mánadagur 25. februar 2013síða 19

19 Mánadagur 25. februar 2013 · Nr. 23 Sosialurin Hugskot og viðmerkingar – send sms til 225000 Ítróttarblaðið messa – var í høllini 27. august til 1. september, og høllin síðani varð tikin í brúk og badminton, flogbóltur og innandurða hondbóltur fingu høvdið fyri seg. Fótbólturin Størsti parturin av teimum 400 síð­unum snýr seg um fótbóltin og sigursgongdina hesi árini og tey tíggju FM heitini og um ferðir innan­lands og uttanlands, og hesar seinnu vóru ikki so fáar hesi árini, tá ið tað ikki var so vanligt at ferðast uttan­lands, sum tað seinni bleiv. 66-liðið og meistaraheitini 1966- 70 og 1972 fylla nógv. Tað er ikki so undarligt, og fyri fótbóltshugað í besta manndómi er sumt av hesum kent, men tað sømir seg, at hetta nú verður skrivað í bók, og harvið verður atkomuligt fyri komandi ættarlið, og at tað verður krydrað við myndum, sum ikki hava verið almennar áður. Eitt nú myndum sum svágur Árna Dahl, danski Poul Sandberg, og Páll Thomsen, sáli, í Klaksvík, og Ólavur Niclasen, sum seinni var málverji á besta liðnum, hava tikið. Ikki minni áhugavert er tað, at nú verður tíðarskeiðið síðst í fimmti árunum og fram í seksti ár­ ini, áðrenn 66-liðið fekk fótin fyri seg, viðgjørt. Hetta tíðarskeiðið hev­ur annars staðið í skugganum av fyrstu fimmti árunum, sum eru viðgjørd í 50 ára minningarritinum, sum John Reid Bjartalíð skrivaði í 1954 og so í fyrsta bindinum av søguni hjá Árna Dahl. Og í skugg­ anum av 66-liðnum. Tey, sum minnast hetta skeiðið væl, eru farin at eldast, men nú ber tað til hjá okkum øllum at fáa innlit í hetta skeiðið. Hetta liðið varð meistari í 1956, 1957 og 1958 og aftur í 1961. Hvørjir hesir garparnir vóru, sæst á væl uppstillaðu lið­ mynd­unum. Árni Dahl segði, at tað var ein av mongu styrkjunum hjá John Reid Bjartalíð, at hann syrgdi fyri, at liðmyndirnar vórðu tiknar og tað við stíli. Millum vinnararnar í 1961 vóru Jógvan Jacobsen, Steinbjørn Jacobsen, Magnus Kjelnæs og Ólavur Thomsen. Teir vórðu allir stuðlar á 66-liðnum, og tá ið Jógvan Jacobsen var við longu 1956-1958, so man hann vera ein av teimum, sum yvir­hvur hevur vunnið flest FM heiti. Fyrstu eintøkini Formaðurin í KÍ handaði teimum á 66-liðnum, sum vóru hjástaddir, hvør sítt eintak av nýggju bókini. Anna Jacobsen ella Liden, sum er gift Hansen, og systur hennara, Borghild Jacobsen, sum er gift úr Hvalvík, vóru við á FM liðnum hjá Stjørnuni í 1958. Tær fingu hvør sína bók, og tað varð mint aftur á, hvussu dramatisk heimferðin var, tá ið tær vóru á veg til hús aftur eftir at hava vunnið meistaraheitið. Einasti spælarin frá liðnum 1956- 1961, sum var hjástaddur, tá ið sæð verður burtur frá omanfyri nevndu, var Álvur Klakk, sum eisini fekk eitt eintak. Á samkomuni í Norðoya Spari­ kassa handaði KÍ Árna Dahl minnis­plátu fyri bókaverkið. Hóast hann sjálvur einki segði um tað hós­ kvøldið, so var Árni Dahl gávu­ríkur ítróttarmaður. Hann var við til at vinna liðkappingina, og hann vann einstaklingakappingina í borð­ tennis í 1963, og hann var á tiltikna dreingja­liðnum, sum vann FM í 1962. Liðmyndin vísir, at millum lið­felagarnar vóru fyrrverandi løg­maður Anfinn Kallsberg og bóltsnill­ingurin John Sigurd Joensen. 2. bind av Bóltspøl millum Kjøl og Klakk vísir, at Árni dugir at skriva søgu, og tað er sjálvandi hugaligt, at málburðurin er raðin og lættur. Jastrid Gullaksen á Grafia hevur lagt til rættis, og úrslitið av sam­ starvinum teirra millum er flott. Eftir at teir høvdu fingið fyrstu eintøkini av bókini, sum er minnis­steinurin ikki minst yvir teirra avrik, stillaði 66-liðið upp til mynda­tøku. Kanska var tað síðsta ferðin, at høvið var til tað, men Árni Dahl hevur syrgt fyri, at søgan um glæsiligu avrikini hjá KÍ í tíðar­skeiðnum 1956-1974 nú er varð­veitt! joannes@sosialurin.fo 66-liðið avmyndað í Norðoya Sparikassa 21. februar 2013. Aftanfyri frá vinstru: Jóannes Jacobsen, Páll Sigmund Sørensen, Jógvan Jacobsen, Ólavur Thomsen, Karl Gudmund Henriksen, Jógvan Klakkstein, Steinbjørn Jacobsen, Magnus Kjelnæs og Manni Høgnesen. Frammanfyri frá vinstru: Ólavur Niclasen, Eyðolv Joensen, Janus Isaksen, Anker Bjartalíð, Eiler Jacobsen og Sofus Baldvinsson Tveir av bóltsnillingunum, sum myndaðu KÍ álopsspælið 1966-1972 – Steinbjørn Jacobsen og Jóannes Jacobsen