leygardagur 17. apríl 2004síða 6

10 Nr. 73 - 17. apríl 2004 Nr. 73 - 17. apríl 2004 11 Í næstu viku verður KT-stevna í Norðurlandahús- inum. Kunningar- og samskiftistøkni er ein sera týðandi táttur í at kalla øllum pørtum av nútímans- samfelagnum. Vinnulív á sjógvi og landi, umsiting, peningastovnar, útbúgvingarskipanin og einstak- lingurin - alt er meira ella minni tengt at kunn- ingartøknini. Tann tíðin, tá ein telda var nakað sermerkt fyri serfrøðingarnar, er langt síðan farin aftur um. Kunningartøknin er nú ein natúrligur partur av gerandisdegnum hjá so at siga hvørjum einstøkum samfelagsborgara. Ein vælvirkandi og vælútbygd KT vinna er ein sjálvsøgd fortreyt fyri einum vælvirkandi sam- felag. Tað er tí av stórum týdningi, at Kunningar- tøknin stendur sterk innan útbúgvingarskipanina so væl sum í vinnulívinum. Kunningartøkni er ikki eitt mál í sjálvum sær men eitt neyðugt am- boð og ein fortreyt fyri allari menning. Tað er tí neyðugt støðugt at dagføra og menna nýtsluna av hesum amboði. Hetta setir stór krøv til fólka- skúlan og til vinnu- og miðnámsskúlarnar. Hesi krøv kosta stórar peningaupphæddir, men tað fer at kosta meira, um vit ikki alla tíðina eru í fremstu røð á hesum øki serstakliga innan útbúgvingar- kervið. Føroysk KT hevur verið í støðugari menning. Vinnan hevur staðið seg sera væl í kappingini við útlendskar fyritøkur og henda vinna hevur sýnt bæði áræði og dirvi til at ganga nýggjar leiðir. Kappingin frá stórum og sera peningasterkum út- lendskum KT fyritøkum harðnar í hvørjum. Hetta skapar sjálvsagt trupulleikar fyri heimligu vinn- una. Í eini slíkari støðu er tað freistandi at avmarka kappingina við politiskum tiltøkum. Hetta kann eisini hjálpa eini trongdari vinnu eina tíð, men sum frálíðir gagna slík tiltøk ikki eini vinnu í harðari kapping. Vit kunnu vísa til skipasmiðjuídnaðin í útlandinum t.d. í Noregi, sum stóran almennan stuðul ikkii stendur seg ikki í kappingini við út- landið. Føroyska KT vinnan er noydd til at brynja seg til kappingin, og henda vinna er noydd til at sjálv at taka kappingina upp við útlendsku kappingar- neytarnar. Tað almenna eigur ikki við politiskum tiltøkum at leggja seg út í kapping á vinnuøkjum og sostatt heldur ikki á KT økinum. Hinvegin eigur tað almenna at ansa væl eftir, at einki verður gjørt, ið kann skaða føroyska KT vinnu. Hartil er tað sjálvsagt, at hitt almenna stuðlar við at seta mennandi karmar um KT vinnuna eitt nú við út- búgving og mennandi vinnulóggávu á ymsum økjum. Føroyska KT vinnan er so væl fyri við atliti at kapitali, førleikum, starvsfólki og útgerð, at vit ivast ikki í, at vinnan fer at standa seg í kappingini við útlendsku fyritøkurnar. DAGSINS MEINING Sosialurin KT vinnan VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Alfred Olsen løgtingsmaður Eg fegnis um, at Landsverk- frøðingurin í bløðunum mikudagin, boðar frá, at hann ikki mótarbeiðir tunn- ilsverkætlanini millum Skálafjørðin og Tórshavn. Hinvegin vóni eg, at LV við síni stóru vitan, framyvir kemur at luttaka aktivt í hesi spennandi og nýskapandi tunnilsverkætlan. Vega- og tunnilsætlan- in hjá Landsverk- frøðinginum Í blaðgreinini sigur Lands- verkfrøðingurin, at teir hvørki hava arbeitt ímóti tunnilsverkætlanini ella gjørt eina vega- og tunn- ilsætlan í Suðureysturoy. Men veruleikin er tann, at Landsverkfr. hevur gjørt eina vega-, brúgva- og tunn- ilsætlan fyri Suðureysturoy, sum teir hava fundast við