mánadagur 25. februar 2013síða 18

Mánadagur 25. februar 2013 · Nr. 23 18 Sosialurin Hugskot og viðmerkingar – send sms til 225000 Ítróttarblaðið Gyltasta skeiðið komið út í bók Fótbóltur Hóskvøldið 21. februar legði Árni Dahl fram 2. bind av KÍ søguni, sum fevnir um tjúgu ára skeiðið 1955-1974, tá ið klaksvíkingar í tjúgu ár vunnu tíggju FM heiti, eitt nú við tiltikna 66-liðnum, sum var væl umboðað á samkomuni í Norðoya Sparikassa, tá ið Bóltspøl millum Kjøl og Klakk 2 varð løgd fram Jóannes Hansen Tað var sannur hátíðardámur yvir samkomuni, tá ið 2. bind av søg­ uni um Klaksvíkar Ítróttarfelag varð lagt fram fyri almenningin á samkomu, sum KÍ saman við høvuðs­stuðlinum, Norðoya Spari­ kassa, hóskvøldið skipaði fyri í høvuðs­deild Sparikassans. Bókin fevnir um tíðarskeiðið 1955-1974. Merkisvert er tað, at KÍ hetta tjúgu ára skeiðið vann tíggju FM heiti ella við øðrum orðum varð meistari annað hvørt ár. Í hesum tíðarskeiðið var tað, at KÍ vann fimm FM heiti á rað við tí, sum seinni fekk navnið 66-liðið, tí FM heit­ini vórðu vunnin 1966-1970. Rímuligt er stórt fokus á hesum liðnum í bókini, og tað kendist huga­ligt, at flestu teirra, sum vóru við hesi árini, og sum framvegis eru á lívi, vóru hjástaddir og sótu í fremstu røð hetta kvøldið. Árni Dahl hevur skrivað, og tá ið hann legði bókina fram, legði hann fyri við at heita á fjøldina um at reisast og í tøgn at minnast teir tríggjar, sum vóru við hesi árini, og sum ikki eru millum okkara longur. Teir eru Heðin Baldvinsson, Trygvi Ragnarsson og Olvheðin Jacobsen. Og eisini at minnast tey, sum vóru millum hollastu munnligu keldur­ nar til fyrsta bind, og sum eru farin. Eitt nú spælararnar Emil Mikkelsen og Símun Waag Høgnesen og Freydis Poulsen, sum var so holl í øllum søguligum, ið hevði við Klaks­ vík og Norðoyggjar at gera. Tað var á sumri í 2008, at Árni fór undir arbeiðið, og sjálvur staðfesti hann, at tað var í tøkum tíma, at farið var undir verkætlanina at fáa KÍ søguna út í bók, tí munnligu keld­ur­nar av álvara eru farnar at fækkast. Skrivligu keldurnar hjá felagnum eru væl varðveittar, og tær eru væl og virðiliga troyttar. Tær eru fyrst og fremst gerðabøkurnar og søgubókin, sum John Reid Bjartalíð, sáli, fór at skriva tíðliga undir kríg­ num, og sum hann skrivaði í næstan tríati ár. Høvundurin hevur sálina við Tað var hugtakandi løta, og fjøldin sat rúnarbundin, tá ið høvundin legði bókina fram og vísti nakrar av myndunum. Tað kendist, at hetta er nakað, sum Árni hevur arbeitt nógv og miðvíst við, og tað kendist eisini, at henda søgan hevur fylt nógv í hansara barna- og ungdómsárum í Klaksvík, og tá ið hann seinni var slóðbrótandi høvundur á Ítróttar­ teiginum í Dimmalætting í stórt tíggju ára skeið frá miðskeiðis í seksti árunum og fram til mið­ skeiðis í sjeyti árunum. Í innganginum hugleiðir høv­ und­urin um krokkspælið, sum var so týdn­ingar­mikil liður í sosiala part­inum av lívinum í ymsu býling­ unum í bygdini, og í bókini verð­ ur skrivað um borðtennis síðst í fimmti árunum og fram í seksti árini, um hondbóltskvinnurnar í Stjørn­uni, sum rættuliga fingu vind í seglini síðst í fimmti ár­unum, og so verður nógv gjørt burt­urúr, tá ið spurningurin um at byggja ítróttarhøll varð reistur og fram til, tá ið fyrsta tiltakið – ein vøru­ Saman við Heðini Baldvinsson, sála, myndaðu hesir tríggir – Ólavur Thomsen, Eyðolv Joensen og Karl Gudmund Henriksen í nøkur ár stinnu KÍ verjuna. Í 1970 var málmunurin á heimavølli 21-0! Árni Dahl og Jastrid Gullaksen, sum hava skrivað og lagt til rættis bøkurnar Bóltspøl millum Kjøl og Klakk 1 og 2