týsdagur 7. mai 2013síða 22

Mikudagur 8. mai 2013 · Nr. 52 22 Sosialurin Hugskot og viðmerkingar – send sms til 225000 tøkni Tú veitst ikki, at tær tørvar summar tøknir, fyrr enn tær finnast. Men tá tær fyrst eru har, kanst tú ikki ímynda tær eitt lív uttan! Soleiðis er avgjørt eisini við tráðleysum neti, sum hevur gjørt tað gjørligt at vera íbundin alla staðni og allatíð. Tøknin hevur kollvelt okkara hátt at samskifta við umheimin, og hevur samstundis skapt grundarlag fyri eini røð av tráðleysum gadgets, teirra millum teldlum. Tú fært valla eitt tól í dag, sum ikki hevur onkran møguleika fyri tráðleysari íbindan. Tráðleysa tøknin er langt síðani komin til ljóðheimin. Tað finst í dag hópin av ljóðútgerð, sum kunnu taka tónleikin beinleiðis frá tráðleysa netinum, og sum kunnu stýrast við einum teldli ella eini fartelefon. Men hvør er munurin, og hvat skalt tú hugsa um, áðrenn tráðleysa ljóðútgerðin verður keypt. Hvat er tráðleyst ljóð? Tráðleyst ljóð er í stuttum ljóðsignal, sum verða flutt (streamað) ímillum eindir. Tónleikurin verður streymaður frá alnetinum (eitt nú umvegis WiMP, Spotify og Qobuz), frá einum lokalum harðdiski, har tónleikur er goymdur, ella frá einum teldli ella snildfon. Hartil kunnu flestu tráðleysu avspælararnir eisini fjarstýrast frá fartelefonini ella teldlinum – treytað av at rætta app’in er funnin á netinum. Felagsnevnarin er, at ljóðið so ella so verður flutt uttan leidningar. Tað kann era streaming av tónliki frá neti ti lanlegg, beinleiðis til aktivar hátalarar ella ein blanding av hesum báðum. Hvør loysnin er tann besta veldst um, hvussu umfatandi ljóðendurgeving tú vilt hava, og um hetta skal fara fram í einum ella fleiri rúmum. Tú kanst keypa ein leysan, komplettan hátalara, eitt størri multisystem ella ein tónleikaavspælarar, sum tú kanst íbinda til stereoanleggið, sum tú longur hevur. Tekstur: Audun Hage Tað liggur í luftini 1. Internetradio 2. Bluetooth-hátalarar Vilt tú hava lekkurt ljóð uttan at síggja leidningar? Les okkara vegleiðing til tráðleysa ljóðútgerð Vegleiðing til tráðleyst ljóð: dømi: Tivoli Audio Networks dømi: Sony SRS-BTX300 Hóast tað kann tykjast kollveltandi, so er tráðleysa tøknin kjølfest í meira enn hundrað ára gomlu radiotøknini. Munurin er, at tráðleysa netið virkar á nógv hægri frekvensum, og at signalið er digitalt, og tí kann flyta nógv størri datamongdir. Wi-Fi Wi-Fi er eitt felagsheiti fyri tráðleys net, ið brúka frekvensbandið 2,4 GHz. Dáturnar verða streamaðar sum 0- og 1-tøl, og fyri at skipanirnar skulu kunnu tosa saman, mugu tær tosa sama mál. Málið eitur Universal Plug and Play (UPnP), og er hetta ein altjóða standardprotokol, sum ger tað gjørligt hjá ymsum einum at samskifta. Wi-Fi Direct Tráðleys útgerð krevur aloftast ein serskildan tráðleysan routari, sum tær tosa umvegis, men nú finst eisni Wi-Fi Direct, har kompatiblar eindir kunnu upprætta egið lokalt net og harvið samskifta uttan millumlið. DLNA DLNA (Digital Living Network Alliance) er eitt altjóða samstarv millum framleiðararnar innan audio/videomarknaðin. DLNA ásetur vegleiðandi reglurnar, sum skulu gera tað lætt hjá ymsu eindunum at samskifta umvegis UPnP. Bluetooth Bluetooth er ein tráðleys tøkni, sum skapar eitt persónligt dátanet millum eina ella fleiri eindir innan avmarkaða frástøðu. Bluetooth hevur verið á marknaðinum leingi, og flestu snildfonir kunnu nýta tøknina. AirPlay Er tráðleysi standardurin hjá Apple, har fleiri ljóðeindir hava møguleika at streama tónleik frá Apple-eindum so sum iPod, iPhone og iPad umvegis netið. Tól, sum nýta AirPlay, kunnu eisini taka tónleik beinleiðis frá eini teldu, sum hevur iTunes. NFC NFC (Near Field Communication) er ein standardur fyri snildfonir og líknandi eindir, har hesar skjótt kunnu aktivera radiosamband umvegis Bluetooth ella Wi-Fi. Sambandið verður skapt við at halda eindirnar nær at hvørjari aðrari. NFC gerst alt meira vanligt á tráðleysum hátalarum, har tú fært samband millum telefonina og hátalaran við at halda telefonini heilt nær hátalaranum í nøkur sekund. Fakta: Eitt sindur um tøknina Dømir um tráðleys ljóðanlegg: Eitt internetradio er kanska mest vanligi tráðleysi avspælarin. Umframt at taka »veruligt« útvarp umvegis DAB/FM kann eitt internetradio eisini koma á netið og harvið ber til at lurta eftir túsundtals útvarpsstøðum, sum senda á alnetinum. Hartil fáast eisini internetradio, sum kunnu streama tónleik beinleiðis frá ymsum tónleikatænastum ella frá lokalum netverki. Fyrimunir Eitt internetradio gevur bíliga, skjóta og lætta atgongd til live tónleik og undirhald. Nakrar útgávur kunnu eisini taka ímóti DAB/ FM og hava docking til iPhone. Vansar Eitt lítið internetradio gevur sjáldan serliga kraftigt ljóð, og er tí best egnað til bakgrundstónlk. Funkurnar eru oftast avmarkaðar og ikki serliga vælegnaðar til streaming frá berbarum eindum. Í dag finnast eisini apps, sum kunnu nøkta tørvin fyri einum internetradio. Bólkurin við Bluetooth-hátalarum er ein tann skjótast vaksandi innan far- og tráðleyst ljóð. Ístaðin fyri at íbinda seg til Wi-Fi kopla hesir hátalarar seg beinleiðis á tína snildfon ella tín teldil. Hen tog snilt um tær ikki tørvar at flyta teg ov nógv. Fyrimunir Bluetooth-hátalarar eru ofta smáir, lættir at flyta og við battaríum ,sum kunnu løðast, so tú kanst hava teir við á strondina ella á skíðbreytina. USB-inngangir gera, at teir eisini kunnu nýtast sum pc-hátalarar ella til at løða telefonina við. Vansar Avmarkað net. Lítla støddin gevur aloftast avmarkað trýst í ljóðið, men tað finnast eisini undantøk, sum ljóða heilt væl.