Sjóvar-, Skála-Runavíkar- og Nes kommunur um. Tunlar og vegir í hesi ætlan eru: Tunnil millum Skála- fjørðin og Selatræð. Undir- sjóvartunnil millum Saltnes og Strendur og ein undir- sjóvartunnil millum Morskranes og Signabø. Vegaætlanirnar gingu millum annað út uppá, at gera veg frá tunlinum á Selatræð og suður til Morskranes og frá Rak- tanga norður til undirsjóv- ar-tunnilin millum Morskranes og Signabø. Brúgvin Ætlanin innihelt eisini eina stabbabrúgv tvørtur um Skálafjørðin, sum eina møguliga betri loysn enn undirsjóvartunnilin, men fyri at koma til brúnna, skuldi ein landsvegur við einum fríøki uppá 30 metrar til báðar síður, gerast úr Runavíkini og gjøgnum eitt tað besta útstykkingarøkið til sethús v.m. á Skálafjørð- inum, sum er á eystursíðuni á Høganesi, út til brúnna millum Saltnes og Strendur. Undirsjóvartunnilin Skálafjørður - Tórshavn Men veruleikin var tann, at verkætlanin um ein undir- sjóvartunnil millum Skála- fjørðin og Tórshavn, als ikki var tikin við í ætlan- unum hjá LV. sjálvt um bæði landsverkfrøðingurin og landsstýrismaðurin vóru við tá henda verkætlanin var løgd fram og fingu eintak av ætlanini. Men hóast hetta, so gekk øll verkætlanin hjá lands- verkfrøðinginum einans út uppá, at ferðsluna úr Eyst- uroynni skuldi leggjast yvir Signabø og har-frá víðari. Hetta var orsøkin til, at eg loyvdi mær at siga, at landsverkfrøðingurin mót- arbeiddi verkætlanini um undirsjovartunnil millum Skálafjørðin og Tórshavn. Keðiligar avleiðingar Ætlanin hjá landsverkfrøð- ingum hevur nógvar óhepn- ar fylgir við sær. Brúgvin hevur óhepnar fylgir fyri umhvørvið umframt fram- tíðar nýtslu og marknaðar- føring av Skálafjørðinum, sum oljuhavn v.m.. Vega- føringin hevur sera óhepnar fylgjur fyri útstykkingina undir Høganesi. Undirsjóv- artunnilin millum Saltnes og Strendur er ikki lagdur rætt. Neyðugt atlit til um- hvørvið er ikki tikið við. Nýtsla av grótinum úr und- irsjóvartunlinum til ídnað- arøkir v.m. við brúgvapro- jekti hvørvur, og soleiðis kundi eg hildi fram. Men ætlanin hjá Lands- verkfrøðinginum manglaði totalt tað fíggjarliga atlitið, tí bæði í samband við íløgu og rakstur vildi ætlanin við- føra eina fíggjarlig út- reiðsla fyri landskassan. Mótvegis hesum verður tann privata undirsjóvar- verkætlanin millum Skála- fjørðin og Tórshavn, fíggja uttan fyri landskassan og raksturin geva yvirskot, tí ferðslan verður so nógv og gjaldið lágt, umframt at tíð- arsparingin hevði verið millum 30 og 60 min. hvønn vegin. Nýhugsan Tí gleðir tað meg, at lands- verkfrøðingurin nú alment boðar frá, at hann ikki mót- arbeiðir tunnilsverkætlanin og eg vóni, at stovnurin framyvir kemur at luttaka positivt í hesi nýhugsandi verkætlan, sum vísur á nýggjar fíggingar- og rakstr- armøguleikar, ið eru uttan fyri landskassan, og sum avgjørt eiga at vera royndir. Tunnilsverkætlan Skálafjørður-Tórshavn Øssur av Steinum Síðan Kollafjørður gjørdist partur av Tórshavnar kommunu eru fleiri nøvn sett á gøtur, vegir og býl- ingar í bygdini. Alt gott um hettar, men í alt ov nógvum førum eru hesi nøvn sett við ongum skili og eru tí beinleiðis missvísandi. Vit hava t.d. hugtøkini inni í Firði og úti í Firði. Her meinast ikki við nakað ávíst stað, men partar av bygdini. Tá menn í byrjanini av fimti árunum tosaðu um at fáa bygdini eitt bygdarhús, varð dúgliga tosað um, hvar hetta húsið skuldi standa. Semja fekst um, at tað hvørki skuldi vera inni í Firði ella úti í