mánadagur 8. apríl 2013síða 10

Mánadagur 8. apríl 2013 · Nr. 39 10 Sosialurin Hugskot og viðmerkingar – send sms til 225000 Rættiliga fitt av fólki var kom­ið saman leygarkvøldið, tá sendingin Leygarkvøld í Klaksvík á triðja sinni bleiv send beinleiðis úr Eik ban­ka. Talan er um eina lætta undir­ halds­sending, sum tekur støði í Klaksvík og øll­um tí, ið fyriferst har á leiðini. Vert­ir vóru Eyðun Klakstein og Rannvá G. Fossaberg, sum hesaferð fingu hjálp frá Tróndi Arge, sum prátaði við fót­bólts­spæl­ar­ar, ið allir eru upp­vaks­nir í KÍ, hava spælt við besta liðnum hjá felag­ num, og hava eisini roynt seg í øðr­u­m feløgum. Listamaðurin Archibald Black greiddi frá sínum mongu málningum, har hann hev­ur málað vísusangaran Hanus G. Johansen. Nakrir av hesum málningum vóru sett­ir upp í Eik, soleiðis at gestirnir hetta kvøldið fingu høvi at síggja hesar máln­ing­ar­nar. Hanus G. Johan­sen var eisini sjálvur til staðar og framførdi tvey løg. Somuleiðis var live tónleikur frá nýggja klaks­víks­bólki­num Quarter to Three, sum spælir tónleik innan sjangrur­ar­nar jazz og singer/song­writer. Tóra við Keldu og Annika Sølvará eru báðar upp­vaks­ nar í Klaksvík, men meðan Tóra við Keldu framvegis býr í heimsstaðnum, valdi Anni­ ka við Sølvará at búseta seg í Tór­s­havn. Hvat er avgerandi fyri, hvar vit velja at búseta okk­um, og hvat er eyðkenni við at búgva í einum býi sum Klaks­vík? Hesir vóru nakrir av spurningunum, ið blivu svar­aðir, tá Tóra við Keldu og Annika Sølvará skiftu orð um hetta evnið. Sjúrður Skaale var sum ung­ur í starvs­venj­ing um­ borð á klaks­víks­báti­num Rona, har Grím­ur Lass­en var skip­ari. Í send­ingin greiddi Sjúrð­ur Skaale skemti­liga frá, hvussu tað var at sigla til eitt nú Ís­lands, Dan­mark­ ar og Týsk­lands við til­tik­na skipar­anum og rest­ina av mann­ing­ini úr Klaks­vík. Lærari og næmingar úr Kokka­skúlanum í Klaksvík for­taldu um skúlan, og har­ afturat høvdu tey gjørt ymsar smárættir og pinna­ mat til gestirnir, sum vóru og lýddu á sendingina. Leygarkvøld Fótbóltur, list, klaksvíksprát, matur og livandi tónleikur var nakað av tí, ið var á skránni hesaferð, tá Rás2 hevði leygarkvøldssending beinleiðis úr Klaksvík