týsdagur 19. februar 2013síða 16

Mikudagur 20. februar 2013 · Nr. 21 16 Sosialurin Hugskot og viðmerkingar – send sms til 225000 meldurin Rannvá G. Fossaberg Hann er nærmast uppvaksin í ketil­drakt á ein­um bil­verk­ staði og við motor­olju á fin­ gr­u­num. Í dag sæst hann javn­an í klædn­in­gi og slipsi og et­ur pinnamat. - Eg havi ongantíð verið tann, sum hevur gingið nógv í slipsi, tí av natúr eri eg rættiliga rokaligur. Men í hesum starvinum er tað ein partur av ar­beiði­num at knýta slipsa­knút­in og fa­ ra til mót­tøk­u­r av yms­um slag. Higar­til hev­ur tað ikki verið nak­ar trupul­leiki, sig­ ur Son­ni á Horni, sum síða­ni 1. Januar hev­ur virk­að sum borgar­stjóri á Fugla­fjarð­ar Kom­mu­nu, ið telur um­leið 1500 borg­ar­ar. - Tað er nokkso stuttligt, men tað er allarhelst slipsið, sum eg fái flest viðmerkingar um, tá eg eri úti millum fólk. Tey eru jú ikki von við at síggja meg í klædningi og slipsi. Nú er tað blivið so, at keypi eg til dømis inn í onkr­ um handli og eri í van­lig­um klæðum, spyrja fólk skemt­ ing­ar­samt, hvar slipsið er, sigur Sonni á Horni. Starvið er ein avbjóðing Tað eru júst upplivingar sum oman­fyri, ið 34 ára gamli borgar­stjórin skal venja seg við. - Tað er undarligt brádliga at vera ein almennur per­só­n­ ur, og tað er eisini nakað, sum er merki, at eg veruliga skal venja meg við. Eitt nú kann tað vera løgið, at fólk, sum eg als ikki kenni, koma yvir til mín at heilsa uppá, greiðir Sonni á Horni frá. Fyri hann er størsta av­ bjóð­ingin við borgar­stjóra­ sessi­num tað, at hann nú er ein almennur persónur, sum nógv kenna og hava eina mein­ing um. - Alt er øðrvísi, tá tú ert borgar­stjóri, men eg ivist ikki í, at tað er nakað, sum ein ven­ur seg við. Men eg leggi stór­an dent á at vera tann, eg eri. Haldi ikki at mann skal broyta seg sjálvan, bara tí at tað nú eru fleiri eygu og oyru, ið fylgja við í tí, tú gert og sigur, heldur Sonni á Hor­ni. Hóast hetta er fyrsta setan sum borgarstjóri, er Sonni á Hor­ni ikki heilt óroyndur í kommunalpolitikki. Hann still­aði upp til kommu­nu­ val­ið í 2004, men ein atkvøða rest­aði í fyri at hann slapp inn. Í 2008 bleiv hann valdur í Fugla­fjarðar Kommunu, har hann hevur sitið í andstøðu sein­astu fýra árini. Á vali­ num í november í fjørð bleiv hann fyrstvaldur. - Hóast eg kenni til ein part av arbeiðinum í komm­ un­u­ni, er eisini nógv nýggj øki og mál, eg sum borgar­ stjóri skal seta meg inn í. Manna­gongdirnar eru ávísar fyri tey ymisku økini, og tær skal eg læra at kenna, sigur Son­ni á Horni. Kommunan skal stuðla Fríggjadagin var skipað fyri stór­ari móttøku í Fuglafirði, tá Norðoya Sparikassi lat upp eina deild í bygdini. Het­ ta eftir at Eik hevði valt at snara lykilin á sínum banka, sum leingi hevur verið tann ein­asti í bygdini. Nýggi peningastovnurin í Fugla­firði fær hollan stuðul frá kommununi við Sonna á Hor­ni á odda. - Vit eiga øll at stuðla tí lokala, og hetta er eisini gald­andi fyri kommununa. Í mínari verð eigur og skal kom­mu­nan vera lokal, sigur Son­ni á Horni, sum tó leggur aftur­at: - Men tað er umráðandi, at mann ikki er lokalur og stuðla­r øllum tí, sum er á stað­num, fyri ein hvønn prís. Orsøkin, til