Firði. Hulduvíkin varð vald og Wenzel Djurhuus, Wenzel á Heyggi, biðin um at lata grundstykkið. Nú er inni í Firði gjørt til eitt staðarnavn av Ósabakka og heilt fram at Barðgili (Rólvi Djurhuus), hóast mong staðarnøvn eru her. Býlingasavnið á Heyggi er burtur. Langasandur er nú víðkaður, so hann tekur við á Ósabakka og røkkur heilt út at Kópasteini, og soleiðis kundi ein hildið fram at nevnt mistøk/skeivleikar við navnaásetingum í Kollafirði. Til síðsta løgtingsval lýsti Tórshavnar býráð við, at fólk í Kollafirði, Signabø og Oyrareingum valdu har og har. Hvat er hetta fyri nakað? Annaðhvørt verða allir býlingar í bygdini nevndir ella eingir. Vit sum búgva her eru jú øll kollfirðingar, líka mikið hvar í bygdini vit so búgva. Ein kann loyva sær at spyrja, um eitt býráð uttan orð ella eið hevur loyvi at broyta adressu hjá fólki? Eg havi t.d. í mong ár búð á Ósabakka, men nú skal hetta ikki longur vera so, men inni í Firði. Síggi, at fólk eru farin at fáa sær navnabrettir á húsini, tí tey eru tikin av ræði. Hetta er væl skiljandi, tí við hetta lag eru um nøkur fá ár mong av okkara vøkru staðarnøvnum burt- Kollafjørður: Inni í Firði og úti í Firði Framhald á síðu 11 VIÐMERKINGAR Hevur Gundadalur enn ein møguleika? Kávalæti førdi eina góða ætlan út í óføri Ólavur Hátún Málið um Gundadal og Tórsvøll hevur tvinnanda aspektir: 1) Ein prýðilig ítrótta- og frítíðarverkætlan, sum pro- fessionellir byggilistarmenn eftir áheitan høvdu fingið í lag eftir drúgvar samráðing- ar við allar hugsandi áhuga- bólkar, bleiv rend um koll. Fylgjan av hesum: a) Møguleikarnir til eitt sunt og gott frítíðarlív í Gundadali vórðu skerdir. b) Frælsi ítrótturin fekk ikki sínar ætlaðu umstøður til at menna seg í Føroyum. c) Føroya eru settar utt- anfyri at kunna hýsa Oyggjaleikunum og fult og heilt vera við í hesum kapp- ingum millum oyggjalond, har vit natúrliga hoyra heima, og har vit eftir øll- um sólarmerkjum høvdu staðið okkum væl. 2) Á ódemokratiskan hátt og við lítið heiðurligari framferð fekk privatpersón- ur høvdið fyri seg hjá ráð- andi myndugleikum at fremja áhugamál hjá sær sjálvum og einum rættiliga avmarkaðum áhugabólki fram um eina samfelagsrel- evantari heildarætlan. Fyri at kunna fremja hetta verk hevur fremsti framherji hjá hesum bólki, ein fyrrverandi virdur borg- arstjóri, yvir fyri almenn- inginum borið fram ósann- ar grundgevingar. Dømir: a) Í sínari grein m.a. í Dimmalætting 1. apríl (!) leggur Poul Michelsen plásstrot í Gundadali til grund fyri, at hann hevur útihýst frælsa ítróttinum av økinum, sum var ætlað hes- ari ítróttagrein. Eftir altjóða krøvum mátti vøllurin breiðkast frá 65 m og upp í 68 m, sigur hann, og renni- breytin mátti tí verið smalkað niður í 6 breytir. Fakta: Eftir uppruna Tórs- vallarætlanini var fótbólts- vøllurin 68 m, og tú finnur valla stadion við 8 breytum í londum sum t.d. Dan- mark, Noreg ella Skotlandi. b) Tá málið fyri 5 árum síðan bleiv tikið fram til almenna viðgerð, brúkti Poul Michelsen, sum sæst á eftirfylgjandi blaðsamrøð- um, fíggjarligar orsakir og tíðartrot sum skoðsmál fyri at kunna útihýsa renni- breytini. Viðmerkingar til greinastubba Í sínari svarheilsan til mín mikudagin 7. apríl unnir Poul Michelsen mær "rætt til at hava eina aðra rað- festing av, hvat føroyskur fótbóltur eigur at fáa í før- oyskum ítróttahøpi". Øllum man vera greitt, at hjá mær hevur tað frá byrjan einans verið umráðandi, at tað ikki í