mikudagur 29. mai 2013síða 23

23 Mikudagur 29. mai 2013 · Nr. 60 Sosialurin Hugskot og viðmerkingar – send sms til 225000 tøkni Dýrasta vøran í hesi greinarøðini er kanska tann, sum kann spara tær pening hóast alt. Tí við Solar Keyboard Folio hjá Logitech skalt tú ikki keypa nýggj battaríir, og løðarin verður fyri tað mesta als ikki brúktur. Hetta knappaborðið verður nevnliga løtt við sólpanelum, og ein dagur í sólini skuldi verið nóg mikið til at nýta knappaborðið í fleiri dagar. Sjálvt knappaborðið er ikki serliga stórt, men knøttarnir sita sera væl, trýstið er júst tað rætta, og yvirhøvur tykist tað væl gjørt og haldgott. Sjálvt cover’ið samvirkar við sjálvvirkandi tendra/sløkk funkuna hjá iPad, soleiðis at skíggin slóknar, tá alt verður lagt saman. Og hóast tú skalt bera bæði iPad, sólpanelir og knappaborð, so tykist Solar Keyboard Folio hvørki tungt ella klossut. Sniðið er eisini lekkurt og einfalt í eftirgjørdum leðri og gráari innsíðu. Eitt cover, sum er fylt við funkum, og at síggja til tykist hetta sum eitt sera gott keyp. Tín iPad fær her sín egna »bakka«, sum er festur í eitt hongsul, sum kann snara 360 stig um egnan aksa. Tað er eitt stórt hol í hongslinum, soleiðis at súreplið hjá Apple sæst, og tað er eitt snið, sum Targus roynir at fáa patent uppá. Í opnari støðu er talan um ein stand, og tríggjar foyrur á innsíðuni gevur tær tríggjar vinkulstøður til skíggjan. Hongslið ger, at iPad’urin kann snara um seg sjálvan, og tú velur sjálv/ur, um skíggin skal standa lodrætt ella vatnrætt. Kortini eru vit alt annað enn fegin um hetta Targus-cover. Fyri tað fyrsta er bakkin framleiddur úr hørðum plasti, sum kann skøva bakið á tínum iPad. Og fyri tað næsta duga vit illa at síggja, hvør nytta er í, at iPad’urin kann snara 360 stig um sín egna aksa, tí tað er jú nakað, sum skíggjamyndin á einum iPad dugir sjálv... Skalt tú bara hava eitt knappaborð til tín iPad, so er Tablet Keyboard for iPad kanska rætta vlið. Afturat knappa­borð­ inum fært tú ein verjandi kassa, sum eisini stuðlar skíggjanum, tá knappaborðið verður nýtt. Tá verður kassin settur í ein hvassan vinkul, so iPad’urin hevur nakað at stuðla sær ímóti, og ein lítil blá plastik- sleða heldur fast í skíggjanum. Sleðan kann stillast, so tú fært sett skíggjanum í júst tann vinkulin, sum tær dámar best. Einasta atfinningin frá okkum er, at alt – serliga kassin – tykist ov plastik-kent. Sterkt og góð góðska, men altso ikki serliga pent og ekslusivt. Við hesum cover hevur Logitech veruliga gjørt eitt bragd. Tað líkist akkurát bak­ inum av einum iPad (er eisini gjørt úr aluminium), og tað verður hongt á iPad’in við magnetum, just sum Smart Cover hjá Apple. Tað merkir sjálvandi eisini, at tá hetta bert dekkar skíggjan, tá tað er afturlatið, men afturfyri líkist tí iPad nú eini lítlari lummabók, sum er gjørd úr alu­ minium. Framúr væl gjøgnumhugsað og lekkur sniðgeving. Sjálvt knappaborðið er – hóast lítlu støddina – sera brúkaravinarligt við rund­ aðum knøttum, góðari frástøðu millum knøttarnar og einum hóskandi tryst-støðu. Hartil er ein røð av serligum funku- knøttum til iPad. Eitt nú til at skifta mál, fara til heimaskíggjan, læsa skíggjan o.s.fr. Skalt tú hava bæði cover og knappaborð til tí iPad, ber neyvan til at keypa nakað betri enn Logitech Ultrathin Keyboard Cover! Logitech Solar Keyboard Folio Targus Versavu Logitech Tablet Keyboard for iPad Logitech Ultrathin Keyboard Cover Kann nýtast til: iPad2, New iPad, fjórða ættarliðs iPad við Retina-skíggja Kann nýtast til: iPad2, New iPad, fjórða ættarliðs iPad við Retina-skíggja Kann nýtast til: iPad, iPad2, New iPad, fjórða ættarliðs iPad við Retina-skíggja Kann nýtast til: iPad2, New iPad, fjórða ættarliðs iPad við Retina-skíggja 899 krónur www.elgiganten.dk Meting ★★★★★★ 449 krónur www.elgiganten.dk Meting ★★★★★★ 599 krónur www.elgiganten.dk Meting ★★★★★★ 599 krónur www.elgiganten.dk Meting ★★★★★★