fríggjadagur 3. mai 2013síða 30

Fríggjadagur 3. mai 2013 · Nr. 50 30 Sosialurin Hugskot og viðmerkingar – send sms til 225000 Jóannes Hansen Lokaluppgerð og stríðið um kommununa. Á Skála gleða tey seg til at besta liðið hjá NSÍ sunnudagin kemur at vitja, og tað skal avgerast, um tað verður 1. deildarliðið hjá Skála ella EFFO liðið hjá NSÍ, sum skal umboða Runa­víkar kommunu í hálv­ finalunum í kappingini um løg­manssteypið. Eliesar Olsen er á triðja ári høvuðsvenjari í heimbygdini, og sambært honum so verður nógv tosað á Skála um steypa­dystin sunnudagin: – Síðani luturin fall soleið­ is, at vit skulu spæla ímóti NSÍ, hevur tað verið prátað um kommunuuppgerðina, og vit eru sera spentir. Hetta er stór avbjóðing hjá okkum, tí tað eru bara tveir av okkara monnum, sum áður hava spælt ímóti besta NSÍ liðnum. Teir eru liðformaðurin Teitur R. Joensen og Poul N. Poulsen. Og so kennir Petur Pauli Mikkelsen eisini væl til NSÍ liðið, tí hann hevur áður spælt við teimum. Hvat rokna tit við? – Sjálvandi verður NSÍ roknað at vera favorittur, men vit ætla at geva teim­um ta mótstøðu, sum vit á nakran hátt megna, og steypa­fót­ bóltur er steypafótbóltur, so nú fáa vit at síggja. Tað hevur ljóðað, at vete­ ranurin Pauli G. Hansen, sum seinnu árini hevur spælt við EB/Streymi, skal spæla við tykkum nú? – Spæliloyvið hjá honum varð flutt úr EB/Streymi og til okkara dagin eftir lutakastið til fjórðingsfinaluna. Tí varð tað beinanvegin útlagt tann vegin, at hann skuldi spæla við okkum ímóti NSÍ. Pauli hevur hugnað sær í 2. og 3. deild. Vit vita allir, at hann er ein framúr spælari, og eg havi sagt við hann, at hann er væl komin at venja við okk­um. Enn er hann ikki kom­in, og hann verður ikki við ímóti NSÍ. Tað verða teir, sum hava spælt okkum í fjórð­ings­finaluna, sum fara at spæla ímóti NSÍ, sigur Eliesar Olsen, venjari hjá Skála. Eftir at Skála í fyrstu um­ førunum í landskappingini tapti ímóti bæði B68 og FC Suðuroy hevur gingið heilt væl: – Vit høvdu ikki marginal­ irnar við okkum í tøttu upp­ gerðunum at byrja við. Síðani hevur gingið væl, og vit miðja at røkka høgri, enn vit gjørdu í fjør. Tá endaðu vit á triðja plássi, so vit ætla okkum at enda á uppflytingarplássi í ár, sigur Skála venjarin. Víkingur stórfavorittur Í landskappingini kappast skála­mann við B68 og FC Suðuroy. Toftamenn fullu í áttandapartsfinaluni. FC Suðuroy skal í fjórðings­ finaluni spæla í Sarpugerði ímóti Víkingi, sum í fjør vann steypakappingina. Hóast tað seinastu vikur­ nar ikki hevur gingið so væl hjá Víkingi – sunnudagin tapti Víkingur 1-0 við Stórá ímóti TB – so eigur heimaliðið at verða roknað at vera stór­ favorittur ímóti unga og óroynda FC Suðuroy. Men talan er um steypa­ fótbólt, og nú fæst at síggja, hvussu tað fer at tørna út, og um tað verða einki, eitt ella kanska tvey lið úr næstbestu deildini í hálvfinaluni! ítróttur fótbóltur løgmanssteypið upptakt Skálamenn gleða seg Í 1. deildarliðnum kenna teir seg hava alt at vinna í kommunuuppgerðini ímóti EFFO liðnum hjá NSÍ, sum bara tveir á Skála liðnum áður hava spælt ímóti Mynd: Álvur Haraldsen Jóannes Hansen Sunnudagin bresta KÍ og ÍF aftur saman. Hesa ferð verður tað í Klaksvík í steypakappingini. Fyri stuttum vóru hesi bæði liðini við til at undirhalda áskoðararnar, so tað stóð eftir í. KÍ var í Fuglafirði frammanfyri 3-0, áðrenn ÍF svaraði aftur, men so gekk tað skjótt, og úrslitið var 3-3! Felags fyri hesi bæði liðini er, at tey ikki hava stolta søgu at vísa á í steypa­ kappingini. KÍ hevur ikki vunnið síðani 1999. Síðani tá hava klaksvíkingar tvær ferðir verið í finaluni, uttan at tað er eydnast at vinna. Í báðum førum var B36 steypa­vinnari. Í 2001 var úrslitið í ill­ veðursfinaluni 1-0 til B36. Tríggir, sum vóru við ta ferðina, eru eisini á KÍ lið­num í ár – Meinhard Joensen, Atli Danielsen og Hjalgrím Elttør. Í 2006 vann B36 2-1. Tað er merkisvert, at fimm spæl­arar, sum vóru við ta ferðina, eru framvegis á KÍ liðnum. Teir eru Meinhard Joensen, Heðin á Lakjuni, Hjalgrím Elttør, Kristoffur Jakobsen og Atli Danielsen, sum stutt eftir steðgin javnaði til 1-1, tá ið hann umsetti brotsspark til mál. ÍF hevuur ongantíð vunn­ið løgmanssteypið, men onkuntíð hevur tað ver­ið tætt við. Fuglfirðingar vóru í minnisríku final­ unum, sum vórðu spældar í Klaksvík í 2010 og í 2011, men tá endaði tað báðu ferðirnar við tapi ímóti EB/ Streymi. Eftir vónbrotið á heima­ vølli ímóti HB flaggdagin fekk KÍ sunnudagin aftur luft undir veingirnar, tá ið tað eydnaðist at vinna 5-2 á 07Vestur. Avrikið ta ferðina vísti seg enn eina ferð at vera óstøðugt, tí 07 Vestur megnaði at venda 0-2 til 2-2, áðrenn KÍ síðstu løtuna gjørdi bart. Fuglfirðingar hava megn­að at svara aftur bæði ímóti KÍ og TB, sum ÍF flagg­dagin megnaði 2-2 ímóti á útivølli, eftir at TB inntil tað bara restaðu sjey minuttir var frammanfyri 2-0. Sunnudagin var úrslitið í Gundadali 2-2 ímóti B36. Øssur Dalbúð skoraði bæði málini, og tað verður ikki minst honum og Clayton Soares, at ikki alt ov sannførandi verjuparturin hjá KÍ skal halda eyguni við. Svongdin er stór Hvørki KÍ ella ÍF kunnu breggja sær av stoltari søgu í steypakappingini, sum ÍF ongantíð hevur vunnið, og sum klaksvíkingar ikki hava vunnið í fjúrtan ár