fótbóltsovurhuga skuldi verða beint fyri teim møgu- leikum, sum enn vóru til eitt fjølbroyttari frítíðar- og ítróttalív í Gundadali enn bara til fótbólt. "Argument røkka ikki longur...". Trupulleikin er tann, at onnur argument enn tey hjá Poul Michelsen ongantíð eru sloppin framat hjá myndugleikunum. Sum ein býráðslimur tók til : "Málið Tórsvøllur hevur ongantíð fingið nakra veru- liga politiska og fakliga viðgerð, har ymisk argu- ment hava verið frammi". Poul endurgevur mína útsøgn um, at hann eins og annar geykaungi tveitti allar byggilistamenninar burtur úr verkætlanini; men hann afturvísir hana ikki. Her kemur tí mín fyrsti spurningur til Poul Michel- sen: Hví tókst tú ikki upp samarbeiði við arkitekt- arnar í staðin fyri at nýta títt ódemokratiskt íkomna vald til at geva teimum durafjórðingin? Poul hevur ".. fingið nógvar positivar reaktió- nir ..." upp á sína skriving, sigur hann. Tað havi eg eisini fingið upp á mína, og eg havi neyvan møtt nøkr- um havnarfólki, sum ikki harmast um, hvussu Gunda- dalur er viðfarin. Tað skuldi snúð seg um mentan og list; men úrslitið, sum nú stendur har, ber boð um alt annað. "...Raðfestingin at byggja ein alheims fótbóltsvøll í Gundadali er tað rætta mótvegis heildarnýtsl- uni...." Eitt stadion við ongum atletikkumhvørvi, men við trimum fótbólts- vøllum, har tann eini og størsti liggur oyðin og tómur 360 dagar um árið, er tað nøkur heildarloysn? "...Tað er ikki rætt at samantvinna eitt fótbólts- stadion og eitt stadion til frælsa ítróttin ..." Vøllir burturav til fótbólt finnur tú næstan bara hjá bóltfeløg- um, sum hava fíggjarætlan sum okkara landsfíggjarlóg ella størri. - Flestu altjóða dystir, tú sært í sjónvarp- inum, vísa kombinerað bólt- og atletikkstadion Poul M.: "Eg var sjálvur býráðsformaður, tá íløgur- nar til byggibúgving, spreinging og laðing vórðu gjørdar, kendi væl grunda- lagið undir ætlanini og var tí á ongan hátt í fremmand- um umhvørvi". Ein og hvør kann spáka sær niðan í Gundadal og síggja, hvussu orka og samsvarandi íløga eru løgd í at runda byggi- lendið niðan móti svimji- hylinum av til eina kom- andi rennibreyt. Tilvarandi steinseting varð løgd á í suðurendanum, eins og eis- ini aðrar fyrireikingar vóru gjørdar. Tí mín næsti spurn- ingur til Poul Michelsen: Hvussu sampakka hesar eyðsýniligu fyrireikingar til eitt veruligt ítrótta- stadion við tína útsøgn, at tað hevur ligið í kortinum bara at byggja ein fótbólts- vøll aftrat í Gundadali? Poul vísir til sínar glæsi- ligu ætlanir á heimasíðu www.torsvollur.fo . "Hattin av fyri Poul, fær hann hattar í lag!" kunnu vit siga í fyrsta viðbragdi, tá vit síggja hesar visiónir; men spurningar, sum beinavegin troka á, eru slíkir sum 1. Hvat skal okkara lítla samfelag, her tað ikki kann blíva talan um meira enn heilt fáar altjóða landsdystir um árið, við einum so am- bitiøsum fótbóltsstadion, sum tú bert finnur makan til í størri býum, har slíkir vøllir eru í dagligari nýtslu? 2. Hví kroysta slíka ein- táttaða fótbóltsætlan aftrat inn í Gundadal, sum líka væl kundi ligið so manga aðrastaðni í Suðurstreymi? 