mánadagur 6. mai 2013síða 14

Mánadagur 6. mai 2013 · Nr. 51 14 Sosialurin Hugskot og viðmerkingar – send sms til 225000 ítróttur ítróttartoymi Í allan vetur hava kvinnurnar hjá Neistanum átt so nógv tað besta liðið av øllum, og tær hava í landskappingini givið øllum mótstøðuliðunum mønustingin, so ikki eitt einasta stig fór til spillis í tilsamans 20 landskappingardystum. Somuleiðis hava menninir hjá KÍF gingið sína sigursgongd ígjøgnum landskappingina, so teir í góðari tíð tryggjaðu sær eitt sjálvsagt pláss í FM-finalunum. Og bæði hesi nevndu lið hava eisini í vetur sera sannførandi vunnið greipuna. Men uttan at taka nakað frá teimum, ið vórðu heiðrað við »Ársins hetta-og-hatta« á gallaveitsluni hjá hondbóltinum leygarkvøldið, so avspeglaði handanin í síni heild slett ikki tað, øll hava sæð í vetur. At spælarar á botnliðum fara avstað við einum stórum parti av tí, sum verður handað, kann illa síggjast sum annað enn fullkomuliga óseriøst og beinleiðis happing av teimum, sum veruliga eru tey bestu – og sum øll eisini vita, eru tey bestu! Tíbetur er ein annar partur av skránni, at landsliðsvenjararnir velja ársins lið hjá bæði kvinnum og monnum, og har sást endiliga tað, sum í veruleikanum skuldi havt dominerað hinar handanirnar, heldur enn tann beri taktikkurin. Takk skulu landsliðsvenjararnir hava fyri tað, tí teir bjargaðu hesum frá at verða fullkomuliga til láturs og einki annað! Serliga aftan á ein hondbóltsvetur, har øll í fleiri mánaðir hava vitað, hvør veruliga hevði uppiborið at fáa heiður og æru á gallaveitsluni. Tá atkvøtt verður upp á tann taktiska mátan, so tað endar við, at botnlið verða heiðrað fullkomuliga yvirdrivið, er tað altso barasta ikki í lagi. Ein stórur meiriluti av atkvøðunum tykist bara hava til endamáls, at summi bara ikki skulu verða vald sum tey bestu, hóast tey eyðsæð eru tað, og er altso neyðugt at broyta alla mannagongdina, so forðast kann fyri tí. Eitt sindur av veruleika má sleppa at spæla við eina aðru ferð, tí sum nú er, kann eingin taka hesa atkvøðugreiðsluna fyri fult. Tað er stórt spell og – sum verri er – fúl skomm! Happaðu tey bestu HB-heimasíðan: Vit eru enn einaferð lidnir í steypakappingini í úrtíð, og nú nærkast tað tíggju árum síðan, at Havnar Bóltfelag seinast vann steypakappingina. Vit bíða framhaldandi. Óalmenn EB/Streym-heimasíða: Verjan var stinn móti HB í dag, og gævi satt, at gongdin heldur fram. Um fá mál koma ígjøgnum hjá okkum, nýtast vit ikki at gera so øgiliga nógv mál í hinum endanum. Heimasíðan hjá Víkingi: Í fjør góvu FC Suðuroy okkum skarpan gang í steypakappingini, og tað var um eitt hár gjørt, at vit komu víðari og seinni vunnu kappingina. Í dag møttust vit aftur, og á pappírinum vóru vit stórfavorittar, men tað er ikki altíð ein løtt uppgáva. (…) Frískur vindur var í Sarpugerði, og hann hevði sína ávirkan á spælið. Áskoðaratalið var ikki av teimum størstu, men tey, ið vóru har, fingu mál at síggja. Norðlýsið: Dysturin (KÍ-ÍF, blðm.) fekk bara eina málið, hóast bæði liðini gjøgnum dystin høvdu nokk av møguleikum til fleiri mál. Liðini áttu hvør sín hálvleik og trupult er at taka dagar ímillum, hvat lið var betri. ÍF-heimasíðan: Ikki frítt, at tá ið dómarin Rúni Gaardbo (Johnleif Gerðisá og Edvard Højgaard), ið dømdi væl, bríkslaði dystin av, var tað við kensluni, at dystin kundu vit gott havt vunnið – og tað føldist enn kaldari, tá ið dysturin var liðugur. FSF-fjepparasíða á Facebook: Ná, so er lagt upp til brak í hálvfinalunum í Løgmansteypinum … NSÍ, KÍ, ÍF og EB/Streymur. Hvørja finalu kundu tit hugsað tykkum? Heimasíðurnar skriva: Ítróttar klumman Hilmar Jan Hansen Tróndur Arge Hilmar Jan Hansen Heri Simonsen Jóannes Hansen Uni Holm Johannesen Álvur Haraldsen Pætur Eyð. Jensen Hilmar Jan Hansen Fimleikaliðið »Snjóhvíta« hjá Havnar Fimleikafelag, sum er í bólkinum gentur 12-14 ár, stóð seg leygardagin væl í stórari World Cup-kapping í Spania, sum var í katalanska høvuðsstaðnum, Barcelona. Tá avtornaði, høvdu før­ oysku fimleikagenturnar fing­ið 12,9 stig og blivu numm­ ar 16 av tilsamans 19 lið­um, ið komu úr sjey lond­um – Danmark, Estlandi, Finn­ landi, Føroyum, Russlandi, Spania og Tjekkia. Á teimum trimum pláss­ unum aftan fyri »Snjóhvítu«- liðið hjá Havnar Fimleikafelag vóru tvey sponsk lið og so danska liðið, sum endaði aftast í kappingini. hilmarjan@sosialurin.fo Fimleikagentur flott úrslit Guðmundur góða tíð Heri Simonsen Guðmundur Joensen fekk eina góða tíð á hálva Iron­ man-teininum í kapping leygar­dagin í Lissabon í Portu­gal, har tað bleiv til eitt flott fimtapláss av til­samans um 100 sterkum kapp­ingar­ neytum. Hálvi Ironman-teinurin er 1,9 kilometra svimjing á sjónum, 90 kilometra súkk­ ling og 21,1 kilometra renn­ ing. Guðmundur kom saman við trimum øðrum fyrstur úr sjónum, og legði hann seg á eitt triðja pláss í súkklingini, til eitt tekniskt brek hendi við súkkluni. Tí mátti hann steðga og fáa súkkluna í ordan aftur. Tað eydnaðist honum tó aftur at stríða seg fram mill­um teir fremstu, og hann kom sum fimti maður í gongd við renningina, og helt hann hetta plássið allan vegin á mál. Hóast hitin var nógvur, tóktist tað ikki darva Guðmund stórvegis, og hann fekk eina avbera góða tíð, sum lá um fýra tímar, tveir min­uttir og 40 sekund. heris@sosialurin.fo Mynd: Haldur Suni Johansen/HF