mánadagur 6. mai 2013síða 18

Mánadagur 6. mai 2013 · Nr. 51 18 Sosialurin Hugskot og viðmerkingar – send sms til 225000 ítróttur hondbóltur Eg fari ikki úr Føroyum uttan meistarheitið Tað sigur 24 ára gamli Filip Jojic, sum annað árið á rað er kosin til ársins spælara í føroyskum mannfólka hondbólti. Hann hevur hug at taka eitt ára afturat í Vestmanna, men dreymurin er at gerast betri og koma víðari Tróndur Arge Filip Jojic fór ikki tómhentur heim úr hondbólts-galla­ veitsl­uni um vikuskiftið. Hann gjørdist ársins spælari, ársins áleypari, toppskjútti og spæl­skipari á ársins liðið. Alt bendir á, at Filip eisini kom­andi ár verður partur av liðnum hjá VÍF. – Ja, vit arbeiða við mál­ inum og eg rokni við, at eg spæli í VF aftur komandi kapp­ingarár, sigur ein sjón­ liga fegin Filip Jojic, eftir at hann er kosin til ársins spæl­ ara. Filip Jojic kom til Føroyar í farna kappingarári. Fyrsta árið spældi hann við Team Klaksvík og tá gjørdist hann somuleiðis ársins spælari. – Eg vil fegin siga stóra takk til øll, ið hava atkvøtt fyri mær. Eg eri bara so fegin í kvøld. Eg hevði ikki væntað at vunnið aftur í ár, sigur Filip Jojic. Vil vinna meistaraheitið Filip Jojic hevur sett sær eitt greitt mál fyri komandi kapp­igarár. – Eg vil vinna meistara­ heitið komandi kappingarár, sigur Filip avgjørdur. Hann er 24 ára gamal og hevur nógv ár eftir sum hond­bóltsspælari. Hann hevur somuleiðs ein dreym um at sleppa víðari sum hond­bóltsspælari. Eg kundi hugsað mær at spælt eitt ár afturat her í Føroyum og blivið nakað betri. Síðani kundi eg hugsað mær at komi víðari í hond­ bóltsverðini, men eg fari ikki úr Føroyum uttan meistara­ heitið, sigur Filip at enda. Hjá kvinnunum bleiv Liljan Djurhuus ársins spæl­ari. VÍF/Tjaldur var í harðari kapping við Kyndli um at koma í FM finaluna. Tað ljóðar, at Durita Christophersen verður aftur í VÍF/Tjaldur til komandi kapp­ingar­ár og at meiri styrkur er á veg. trondur@sosialurin.fo Kristian Dulavík