3. Hvussu kunnu menn nú fíggja slíkt ógvisligt projekt, sum áhaldandi høvdu tað sum grundgeving fyri ikki at fremja upprunaætlanina, at peningur kundi ikki skaffast til vega til so mikið sum at rudda burturfrá til eina rennibreyt? Á heimasíðuni er eisini listi yvir sponsorarnar, sum stuðla Tórsvølli. Í uppriti til samtyktir fyri Grunnin Tórsvøll frá 24.06.98 stend- ur, at grannskoðaður rokn- skapur fyri árið verður at liggja alment frammi í tíð- arskeiðinum 1. apríl - 1. mai á hvørjum ári. Tí hesir mínir spurningar til Poul Mich- elsen: a) Er tað so, sum ljóðar, at Tórsvøllur higartil hev- ur kostað 35 milliónir krónur? b) Hvussu stórur part- ur av hesum gjaldi er al- mennur peningur, og hvussu nógv er fingið til vega aðrastaðni, eitt nú frá sponsorum? c) Hvussu nógv fer lið- ugtgerð av Tórsvølli, sum tað verður nevnt á heima- síðuni, at kosta? d) Hvussu sær tann fíggjarætlanin út? Hvat segði Poul Mich- elsen, og hvat meinti hann? Í sínum seinna greina- stubba, sigur Poul Michel- sen meg "...leggja sær nak- að í munnin, sum hann als ikki hevur sagt ella meinar ...". Lat okkum hyggja at, hvussu bløðini hava end- urgivið Poul: Sosialurin 3. november 1998: "Talan verður ikki um í fullum líki at útinna Tórsvallarætlanina .... Men tann ætlanin er ikki slept. .... triðja stigið verður frælsi ítrótturin. ... møgu- leiki verður fyri, at renni- breytirnar kunnu koma seinni. ... Tá peningur verð- ur tøkur til at víðka økið, verða áskoðaraplássini flutt út á økið, sum tá kemur aftrat, meðan økið, har áskoðaraplássini í fyrstu atløgu verða, tá verður brúkt til rennibreytir. ... tað verður ikki mett ráðiligt, at raksturin kann bera meira enn tvær milli- ónir í lántøku (!). .... Býráðið hevur játtað at stuðla við fimtan pro- centum - umframt tær sjey milliónirnar tað kostaði at gera økið soleiðis, sum tað liggur nú -, og landið hevur játtað 30 procent." (Hvussu kundi tað tá grundgevast fyri, at býráðsins umboð Poul Michelsen skuldi hava dupult mandat og sostatt avgerðarrætt í 4- mannanevndini fram um t.d. landsins umboð?) Dimmalætting 12. mars 1999: Poul endurgivin: Hildið verður fast við upp- skotið, ið kommunan kom fram við at byggja Tórsvøll stigvíst. ... Tá so avgerð verður tikin um, at nú eru ráðini til eina rennibreyt, so verður farið aftur um áskoðaraplássini og sprongt burtur úr berginum. Tá kunnu áskoðaraplássini verða flutt einar átta metrar eystureftir, og tá verður pláss fyri rennibreytini ... Sambært teknikarunum er tað onki problem... Núverandi Tórsvallar- projekt kostar umleið 10 milliónir (!) Dimmalætting 8. mars 1999: Poul Michelsen: "Einasta orsøkin til, at rennibreytin ikki verður bygd nú, er at fíggjarliga orkan ikki er nóg stór." Sosialurin 21. mars 1999: Poul Michelsen: "Í løtuni hava vit ikki pengar til spreingiarbeiðið... (At hetta ikki var annað enn skálka- skjól kunnu vit allir, sum vóru á fundi um málið í Kommunuskúlanum 14. apríl 1999, vátta. Tann beistagerð, sum Poul Mich- elsen í tá eftirfylgjandi døg- um framdi á Tórsvallar- økinum til tess at fyribyrgja, at rennibreytin fekk ein møguleika, tænir honum og hansara fylgisneyta Leivi Hansen til lítlan sóma). ...men um tað ber til at fáa hesar pengarnar til vega í ár, so ber til at taka ele- mentini niður í heyst og seta tey upp aftur, tá ar- beiðið er liðugt, og tað nýt- ist ikki at taka langa tíð. Kostnaðurin av tí arbeið- inum verður millum trý og fýra hundrað túsund krónur, sigur formaðurin í vinnurekandi grunnin- um." (Vert at hava í huga, um vitið kundi runnið við til at skipað eitt sindur um uppá Tórsvøll fram móti hansara upprunaliga enda- máli í staðin fyri at fyri- gykla við einari utopiskari loysn) Sosialurin 14. apríl 1999: Poul Michelsen: ..." Tað er ov seint at broyta ætl- anina nú ..." (Talan var ikki um