fríggjadagur 22. mars 2013síða 43

nr. 34 · 22. mars 2013 7 VIKUSKIFTI Starv? Leiðari á Vinnudeildini hjá Vodafone. Hvat er tað besta við starvinum? Ongin dagur er eins, nógvar fjølbroyttar avbjóðingar og hørð kapping. Og so møti eg sera nógvum ymiskum fólki. Hvat ger teg í góðum lag? Familja og vinir, men eg eri sum heild altíð í góðum lag. A ella B-menniskja? A-menniskja, Big-Time! Hvørjar ítróttar­ greinar dámar tær og hví? Fótbólt – haldi at tað er ein fantastisk liðítrótt, sum hevur givið mær nógvar fantastiskar løtur. Hvørjum tónleiki lurtar tú eftir? Mær dámar væl føroyskan tónleik, annars er tað sera blandað. Hvat er besta lag, sum er gjørt? »Niels hevur felagið stovnað«. Nei, eg havi ikki ide fyri tí. Hvussu eru tínir matvanar? Mær dámar alt ov væl at eta, men eti rímuliga sunt. Tó kann eg ganga amok, tá eg eti gummibomm og lakres! Hvør er tín fyrimynd? Har eru so nógvar… Fyri nógvum árum síðani, tá eg spældi fótbólt, hevði eg sagt Tony Adams. Tá meini eg á vøllinum – livdi tíbetur ikki heilt so hart sum hann, uttan fyri vøllin. Hvat gert tú í frítíðini? Hugni mær saman við familjuni. Royni at spæla eitt sindur »handyman« viðhvørt. Hvat dámar tær at ferðast í egnum landi? Elski tað, men, sum so nógv onnur, geri eg alt ov lítið av tí – Havi eisini ein kampingvogn sum verður alt ov lítið brúktur. Hvør er tín lívrættur? Onki slær ræst kjøt við einari kaldari afturvið. Hvørjum hyggur tú at í sjónvarpinum? Ítrótti, serliga fótbólti og so dámar mær sera væl ein góðan film, helst við eitt sindur av action í. Hvør bók liggur á náttborðinum? Rettidig Omsorg – Jens Moberg ...hevur ligið nakað leingi nú. Fólk fáa brøv við rúti, sum tey ikki skilja, siga tey. Rúturin er ikki tað sama sum gjøgnumskygni. Fólk vita ikki, hvat myndug­ leikin, valdið, vil teimum. Vita ikki, um tey eiga pengar. Ella um tey skylda pengar, ella hvørki ella bæði. Netto ella brutto ella hvør fanin stendur her, spyrja fólk? Voxpopp landaplágan njórar, A-síðan »Og fólkaræðið í váða er, hilladeri, hilladeri.« Vilja tit hava okkurt frá okkum, øll tit, sum vilja hava okkara pengar, so sigið tað bart út: tú skyldar okkum X krónur. Kom við teimum! Tað skuldi annars verða eitt pappírsleyst samfelag. Tí tað er so synd í trøunum. Almennir stovnar og hálv­ almennir bankar og onnur, sum hava lógartryggjaðan rætt at selja fólki tað, tey kalla tænastur, fyri nógvar pengar, noyða eisini fólk at fáa sær teldu og harafturat skeið fyri at læra at brúka teld­una. Tí annars fáa tey ikki rokn­ingar og rykkjarar, men bara bræv frá Fútarættinum, sum er so gamal, at hann sendir brøv sum fyrr í tíðini. Við frímerki og øllum mána­dag, mikudag og fríggjadag. Men, framvegis sama neyðin, fólk skilja ikki, hvat valdið vil teimum, hóast tað skrivar á før­ oyskum. Vóru boðini á donskum, var helst eingin trupulleiki. Fyrr kallaðu vit tað kansellí­ mál, nú eitur tað bókhaldsmál. Eitt eru orðini. Hjá mær er kortini verri at skilja tølini. Serliga, tá eg bara fái eitt nettotal uttan nakra frágreiðing um, hví talið endaði júst har, tað gjørdi. Tað órógvar meg, tá eg ikki skilji tøl. Lærdi heldur ongantíð at rokna, ella at rokna við nøkrum. Víðari í tekstinum. Fløvandi at uppliva, hvussu munadygt og rættvíst fólkaræðið er, tá veruliga stendur á. Hvussu skjótt, tað ar­beiðir, tá ræður um at bjarga teimum veruligu virðunum. Tori als ikki at hugsa hugs­ anina, um tað hevði tikið líka langa tíð, 15 ár minst, við ella uttan fylgibólki, at bjarga kapitalismuni í sosialismunnar háborg, sum tað tekur at gera eina føroyska grundlóg. Grund­ ina oman fyri allar aðrar lógir, eisini lógina um at fylla dunnu­ hylin á Tvøroyri. Ella pen­ sjóns­nýskipanin, lógir fyri allar før­oy­ingar og øll, sum búgva í Før­oyum. Men, sjálvandi, har eru týðandi samfelagslig og stór búskaparlig virði, tíggjutals milliónir, ikki beinleiðis í vanda her og nú. Í útjaðaranum í Japan plagdu tey at bera tey gomlu niðan í fjøllini at doyggja. Ráðini vóru ikki at hava tey livandi, tá tey einki gjørdu til nyttu kortini. Vit hava nógv fjøll í Føroyum. Og vit fara at fáa nógv gomul fólk í Føroyum. Og serlógir verða ikki gjørdar fyri gomul fólk. Tí øll eru eins fyri lógini. Og við serlóg skal frystihús byggja. Annars skilji eg væl Tvørafólk, at tey einki leggja í, at nýggju kapitalistarnir byggja upp fyri minnisvarðan eftir teir gomlu kapitalistarnar – í sosialismunnar háborg. Tað verður kortini ov drúgvt at bíða eftir turistinum, sum kanska alt annað líka kemur siglandi inn á Tvøroyri bara fyri at síggja handilshúsini og pubbina frá sjónum. Nú fær ein bygd afturat sítt egna berghol. Men enn eru okkurt um 100 bygdir og býir, sum einki hol hava, men noyðast at lata sær lynda ein veg. Í staðin fyri at gera øllum teimum berghol, ella gera hol í sjógvin í staðin fyri at fylla, er bíligari at flyta tey hagar, sum hol longu eru. Tjaldrið og veturin eru komin, sum vant í senn, men hvør úr sínari ætt. Grækarismessa er fyrsti vetrardagur. Kemur fuglakrím til Føroya, kemur tjaldrið við tí. Her krevst eitt singulert frávik í fuglalógini. Umafturafturum høgni djurhuus Móðurmálsviðursløn 2012 Fróði Clementsen lagt til rættis: Rannvá Gaard Fossaberg Spælir handy- man viðhvørt Tá hann ikki er til arbeiðis á Vodafone, spælir fótbólt, ella etur gummibomm og lakres, dámar honum væl at gera ymiskt heima við hús. – Eg royni at spæla eitt sindur handyman viðhvørt, sigur Fróði Clementsen Singulert