men nógvu tey seinastu árini hev­ur hann nýtt mest sum alla sína tíð í kristiligum arbeiði kring landið og eisin­i uttanlands. Poul er ættaður av Toft­um. Foreldrini vóru Elsa fødd Øregaard og ætt­að av Lakjuni í Fugla­ firði og Oluf Færø, sum var toftamaður. Elsa og Oluf fingu fýra børn: Poul (1938), Odmar (1940), Eyð­ finn (1946) og Lissan (1948). Odmar býr í Havn, og hini búgva í Klaksvík. Petur Guttesen, málari í Havn, arbeiddi nógv í Eysturoy og á Toftum, har hann helt til hjá systrini, Maju í Túni. Poul lærdi til málara hjá Peturi. Í 1957 flutti Poul til Klaksvíkar at búgva, og har hevur hann verið síðani. Tey fyrstu árini í Klaks­ vík var hann viðhvørt við trolarunum hjá Kjølbro. Men fyri tað mesta var Poul málarameistari, og teir eru nógvir, sum hava lært til málara hjá honum. Handa­ lagið var gott, Poul arbeiddi nógv og skjótt, og tey vóru mong, sum sendu boð eftir honum. Miðskeiðis í sjeyti árun­ um vórðu málaraseglini rep­að. Síðani hevur Poul við­hvørt málað millum lítið og einki, og í nøkur ár málaði hann bara um sumrarnar. Frá blaðungum av hevur Poul verið virkin í kristiligum verki. Hann hevur í mong ár ferðast kring oyggjarnar í kristiligari tænastu. Frá miðskeiðis í sjeyti árunum og í eini fimtan ár var hann við í dagligu leiðsluni av legu­arbeiðnum í Zarepta. Tey seinnu árini hev­ur virkisøkið hjá Poul fevnt alt víðari. Aftur at brøðra­sam­ komunum í Føroyum hevur hann vitjað nógv í granna­ londunum, eitt nú í Danmark og Noregi og heima á landi eisini í øðrum samkomum enn brøðrasamkomum. Sein­astu árini hevur Poul verið nógv at hoyra í fyrra­ parts­sendingum í Lindini. Umframt at halda møtir hevur Poul gjørt nógv av at vitja og vísa umsorgan fyri ein­staklingum og familjum. Hann vitjar í samkomum og heima við hús hjá fólki, og hann er ofta at síggja á sjúkrahúsum. Poul er altíð klárur, tá sorgin er gestur, og hann hevur hildið óteljandi talur við jarðarferðir. Poul er giftur Anniku fødd Johannesen og ætt­ að av Lítlubrekku í Klaks­ vík. Tey eiga fýra børn: Jó­ hannes (1980), Olav (1983), Assa (1985) og Poul (1994). Olav og Assa búgva í Keyp­ manna­havn, Jóhannes býr í høvuðsstaðnum, og Poul býr heima hjá foreldrunum. Í seytjan ár var Poul gift­ ur Ásvør fødd Jacobsen og ættað av Ziskatrøð í Klaks­ vík. Hon doyði av sjúku í 1977 bara 37 ára gomul. Ásvør og Poul eiga trý børn: Odd (1962), John (1965) og Elsa (1968). Odd býr í Hoyvík, John í Klaksvík og Elsa í Saltangará. Poul er í Keypmanna­ havn, nú hann fyllir 75. J nøvn