mikudagur 15. mai 2013síða 25

25 Mikudagur 15. mai 2013 · Nr. 55 Sosialurin Hugskot og viðmerkingar – send sms til 225000 tøkni LG Panasonic Philips Sony LG roynir framhaldandi at vera ein harður kappingarneyti til »hin« koreanska framleiðaran, og framvegis eru teir á odda við nýggjum útgávum og lágum prísum. Næstan øll LG-sjónvørp koma í ár við dual- core gerili, og tí eru eisini bíligu útgávurnar væl útgjørdar til krevjandi snild-funkur. Men enn vita vit ikki, hvussu dual-core hjá LG stendur seg móti quad-core hjá Samsung. Innan sniðgeving heldur LG fokus á tí, sum verður rópt Cinema Screen Design – altso meira mynd og minni ramma á skíggjanum. Betrað fjarstýring Seinasta ár hevði LG helst bestu snild-fjar­ stýringina á marknaðinum, tá teir komu við Magic Remote. Í ár koma dýrastu úgávurnar við eini betraðari útgávu, sum eisini inniheldur talustýring. Ein innbygd mikrofon gevur møgu­leika til at tala ymisk boð til sjónvarpið, og tað verður spennandi at síggja, hvussu hendan tøknin riggar hjá LG. Cinema 3D LG var fyrsti framleiðarin,s um valdi at satsa upp á sjónvørp við passivari polariserandi 3D-tøkni, sum er bíligari og eisini betri fyri eyguni enn aktiva tøknin. Cinema 3D er nú standard á næstum øllum útgávum. Vansin er, at vertikala upploysnin minkar við eini helvt (1920X540). Tó undantikið Ultra HD- útgávurnar, sum klára 1920X1080 upploysn til bæði eygu. Fleiri 4K-útgávur LG var fyrst á marknaðinum við einum framleiðsluklárum 4K/Ultra HD-skíggja, nevnliga velduga 84LM960W. Myndagóðskan er framúr, men tíverri er sjónvarpið og stórt og ov dýrt til at standa í flestu stovum. Millum mest spennandi nýggjheitirnar frá LG í ár eru tí tvær minni 4K-útgávur. Hesar geva framúr 4K-upploysnina (3840 x 2160) í meira vanligum 55- og 65-tumma støddum, og prísurin byrjar helst um tær 40.000 krónurnar, tó at hetta seinasta bara er okkara skot. Valmyndirnar hjá Panasonic eru nógv betraðar í ár. Tá sjónvarpið verður tendrað, kemur tú til My Home Screen, sum tú sjálv/ur kanst tillage við tí innihaldi, sum tær dámar best. Panasonic-skíggjarnir hava myndatól, sum kennir andlit aftur, og tí skiftir profilin, alt eftir, hvør situr framman fyri skíggjan. Tú kanst gera tína persónligu valmynd við tínum innihaldi, umframt at til ber at seta bókamerki av ymsum slag inn. Nakað annað, sum er betrað, er fjarstýrings- app’in til iPad og iPhone. Nýggja appin kann stýra øllum funkum og við henni kanst tú gera broytingar av ymsum slag, uttan at hetta sæst sum nøkur valmynd á sjónvarpsskíggjanum. Eisini ber til at tekna á nýggju plasma- skíggjunum, tí hesir verða nú seldir við einum serligum elektroninskum penni. Dupultur tv-tunari Ein onnur stór nýggjheit er, at topmodellið hjá Panasonic nú kemur við dupultum tv-tunara til bæði fylgisvein og DVB-T og við tveimum innbygdum CI+ kortlesarum. Tað gevur fleiri áhugaverdar møguleikar, sum eru nevndir omanfyri. Hartil kanst tú við panasonic taka upp sendingar og goyma tær á einum krypteraðum harðdiski, sum umvegis DLNA kann býtast við onnur Panasonic-sjónvørp. Sjónvarpsdeildin hjá Philips hevur upplivað fleiri broytingar seinnu árini, og hon er nú seld til nýstovnaða TP Vison. Tøknin og merkið liva tó enn, og útgávurnar í ár tykjast tær mest spennandi í langa tíð. Miracast Ein av snildastu funkunum tykist vera tráðleysa Miracast-tøknin, sum ger tað møguligt at streama innihald beinleiðis til Android-stýrdar snildfonir og teldlar, eins og til aðrar skíggjar í húsinum (Apple stuðlar ikki undir Miracast, tí hetta er kappingarneyti til AirPlay). Hetta sigst rigga til alt innihald – eisini kopivart videoinnihald. Tøknin letur sjónvarp 1 virka sum servara, meðan sjónvarp 2 er klientur. Keyboard Remote/Pointing Remote Í fjør kom Philips vði Keyboard Remote, sum er fjarstýring við knappaborði á bakinum – hent, tá loyniorð, leitiorð og annað skal tøppast inn. Hartil hava útgávurnar í eina betraða peikifunku, sum ger tað lættari at blaða í valmyndunum. Meira 4K Fyrsta 4K-sjónvarpið hjá Sony 84X9005 fær nú tveir nýggjar makar, sum eita 55X9005 og 65X905, og hetta ger 4K-upplivingina atkomuliga í eini heldur klænri útgávu. Stóru »páhangshátalararnir« á síðuni á 84-tummanum eru skiftir út við innbygdar hátalarar. Eins og hjá LG nýta 4K-skíggjarnir hjá Sony polariserandi 3D-tøkni, og hava hartil 3D í full HD saman við passivum brillum. Skíggjarnir hava eisini framkomna 4K X-Reality Pro myndasensorin, sum vit fyrr hava sæð kann gera undurverk, tá vanligt Blu-ray/full HD innihald verður uppstigað til 4K. Suðurkoreanska LG er ein av týdningarmiklu fram­ leiðarunum, og teir hava útmerkað seg við at vera skjótir at nýta nýggja tøkni. Eins og áður roynir LG at halda fokus á snild-funkum, Cinema 3D og sniðgeving Japanska Panasonic er fyrst og fremst kent fyri framúr plasmaskíggjar, men teir standa eisini fyri góðum LED-sjónvørpum. Í ár eru spennandi snild-útgávur í væntu frá Panasonic Philips er siðvandi framleiðarin, sum framvegis roynir at vera nýskapandi við framúr myndagóðsku Sony hevði í fjør nakað av tí besta á sjónvarpsmarknaðinum, og serliga dámdi okkum væl KDL-55HX955. Í ár koma nakrar nýggjar útgávur á marknaðin – millum annað tvey nýggj 4K-sjónvørp