fríggjadagur 15. mars 2013síða 12

Fríggjadagur 15. mars 2013 · Nr. 31 12 Sosialurin Hugskot og viðmerkingar – send sms til 225000 Skúlabørn á Dagstovnum í Tórshavnar kommunu, R-dive, Føroya Máling, Balslev, Mest, Prenta, Guðrun Heðinsdóttir Mortensen, Colorama, Havnar Fimleikafelag pinkur, Sosialurin, Haribo, Sp/f Bogi Hermansen, Skoytihøllin, Charles Fríðberg, Thomas Dam á Hálsi, Bank Nordik, Eik Banki, Tryggingarfelagið Føroyar, Trygd, Hvonn, Einar Dahl Mikkelsen, Barbara Dahl Mastercoach, Føroya Tele, Atlantic Petroleum, Faroe Maritime Services, Samskip, Poul Hansen heilsøla, Sri, Gamli Bókhandil, KJ Hydraulik, Litaval, FK í Hoyvík, Demich, Miðstovnurin. Heilsan frá Beranum Peningurin frá Lions Club Liljan fer til 10-ára tiltøk, sum Berin alt árið 2013 fer at hava fyri børnum og ungum, ið hava verið í bólkum hjá Beranum gjøgnum árini, og avvarðandi teirra. Fyrsta tiltakið var á Háskúlanum 26.-27. januar. Hetta er eitt ómetaliga kærkomið íkast til tiltøkini, og eru vit tykkum sera takksom fyri hesa gávu. Meira fæst at vita um Beran á www.berin.fo Til ber at stuðla arbeiðnum í Beranum við at lata peningagávu á konto nr. 6460-1655363 Børn málaðu fyri børnum Lions Club Liljan er nýggi kvinnubólkurin hjá Lions Club Tórshavn, og hetta var fyrsta tiltakið hjá bólkinum. Lions Club Liljan takkar øllum, ið stuðlaðu tiltakinum við peningi og øðrum: Fyrsta sunnudag í advent 2012 var ein spennandi málningaframsýning í Havn, ið Lions Club Liljan skipaði fyri. Endamálið við framsýningini var at savna inn pening til Beran, ið arbeiðir við sorgarbólkum fyri børn og ung, ið hava mist ein av sínum nærmastu. Skúlabørn í nøkrum dagstovnum í Tórshavnar kommunu høvdu málað málningarnar. Evnið var frítt, og tað var sera stuttligt at síggja, hvørji evni teir ymsu bólkarnir høvdu valt at arbeiða við. Sum vera man, vóru fleiri jólaligar myndir við nissum og jólatrøum, men onkrar meira summarsligar landslagsmyndir við blómum og fuglum vóru eisini at síggja. Onnur ung listafólk høvdu arbeitt við tí meira abstrakta. Alt tiltakið var ókeypis fyri tey vitjandi, og fleiri foreldur og ommur og abbar høvdu lagt leiðina framvið Miðstovnin í Gundadali hendan dagin. Fittar nissugentur bjóðaðu børnunum góðgæti, meðan tey vaksnu fingu ein drekkamunn við onkrum søtum afturvið. Eisini var lutakast millum tey vitjandi børnini um fleiri góðar vinningar. Umboð fyri Lions Club Liljan handaði eftir tiltakið Beranum ein kekk á kr. 25.742,50.