týsdagur 26. mars 2013síða 38

Mikudagur 27. mars 2013 · Nr. 36 38 Sosialurin Hugskot og viðmerkingar – send sms til 225000 Rólant Waag Dam Christian Høgni Jacobsen er í dag 32 ára gamal. Skírisdag tørna gomlu liðfelagarnir í NSÍ til við Stórá í Trongis­ vági, har TB tekur ímóti. Christian Høgni fær tó ikki fylgt við, sum hann gjarna vildi, tí samstundis sum NSÍ fer í eldin fyri triðju fer í ár, skal hann stjórna besta mans­liðnum hjá ÍF Før­oyum í ársins fyrsta lands­kappingar­ dyst í Keypmannahavnar­ seriuni í Danmark. – Hetta er ein spennandi avbjóðing. At skipa venjingar og gera taktisk upplegg fyri vaksnar menn, er ikki sum at standa á odda fyri nøkr­ um smádreingjum. Hesir hava meiningar um alt, og hóast teir fara á vøllin og stríð­ast fyri felagið og meg, so er tað eg, sum standi við evstu ábyrgdini. Eg havi fulla ábyrgd nú, og tað er gev­andi. ÍF Føroyar er eisini spenn­ andi á tann hátt, at hetta er sum eitt landslið. Her koma leikarar úr øllum landinum, sum skulu spælast saman. Og talan er um lutfalsliga stór nøvn og góðar leikarar. Fleiri hava spælt á A-landsliðnum ella verið í hitanum kring tað, nógvir hava spælt á onkrum ung­dóms­landsliði, og teir allar flestu hava drúgvar royndir úr bestu føroysku deild­ini. Hópurin er breiður, so var eg venjari í Føroyum og hevði henda hópin, so hevði eg fari eftir einum plássi mill­um fýra tey fresmtu lið­ ini. Hetta sjálvandi treytað av, at vit vandu undir somu um­støð­um og líka nógv, sum hini liðini í deildini, greið­ ir Christian Høgni frá um nýggju uppgávuna og hans­ ara nýggja leiklut á vøll­ inum. B68 var ein brølari Christian Høgni býr saman við unnustuni í Keyp­manna­ havn, hagar hann flutti í fjør­heyst. Hann hevur áður spælt við bæði Esbjerg, Vejle og AB í Danmark, so tað frættist skjótt millum donsku feløgini, at royndi før­oyski áleyparin var aftur í Dan­mark. Christian Høgni hevði eisini fleiri tilboð á hond­ini, men valdi ivaleyst minst lukrativu loysnina, og tók av tilboðnum, um at ger­ast leikandi venjari hjá ÍF Før­oyum. – Eg var troyttur av fót­ bólti á hægsta stigi. Tað var ein brølari, at eg tók av at fara út á Toftir í fjør. Hugurin til fótbólt hvarv fullkomiliga har. So um eg ikki hevði verið venjari hjá ÍF Føroyum, so hevði eg nokk spælt við felag­ num kortini, tí eg misti hugin til at spæla fótbólt í B68. Alt gekk illa. Eingin stríddist fyri hvørjum øðrum, og tað var trupult at koma inn at leik­arunum og finna henda felags­viljan, sum eg havi sæð alla aðrastaðni, eg havi spælt. Hetta hevur einki við felagið ella toftafólk at gera tó. Og tað býr heldur ikki nakað ringt millum Paula Poulsen og meg, tvørtur ímóti. Men eg hevði ikki hug at forplikta meg til at venja fýra-fimm ferðir um vikuna, tá árið í fjør var av. At vera leikandi venj­ ari passar mær væl, og hetta er eitt slag av nýggjari byrjan, heldur Christian Høgni. Droymir um gulu troyggjuna Um hálvanannan mánað verð­ur Christian Høgni 33 ár. Gongst sum ætlað, verður hann í Danmark næstu fýra ár­ini. – Ja, eitt ella annað stað havi eg takkað fyri meg, og eri givin á hægsta stigi. Eg skal tó ikki útihýsa, at eg ikki verið at síggja í føroyskum fót­bólti onkra summarferiu, tí eg vóni at sleppa aftur í gulu troyggjuna og enda ordiligt. Um tað verður í summ­ar ella um fýra ár, tað veit eg ikki, men at spæla ein dyst fyri NSÍ fyri síðstu ferð, kanska bara ein hálvleik ella tíggju minuttir, tað vóni eg ber til, ti tað er har, eg havi følt meg best, og tað er har, eg havi blomstrað, sig­ ur Christian Høgni, sum er NSÍ'ari um ein háls, hóast hann hevur umboðað fimm ítróttur Størsta upplivingin var at leiða barndómsfelagið á vøllin í móti Fulham. Størsta fyrimyndin er Jens Martin Knudsen. Størsti brølarin var at royna seg í B68. Størsti saknurin er í pápanum, og størsta uppgávan nú, er at vera leikandi venjari hjá ÍF Føroyum í Danmark. Vit hava hitt stóra málslúkin Christian Høgna Jacobsen fótbóltur profilurin og óroyndi venjarin Royndi leikarin Tað var ein brølari, at eg tók av at fara út á Toftir í fjør. Hugurin til fótbólt hvarv fullkomiliga har Christian Høgni Jacobsen stýrdi innlegginum frá Øssur Hansen í netið, og legði síðani upp til málið hjá Kurt Mørkøre í 0-2 sigrinum á Luksemburg í næsta landsdysti hansara tann 24. mars 2001