týsdagur 21. mai 2013síða 21

21 Mikudagur 22. mai 2013 · Nr. 57 Sosialurin Hugskot og viðmerkingar – send sms til 225000 tøkni amboð eru eisini í øðrum forritum, men tey kunnu síggja heldur øðrvísi út og eru ikki at finna júst sama stað. Við kloningsamboðnum kanst tú tekna yvir nøkur støð á myndini við innihaldi frá øðrum stað á myndini. Tað, sum málað verður við, er júst sama innihald, litur og strukturur. Júst sum um tú klipti part av eini pappírsmynd og límaði tað aðrastaðni á myndini. Tú setir peikaran har, sum tú vilt taka innihald frá, og í Photoshop Elements vinstraklikkir tú, meðan alt-knøtturin er niðri. Støddin á klonøkinum kann stillast við at velja tal av pixlum. Flyt síðani peikaran har, sum tú skalt mála, trýst á vinstra músaknøttin niður og mála. Tað er lættari at royna enn at greiða frá. Um tú síðani togar málaraamboðið runt, sært tú ein markara, sum vísir, hvaðani myndainnihaldið kemur. Um frumritið liggur nær tí staðnum, sum málað verður á, kann markarin koma á økið, sum tú longu hevur málið. Tá sæst, at myndainnihaldið er frá frumritinum og ikki tí, sum málað verður á. Í døminum kemur vegskeltið fram á nýggjum plássi, og tað var ikki ætlanin. Tú skalt tí ansa eftir, at málað verður á rætt stað. Angra, alt-trýst á nýggja tilvísing – ella tí somu sum áður – og mála so av nýggjum. At klona myndir á hendan hátt kann geva eitt sera náttúrligt úrslit, har ójøvn mynstur kunnu setast inn allastaðni. Men vandin er, at tú endurtekur mynstur, sum eygað fangar. Tá má upprunamynstrið takast úr ymsum økjum, so myndin verður náttúrliga ójøvn. Óstill børn Ymisk motiv geva ymsar avbjóðingar. At taka myndir av fleiri persónum á somu mynd merkir aloftast, at nøkur hyggja skeivan veg, blunda, njósa ella spæla við snildfonina heldur enn at smíla til myndatólið. Um persónarnir eru børn, gerast trupul­ leikarnir aloftast størri. Tað er lætt at taka nógvar talgildar myndir skjótt, men børnini eru ofta enn skjótari. Á einari mynd reisir Emmy seg og skjótt og gerst slørað, og á aðrari er Lilly alt ov upptikin av at hyggja niður í krússið við góðgætinum. Loysnin er at seta fleiri myndir saman til eina. Um Lilly við góðgætinum verður skift út við eina betri útgávu frá fyrru myndini, gerst øll myndin vakrari. Ein háttur er at seta nýtt andlit inn við at klona frá aðrari mynd. Kloning kann soleiðis ikki bert gerast í einari mynd, men eisini millum myndir. Men klonin kann gerast trupul, um frumrit og nýggja málið ikki hava sama skap. Tá er vandin, at nógv ella ov lítið verður klonað, soleiðis at tú mást arbeiða nógv fyri at fáa eitt gott úrslit. Og í myndunum við øllum børnunum fær høvdið ikki sama skap, tí gentan hyggur niður á aðrari og upp á hinari myndini. Ein betri loysn kundi verið klipt nýtiliga høvdið úr aðrari myndini og límað tað sum eitt nýtt lag inn á hina myndina. Klippið verður gjørt fýrkantað uttan um høvdið og við eini góðari margu, so alt kemur við. Sjálvandi kemur tá ymiskt annað við, sum hevur hvassar og sjónligar kantar, so tað sæst, at klipt og límað er í myndini. Síðani skal klipta høvdið setast á rætta stað. Tað skal jú ikki leggjast neyvt yvir gamla høvdið, tí hetta er jú skeivt plaserað á myndini. Ístaðin ræður um at finna rætta tilvísingarpunktið, har tað er lætt at spleisa báðar myndirnar. Hetta punktið kundi verið hvítu akslarnar hjá barninum. Fyri at seta klippið rætt kanst tú gera inn­settu myndina transparenta og síðani flyta hana, til hon liggur á rætta stað. Tað finnast fleiri hættir at gera eitt lag gjøgnum­skygt. Til høgru í Photoshop Elements finnast ymsir