fríggjadagur 15. februar 2013síða 40

nr. 19 · 15. februar 2013 8 VIKUSKIFTI Samrøða Leo Poulsen leo@sosialurin.fo 13. mars fellur avgerðin um, hvør vinn­ ur ársins South Bank Sky Arts Awards 2013. Eitt av innstillaðu verkunum er Ghost Patrol, har føroyingurin Sámal Blak hevur sniðgivið operaina. South Bank Sky Arts Award 2013 svarar til meira kendu amerikansku Oscar og Grammy heiðurslønirnar, og bólkarnir eru mangir. Men fyri føroy­ ingar er bólkurin Opera – av øllum – ser­liga spennandi í ár. Ein av innstillaðu opera­unum er nevniliga Ghost Patrol, har Sámal Blak er við í verkætlanini. – Talan er um eina dupult verkætlan, har fólk kunnu keypa atgongumerki til tvær operaur og síggja tær sama kvøld. Tær eru »In the locked room« og »Ghost Patrol«, har eg havi sniðgivið seinni nevnda, sigur Sámal Blak. Talan er sum nevnt um tvær ymiskar framførslur, sum hvør vara umleið ein tíma, so samlað við steðginum er talan um tveir og ein hálvan langa opera. – Eg havi sniðgivið alt tað visuella, bæði pall og búnar, sigu Sámal Blak. Eisini hevur hann arbeitt tætt saman við leikstjóranum, og er komin við gev­ andi hugskotum. – Hetta er ein heilt annaðleiðis fram­ leiðsla at arbeiða við. Vanliga tulkar tú kend verk so sum Don Giovanni, sum øll kenna. Men tá tulkar tú tekstin. Í hesum førinum er tað alt fult upprunaligt, og eingin hevur sæð tað fyrr, sum verður ført fram á palli, sigur Sámal Blak. Frumsýningin av teimum báðum operaunum fór fram í Skotlandi, og talan var um eina heimsfrumsýning. – Vit byrjaðu í Edinburgh, síðani stóð Glasgow á skránni, áðrenn farið var suður um markið til Operahúsið í London. Síðani var farið á rundferð í Bret­landi og í Wales, sigur Sámal Blak. Byggir sær sjálvum pall Sámal fór undir útbúgvingina sum pall- og búnasniðgevi í 2006 og varð út­lærd­ ur í 2009. Men hvussu er hann kom­in upp í hesa verkætlanina? – Alt hongur saman. Eg vann eina kapping í 2009, beint eftir, at eg var út­ búgving. Hetta var ein sceno­grafi­kapp­ ing, og avleiðingarnar vórðu, at eg ar­ beiddi saman við Birmingham Opera Compagny. Tað førdi til, at eg sniðgav Othello og eina aðra opera í fjør, og teir leikstjórarnir høvu vinmen, sum eisini eru leikstjórar, og sum høvdu sæð mína snið­geving til hendvu operair. Soleiðis kom hetta samstarvið í lag, sigur Sámal Blak. Hesir báðir fingu eina samrøðu í lag við Sámal, og gjørdu av, at lata honum uppgávuna, sum fekk heitið Ghost Patrol og altso nú er innstillað til South Bank Sky Arts Awards 2013. – Tað ræður um at byggja sær eitt navn upp og finna fótafestið innan um­ hvørvið, og tað hevur ført til, at eg havi verið við í fleiri opera uppsetingum í sein­astuni, sigur Sámal Blak. Talan er um nógvar ymiskar bólkar tá hesin heiðurin verður latin. – Ghost Patrol er innstillaður innan opera, men annars eru innstillingarnar innan fleiri bólkar og listgreinar (sí lista, red), sigur Sámal Blak, ið arbeiðir free­lance. Pallsniðgeving til opera líkist ógvuliga nógv sjónleikarapalls snið­gev­ ing, men í opera verður sungið, meðan tað ikki so ofta kemur fyri í sjónleiki, eins og teir sjáldan hava stór orkestur. Innstilling telur Útbúgvingin merkir, at Sámal Blak kann fáast við leiklist í breiðari merking. – Tað kundi hugsast, at eg kundi ar­beitt á einum filmsetti, tí tað gevur út­búgvingin mær eisini føleika til. Men eg havi við vilja frávalt film. Ikki tí, mær dámar væl film, men fyri meg er tað meira avbjóðandi at arbeiða við »live« sjónleiki, sigur Sámal Blak. Útbúgvingin verður heldur ikki miðað móti nakrari ávísari list. – Tú skal bara finna fram til tað, tú ert mest áhugaður í, og so miða móti tí, sigur Sámal Blak. Hann kemur annars frá einari ógvu­liga musikalskari familju. Pápin er Kristian Blak og mamman Sharon Weiss, og bæði bróðurin, Michael, og systurin, Rebekka, eru farin tónleika­ vegin. Sjálvur hevði Sámal hugan aðrar vegir. – Nei, eg fáist lítið við tónleik, tað er mest til húsbrúk. Hinvegin dámar mær væl at arbeiða við tónleiki visuelt, og eg arbeiði nógv við tónleiki nú. Mær nýtist tó ikki at standa á pallinum sjálvur, sigur Sámal Blak. Um sjálva innstillingina sigur havnar­maðurin, at hann tekur tað, sum tað kemur. – Eg veit ikki, hvussu stórar vón­ ir­nar at vinna eru, men tað er í hvussu er stórt, bara at vera við til at verða inn­still­ aður, sigur Sámal Blak, sum kortini gleðir seg til 13. mars. Eftir útbúgving sína sum pall- og búnasniðgevi hevur Sámal Blak verið við í nógvum framleiðslum, eisini í Føroyum, og hin seinasta er innstillað til South Bank Sky Arts Awards 2013 innstillaður til fínan prís Sámal Blak Fakta Navn: Sámal Blak Bústaður: London Útbúgving: Pall- og búnasniðgevi • Fekk í 2007 Thorvald Poulsen av Steinum heiðursbræv • Vann í 2009 Linbury Prize fyri Stage Design • Varð í 2009 tilnevndur til Total Theatre Award • Er í ár tilnevndur til South Bank Sky Arts Awards