mánadagur 29. apríl 2013síða 12

Mánadagur 29. apríl 2013 · Nr. 48 12 Sosialurin Hugskot og viðmerkingar – send sms til 225000 ítróttur ítróttartoymi E nn einaferð upplivdu vit eina minniliga viku við spennandi og nervakendum FM- finalum. FM-finalurnar eru í sær sjálvum ein sannur eydnugripur fyri føroyskan hondbólt, sum gevur føroyskum hondbólti umtalu og endurljóð í stórt mát. Tað ber illa til at finnast at, aftaná eitt slíkt minniligt vikuskiftið. Men undirritaði fer at loyva sær at finnast at tí langa og drúgva tíðarskeiðnum undan FM-finalunum, har seks kvinnulið og fimm manslið í teimum bestu hondbóltsdeildunum, øll endaðu inni í bíðirúminum. Og talan gjørdist um eitt langt tørn í bíðirúminum, sum vardi í fleiri vikur. Taka vit fremstu kvinnu­ deildina, so var tann síðsti prestisju-dysturin spældur mikukvøldið 27. mars. Tað kvøldið spældu VÍF/Tjaldur og Kyndil avgerandi dystin um hvør av teimum skuldi møta Neistanum í FM-finaluni. Tað fall til fyrimun fyri Kyndil, sum ein mánað seinni slapp at møta Neistanum, sum hevur verið eitt trygt kort í FM-finaluni, líka síðani jólaferiuna. Ì Atlantic Airways kappingini vóru StÍF og Kyndil væl við í stríðnum um at røkka FM-finaluni, men tíðliga í vár gliðu bæði liðini í svinginum, og so høvdu tey heldur ikki tað stóra at spæla fyri. Aftanfyri StÍF og Kyndil lá Neistin, sum megnaði at arga í onkrum dysti, og langt aftast lá Team Klaksvík, sum ongantíð fekk tað eina stigið, sum teir høvdu sum mál. 11 lið í teimum fremstu hondbóltsdeildunum, fjølmiðlar og áskoðarar bíðaðu eftir, at mennirnir hjá VÌF og H71 avviklaðu kappingina sína millum. Og hendan bíðitíðin var ógvuliga drepandi og ómotiverandi. Spurningurin, sum undirritaði vil kasta út er: Burdu vit ikki havt ein meistarabólk fyri fýra tey ovastu liðini í fremstu kvinnudeildini og Atlantic Airways kappingini, har fýra tey ovastu liðini í teimum fremstu hondbóltsdeildunum spældu seks umfør, har tey møttust heima og úti? Tað hevði verið hóskandi, at hesir meistarabólkarnir byrjaðu vikuna aftaná steypafinalurnar í februar. Tað hevði givið spælarunum, venjarunum, áskoðarunum, fjølmiðlunum, lurtarunum og lesarunum ein spennandi og intensivan kappingarenda, har vit øll sluppu undan hesum langa tíðarskeiðnum, har fleiri lið einki hava at spæla fyri. Um hildið verður fast við FM-finalu leistin, so eiga hesar komandi ár at liggja hálvan apríl, tá páskaferian er. Tað var ikki gamalt, og tað verður vónandi ikki endurtikið, at hondbóltskappingin endar, tá mai mánaði er í hondum. Óannsæð: takk fyri farna kappingarár, minus bíðitíðina í mars og apríl. Vónandi fer bíðirúmið í søguna? 11 hond ­bólts­lið í bíði­rúminum www.ab.fo: Í dag vóru vit við Margáir eftir góða dystin hósdagin. Ein skuldi trúð, at nú var gongd komin á, men.... www.b36.fo: Tað vóru neyvan onnur enn dómarin, sum sóu nakað brotsspark, tá hann brádliga peikaði á blettin. Martin tacklaði púra reint, men onkursvegna tulkaði dómarin hetta til brotsspark. www.hb.fo: Venjarin hjá NSÍ, Ábraham Løkin, legði í samrøðu við Rás 2 eftir dystin, okkara leikarar undir tilætlað at skaða Klæmint Olsen og Kristian Joensen hjá NSÍ, sum báðir noyddust av vøllinum. Tað hoyrir ongastaðni heima at siga slíkt, og venjari okkara, Oddbjørn Joensen, segði so eisini tað sum sigast skuldi aftaná. www.if.fo: Í