kunningarkassar. Í kassanum »Lag« sæst, at myndin nú hevur tvey løg. Upprunamyndin er niðast og síðani er innklipta myndin. Bæði løgini hava eitt eyga vinstrumegin lítlu myndina. Við at trýsta á eygð kanst tú vísa ella krógva valda lagið, og við at trýsta á lítlu myndina kunnu løgini gerast aktiv. Aktiva lagið fær dimma bakgrund í kunningarkassanum. Tá ovasta lagið er aktivt, kann tað gerast gjøgnumskygt upp við fleiri hættum. Ein háttur er at broyta gjøgnumskygnið í mynd­ ini, Opacitet, í valmyndini oman fyri lítlu myndirnar. Ein annar háttur er at velja lagið Multiplicer í vinstru valmyndini oman fyri smáu myndirnar. Í døminum hava vit nýtt Multiplicer, og tá síggjast báðar myndirnar. Við peikiamboðnum ovast til vinstru í amboðs­kassanum kanst tú flyta innihaldið. Halt vinstra músaknøtti og toga lagið, til tað liggur á rætta stað. Tú kanst eisini fínstillað við at nýta pílarnar á knappaborðinum. Tá klippið liggur rætt, kanst tú aftur broyta løgini til vanliga støðu, og so liggur klipta myndin oman á frummyndini. Tíverri síggjast hvøssu kantarnir kring tað klipta. Pussa kantar Svørtu rendurnar kring tað klipa kunnu takast burtur við breiða viskileðrinum, sum tú velur í amboðskassanum vinstru­megin. Við at viska rendur­nar gerast tær ósjónligar, tí økið kring barnið er at kalla eins í báðum myndunum. Fyri at fínpussa raderingina er tað lættast at sløkkja niðastu myndina við eygunum vinstrumegin, so bert toppurin er sjónligur. So gerst tað lætt at gera belytar rendur á røttu støðunum. Men tú skalt vera varin, so tú ikki viskar ov nógv, og ótilætlaðir lutir frá frummyndini aftur gerast sjónligir. Hendir tað, kanst tú angra við at nýta ctrl+z. Tá myndin sær út, sum hon skal, kanst tú leggja løgini saman til eitt (Lag/Gør til et lag) og goyma tað. Tú kanst eisini goyma myndina í tveimum løgum. So er møguleiki at arbeiða víðari við henni. Men tá má goymast í psd-formati og ikki jpg. Hetta tekur meira pláss, og tað er ikki øll, sum kunnu opna tær myndirnar. Og við hesum eru øll børnini góðkend, so sum tey standa á myndini. Teir báðir grundleggjandi hættirnir til at broyta partar av myndini eru altso at klona og at kopiera. Tað finnast fleiri hættir, og eisini kann bæði klonast og kopierast upp á nógvar aðrar mátar. Og hartil kanst tú eisini arbeiða meira effektivt við løgunum, men tað koma vit aftur til eina aðruferð. Trupulleikin – ella fyrimunurin – við for­ ritum til myndaviðgerð er, at hetta kann gerast upp á fleiri ymsar hættir. Tað kann vera ørkymlandi, men tað ger tað eisini møguligt at arbeiða við sera framkomnari myndaviðgerð. Aftan á viðgerðina kunnu Elvira Madigan og Sixten Sparre soleiðis ríðar víðari móti einum vakrari heimi Á aðrari myndini reistir Emmy seg og skjótt, og á hinari hyggur Lilly dekan ov nógv eftir góðgætinum. Her er neyðugt við myndaviðgerð Klipta myndin verður løgd sum nýtt lag inn í hina myndina. Lagið kann gerast gjøgnumskygt, so tað er lættari at seta myndina inn á røttum stað Tá myndin er komin á rætt pláss, kann gjøgnuskygnið takast burtur. Nú síggjast rendurnar kring tað klipta væl Fyri at skapa eitt javnari yvirlap kunnu rendurnar raderast við bleytum pensli Rendurnar á innkliptu myndini kunnu kannast og fínpussast við at gera niðara lagið ósjónligt, so bert tað klipta sæst. So er lætt at gera rendurnar bleytari og náttúrligari Og so eru øll børnini brádliga hvøss og nærverandi. Um óreina lagið er á tær, kanst tú gera myndina størri og staðfesta, at myndin er bæði klipt og límað. Men í allari hampuligheit er myndin væl og virðiliga betrað í mun til upprunamyndina