at vit sum kommuna vilja stuðla nýgg­ja peningastovninum í bygd­ini, er sjálvandi tann, at vit meta, at tað loysir seg fyri okk­um, umframt at vit sum kommu­ na fegin vilja stuðla einum banka, sum er her á staðnum, greið­ir Sonni á Horni frá. Men Sonni á Horni held­ur ikki, at tað bara er Fugla­fjarð­ ar Kommuna sjálv, ið skal stuðla nýggja bankanum í Fugla­firði. - Eg havi eisini heitt á borgar­ar­nar í kommununi um at taka væl ímóti Norð­ oya Sparikassa og at brúka henda bankan, sigur Sonni á Horni, sum eisini hevur heitt á eitt nú vinnulívið um at taka undir við nýggja pen­ inga­stovn­inum. - Mín hugburður er tann, at vilja fólk ikki stuðla tí, sum er á staðnum, so skulu tey heldur ikki finnast at og vera ónøgd, tá tað brádliga ikki er her longur, sigur Son­ ni á Horni avgjørdur. Torir at vera ópopulerur Hesi seinastu fýra árini, har hann hevur verið partur av Fuglafjarðar Kommunu, hev­ur hann eisini upplivað at borgarar hava funnist at hon­um. Í 2009 bleiv avgerð tik­in í kommununi, at seks ára gomul børn skuldu fara úr hølunum í barnagarðinum í Fugla­firði og ístaðin vera í skóta­húsi­num á Kambsdali. - Tá vóru tað fleiri, sum í fyrstu syftu ikki vóru nøgd við ta avgerðina, sum eg eisini hevði verið við til at tik­ið. Men hatta er nakað, sum tú bara mást taka við, tá tú fæst við politikk. All­ ar avgerðir og eisini tær ó­popu­leru verða gjørdar út frá bestu sannføring, greiðir Son­ni á Horni frá. Hann leggur afturat, at hó­ast borgararnir í fyrstu at­løgu ikki tóku væl ímóti av­ gerð­ini um at flyta tey seks ára gomlu børnini til Kambs­ dalar, hevur tað seinni víst seg at vera ein avgerð, sum børn­ini og tey vaksnu nú eru glað fyri. - At tora at taka avgerðir, sum ikki altíð fella í góða jørð, er neyðugt í starvinum sum borgarstjóri. Og eg tori at taka tær avgerðirnar, tá tær eru neyðugar, sigur Son­ ni á Horni og heldur fram: - Sum persónur eri eg opin og erligur, og eg sigi tað, eg meini – eisini tá talan er um ópopulerar avgerðir. Var fyrstu ferð til flogbólt Sum borgarstjóri fylgja yms­ ar skyldur við, sum til døm­is at vera við til tiltøk av ymisk­ um slag. Eitt nú var nýggi borgar­stjórin um viku­skift­ið til flogbóltsdyst. - Eg havi ongantíð verið til ein flogbóltsdyst, men tað slapp eg so at royna leyga­r­ dag­in. Haldi tað er um-ráð­ andi, at tú sum borgar­stjóri royn­ir at fylgja við í tí, sum fyri­ferst í tínum egna øki, sig­ ur Sonni á Horni, sum eisini sær tað sum sína skyldu at fara í rundar føðingardagar hjá borgarum í Fuglafjarðar Kom­mu­nu. - At fara og heilsa upp á fólk, sum hava rundan føð­ ing­ar­dag, haldi eg eisini at eg sum borgarstjóri eigi at gera. Ikki tí, eg ætli mær ikki at ren­na til allar føðingardagar, men jú eg havi set mær fyri at fara til tey eldru fólkini í kommunu­ni og heilsa uppá, tá tey fylla runt. Slipsið fær flest viðmerkingar - Eg skal venja meg við at vera ein almennur persónur. Men eg eri ikki bangin fyri at siga mína meining og taka ópopulerar og øðrvísi avgerðir, tá tað krevst. Tað sigur 34 ára gamli borgarstjórin í Fuglafjarðar Kommunu, Sonni á Horni. Herfyri fór hann aktivt út eftir einum banka, tá seinasti peningastovnurin í Fuglafirði lat aftur