heild, ein javnur dystur, men keðiligt at blíva við at fáa bílig brotsspørk ímóti okkum. Tó kann sigast, at dómararnir dømdu ein fínan dyst. www.tb.fo: Nicky leggur bóltin til rættis, og sendur síðani eitt deyðiliga beinrakið innlegg, beint á pannuna hjá Poul »Poulotelli« Ingason, sum hevði rivið seg leysan frá markørinum. Poul hamraði skallan á bóltin, so hann sang í netmeskunum, og gleðisrómurin frá heimaáskoðarunum var øðiligur. www.h71.fo: »Never change a winning team« er parola úr enskum fótbólti, og kann brúkast í nógvum øðrum viðurskiftum. Hví broyta nakað, tá tað gongur væl? Ella vit kundu eisini sagt »If it ain’t broken, don’t fix it!« Nakað soleiðis kundu vit hugsa. www.hvannrok.fo: Kyndilsvenjarin Geir Wardum segði um Neistan við fjølmiðlarnar, at nú var »fuglurin særdur«, og rætt hevði hann. Men neistafuglurin var ikki so mikið nógv særdur, at hann ikki kundi lekjast aftur. Heimasíðurnar skriva: Ítróttar klumman Heri Simonsen Tróndur Arge Hilmar Jan Hansen Heri Simonsen Jóannes Hansen Uni Holm Johannesen Álvur Haraldsen Pætur Eyð. Jensen Vinnara sms'ið í Triða Hálvleiki: ■ Útbyggingin hjá Varðanum á Tvøroyri er hervið avlýst (TB - Víkingur) Besta sms'ið, vinnur eitt atgongumerki til lands­dystin ímillum Føroyar og Eysturríki 15. oktober 2013 Tað sigur Kristian Joensen um taklingina hjá Kristini R. Mouritsen, tá hesi báðir rendur saman í dystinum við Løkin í gjár. Kristian Joensen mátti hjálpast av vøllinum og skiftast út. – Eg haldi hatta er ein skitin takling. Eg havi bóltin heilt uppi við bringuni og hann rakar meg í knæið. Tað er ein metur frá har sum bólturin er. Tá rakar hann ótrúliga illa, sigur ein firtin Kristian Joensen, sum í morgun hevur verið til lækna. – Hann hevur ongan kajns at fáa bóltin og aðrastaðni sært tú spælara hoppa uppum málverjan, tá hann kemur út upp á handan mátan. Eg haldi hatta er ein svíagerð, sigur NSÍ mál­ verjin. Hann hevur verið til lækna í dag, men enn kann ikki staðfestast hvussu álvars­ligur skaðin er. – Tað er ikki krossbandið og tað er heldur ikki menisk­ urin, men tað kann verða liðbandið, sum hevur fingið skaða. Í besta føri, so er tað bara eitt slag og so skuldi eg kunna spælt um eina viku ella tvær, sigur Kristian Joensen í morgun. trondur@sosialurin.fo Framrættaði miðvallarin hjá HB skilur einki av ákærunum hjá Kristiani Joensen. – Eg rók rekandi frameftir, men kom til at skjóta bóltin ov langt frá mær. Eg meti at eg fái bóltin fyrst og talan er faktist ikki um eina takling, tí eg sparki bóltin áðrenn vit renna saman, sigur Kristin. – Eg kundi ikki funnið upp á at gjørt ein annan spælara skaddan við vilja. Eg meti at eg eri í góðari støðu, og gjørdi eg ikki tað, so hevði eg ikki fari eftir bóltinum. Eg eri ikki ein, sum ger nakað svínskt á vøllinum, greiður Kristin R. Mouritsen frá. – Eftir samanbrestin tók eg í hondina á Kristiani, men fái ongan viðmerking frá nøkrum. Dómarin sigur einki og tað ger hjálpardómarin heldur ikki. Ongin hevur sag nakað um støðuna, og eg haldi ikki at eg havi gjørt nakað gali, greiður Kristin frá. – Eg eri ikki kendur sum ein spælari, sum ger nakað svínskt. Eg metti at eg fór at fáa bóltin og tað gjørdi eg eisini, sigur Kristin R. Mouritsen at enda. trondur@sosialurin.fo Kristin R. Mouritsen: Eg havi einki gjørt gali Ein svínagerð! Kristian Joensen: