fríggjadagur 17. mai 2013síða 43

nr. 56 · 17. mai 2013 7 VIKUSKIFTI Starv? Skrivari í Eysturskúlanum. Hvat er tað besta við starvinum? Sera skiftandi uppgávur, ótrúliga fittan stjóra og starvsfelagar og ikki minst nógvir fittir næmingar, sum støkka inn á gólvið á skrivstovuni. Hvat ger teg í góðum lag? Alt millum himmal og jørð ! Maður mín og synirnir, serliga tá Kollafjarðar »humorurin« kemur til sjóndar, gott veður, ein rennitúrur bæði í góðum og ringum veðrið, ein proppfullur salur av fólki, sum eru komin at spinna hjá mær, Bragdarkvinnurnar, sum so trúligt møta upp til venjing, bindiklubburin við vinkonunum og alt møguligt. Eri næstan altíð í góðum lag. A ella B-menniskja? Heilt sikkurt A-menniskja. Hvørjar ítróttargreinar dámar tær og hví? Fyrr helt eg at kappróður var heimsins besta ítrottargrein, so var tað aerobic. So fall eg fyri spinning ( innandura súkkling) sum eg undirvísi í enn, men einki slær renningina. Eg elski at renna, serliga langar túrar, men intervallini eru nú eisini komin á »mær dámar listan« Rennitúrarnir reinsa sál og sinn, og eru sera gevandi, serliga tá Bragdarkvinnurnar renna saman. Bragdið hevur í vetur skipað fyri kirkjurenning, har vit hava runnið sunnudagar millum kirkjur í Eystur­ oynni og teir túrarnir hava verið fantastiskir. Hvørjum tónleiki lurtar tú eftir? Mær dámar best tónleik frá 80´unum, men okkurt av tí nýggjasta poppinum er eisini gott. Toto og Freddie Mercury kom eg at kenna, tá maðurin og eg komu saman, so tað fyllir nokk so nógv í fløgusavninum. Hvussu eru tínir matvanar? Um maðurin slapp at svara, hevði hann sagt »alternativir matvanar« ...Men eg eti hampuliga sunt og hugsi um, hvat eg koyri í munnin og eti meg ongantíð proppmettan. Tó dámar mær eisini ein lekran drekkamunn. Hvat gert tú í frítíðini? Bindi og gangi túrar og eri saman við familjuni. Elski at verða við hús, tá einki annað er á skránni. Hvat fert tú at gera í summar? Í summar fara vit til Partille Cup og taka so eina viku eyka í Svøríki. Tað eru vit sera spent til. Og ikki at gloyma, so skulu húsini málast! Hvør er tín lívrættur? Mær dámar væl hvítt kjøt, lekrar mattertur, annars ikki nakað ávíst. Hvørjum hyggur tú at í sjónvarpinum? Hyggi ótrúliga lítið í sjónvarp. Eg eri umringað av mannfólki heima, so »zapparin« liggur sum oftast í hondini á onkrum av teimum. Men um eg onkuntíð sleppi framat, so eru tað dokumentarsendingar, mær dámar best, ella tær sendingarnar, har tey læra fólk at klæða seg. Hvør bók liggur á náttborðinum? Har er slett eingin bók. Havi lænt eina bók frá mammu míni fyri fleiri mánaðum síðani og satt at siga, liggur hon enn ólisin, men hon fær hana ikki aftur, tí eg SKAL lesa hana. Letur tú pengar ella aðrar gávur ella tíggjund til góðgerðar­ endamáls? Er ein av óteljandi spurn­ing­ um, sum fjølmiðlar og tey, sum hava gjørt sær ein lukrativan vinnuveg burtur úr at kanna fyri onnur forvitin, hvat vit halda um alt millum himmal og jørð og millum heims og heljar, í himni, á jørð og í hel, spyrja okkum. Meiningarkanningar eru als ikki meiningarleysar, nú alt verður vigað í prosentum og prosentstigum. Uttan prosentini vita vit einki um, hvør støðan er. Og tað er sjálvandi hent at vita, hvør støðan er fyri at tekna eina støðu­ mynd. Sjálvur svari eg sjálvandi ja, verði eg spurdur, um eg lati til góðgerðir. Eg lati hvønn einasta mánað fátækratíggjund til arbeiðsleys, kvinnur, sum eru upp á vegin og tí ikki kunnu arbeiða í eitt ár, til neyðstaddar fólkapensjónistar, sum rópa eftir samhaldsfesti. Við akattinum annars fer næstan helvtin av lønini til góð­gerðar­ endamáls, 45 prosent. Eg geri tað sjálvandi ikki sjálv­boðin. Men eg geri tað kortini við stórari gleði, tí tvangs­ sosialisma í okkara kapitalist­iska egoist­iska samfelagi er fínasta slag, sama hvat liberalistarnir siga um tað. Tí teir stýra. Men annars lati eg ikki eina krónu við holi í til øll hini, sum ganga á dyrnar og bidda. Skava og tap, so fótbóltsliðið hevur ráð at tapa. Føstulávintmánadag, -týsdag og -mikudag eru eisini biddaragongur. Hóast nógv, sum bidda, bidda pengar til arbeiði, sum kanska, kanska, kemur mær til góðar einaferð, tað fer at bróta í bæði borð. Og hevði farið fýra borð, so í øll fýra borð. Men, no way. Eg vísi til skattin. Føroyingar eru kendir, eisini uttan­lands (Danmark), fyri at vera leysir á hondini. Lata meira upp á fólkið enn onnur fólkasløg, tá neyðin í øðrum londum enn okkara, og nú eisini okkara egna neyð, krevur pengar. Tá krossar í ymiskum litum og 500 onnur koma á dyrnar ella í postkassan ella órógva teg, meðan tú arbeiðir. Ítróttarfeløg eru hervilig at bidda pengar. Í øðrum londum fáa fót­bóltsvenjarar sparkið, duga teir ikki nóg væl at fáa sínar menn at sparka, so teir tapa tveir ella tríggjar dystir. Í Føroyum fáa teir tvey ár afturat í starvinum, tá teir hava tapt hvønn dyst í tvey ár. Tað kostar. Føroyingar knarra og grenja um, at alt kostar, og alt kostar alt ov nógv. Eini ráð eru tí at brúka pengarnar til sín sjálvs í staðin fyri at lata teir í hesa ella hasa búss­una ella á kontuna hjá øðrum. Sum sagt so ofta og skrivað næstan líka ofta eisini: pengar eru ikki alt. Ein góð gerð kann ikki metast í pengum. Tað er tankin, sum vigar mest. Hann telur 99 prosent. Men neyðin er sanniliga stór. Ikki bara í øðrum menningar­ londum enn okkara landi. Her hjá okkum livir (tey eru ikki deyð enn) ein triðingur, okkurt um 30 prosent, tvey prosent­stig fleiri enn fyri fimm árum síðani, av fólkinum skeivu megin hungurs­markið. Hóast eingin veit, hvar tað markið er. Ein triðingur er kortini nakað minni enn í Norður-Korea. Fólka­pensjónistar, einsamallar mammur og fólk í útbúgving hava alt ov fá prosent at liva av. Hvar í Guds væl røkta urta­ garði er Jesus nú við sínum tveimum makrelum og fimm drýlum at metta hesi 5.000? Teir høvdu gjørt mun. Annars eru ráðini tey ikki at gleiva uttan fyrst at fáa undir­ skrivaða váttan frá mótpartinum um, at hann ikki stingur av eina ferð fyri allar, so skjótt sum gingið er av. Lati eg pengar til góðgerðar­ endamáls? Ja, nógvar pengar. Eg lati til ALS, Barsilsskipanina, Samhaldsfasta og so framvegis. Nógv prosent. Umafturafturum høgni djurhuus Móðurmálsviðursløn 2012 Ann Thomsen lagt til rættis: Rannvá G. Fossaberg Lagið er altíð gott – Eg eri næstan altíð í góðum lag, sigur havnar­ kvinnan Ann Thomsen, sum millum annað verður glað av manninum, synunum, góðum veðri og einum rennitúri. Og so hevur hon matvanar, sum maðurin kallar alternativar matvanar Prosentneyð Eg kundi hugsað mær at vunnið nakrar milliónir í lotto! ...eg má heldur fara at spæla lotto