nakra broyting, heldur at halda fast við eina politiska sam- tykt. Stadionætlan í Gunda- dali hevði tá bíðað í meira enn hálvthundrað ár, so at einar tvær vikur aftrat gjørdu ikki tann sóra mun- in, so mikið meira sum at tað ikki var talan um nakr- an týðandi dyst fyrr enn út á heystið) Við støði í hesum sitatum nú mín seinasti spurningur til Poul Michelsen: Leggi eg teg við órættum undir at hava ført óerliga talu yvir fyri almenninginum um tínar ætlanir á Tórs- vølli? Utopiskar visiónir heldur enn skilagóða loysn í Gundadali? Í endanum í sínum seinna greinastubba ber Poul Mich- elsen m.a. fram, "at tað er rætt, at frælsi ítrótturin fær sítt egna øki." Spurningurin hvar slíkt øki er at finna í býnum hevur ofta verið frammi, og nú herfyri hoyrdist í útvarpinum, at teir sakkønu í býráðnum mæltu til at gera atletikkstadion hinumegin ringvegin við Svimjihøllina. Fagur tónleikur í oyrun- um á øllum ítróttahugað- um! - men uttan at vilja sáa iva um sakkunnleikan, so vita øll, at tað er sera vind- hart upp á Hálsi, og at heilt serligar atgerðir skulu til, skal slíkur ítróttavøllur ger- ast nýtiligur. Tí mugu vit spyrja: Er tað realistiskt og skilagott hjá Havnar býi at fullføra eitt marglætis fót- bóltsstadion, sum als ikki gagnar føroyskum fótbólti samsvarandi, og byggja eitt mestsum innandura atlet- ikkstadion fyri fleirfaldað tað, sum tað higartil ikki hava verið ráð til, í staðin fyri við munandi minni íløgu at laga viðurskiftini í Gundadali aftur til felags gagn? Her at enda skal her dentur verða lagdur á, at eg seti meg ikki soleiðis at skriva bert fyri at tríva aftur í fortíðina ella fyri at kasta skarn á nakað. Nei, heldur er tað mítt ynniliga ynski at kunna gera mítt til at vekja til umhugsni, áðrenn enda- liga ov seint er. Góðar og fjølbroyttar ítróttaumstøður eru av stór- um samfelagsligum týdn- ingi bæði fyri fólkaheilsuna og fyri tjóðskaparliga med- vitið og samleikan. Á Oyggjaleikum hava vit fleiri upplivað gleðina og stolt- leikan ikki minst hjá verts- fólkunum, tá tað gekk væl hjá teirra ungfólkum og sig- ursflaggið varð vundið á stong. Innímillum hevur tann føroyska røddin eisini verið at hoyra úti á leikvøll- um; men serliga eftir dystir, har vit við venjingarum- støðum eru á hædd við hini sum á fimleikagólvi, í svimjihylum og í bólthøll- um, situr tann føroyski fagn- aðarrómurin enn í oyrum. Á vitjan í Noregi seinasta summar hevði eg aftur sum í ungum árum høvi at upp- liva stevnuhald, har eisini tíggjutals børn og ung- dómar fródliga kappaðust í lopum, køstum og renning, meðan avvarðandi og onnur áhugað við spenningi fylgdu við. Mær datt í huga, at slíkt hevði okkara evnagóði ungdómur eisini havt uppiborið. Tí er tað mín vón, at steðgað verður á, og at kommunu- og landspolitik- arar saman við breiðum umboð fyri føroyskt frítíð- ar- og ítróttalív í felag seta út í kortið, hvat ið veruliga tænir høvuðsstaðnum og tjóðini best í hesum máli. Eg vænti mær svar frá Poul Michelsen upp á mínar spurningar. ur. Tann skaðin bøtist ikki aftur. Vit hava bæði 1. valda býráðslimin og Kollafjarð- arnevndina, men tað tykist, sum tey einki hava at siga í hesum máli. Eg veit, at fólk frá hond hava klagað til býráðið um hesi viðurskifti, men tað er sum at sletta vatn á gás. Heitt verður tí enn einaferð á býráðið, um at fáa hesi mistøkini í Kollafirði rætt- aði og biðið verður eisini um at farið verður skyn- samari fram. Framhald av síðu 10 C M Y K 11 10