hósdagur 30. mai 2013síða 6

Fríggjadagur 31. mai 2013 · Nr. 61 6 Sosialurin Hugskot og viðmerkingar – send sms til 225000 Leo Poulsen 24. oktober í fjør var ein ráð­ stevna hildin í Norð­ur­landa­ húsinum um frá­boðanar­ skyldu. Lands­stýris­maðurin í mentamálum, Bjørn Kalsø, setti stevnuna og tað fekk ótespiligar avleiðingar fyri hann. Á facebook síðuni, »Steðgið pedofili í Føroyum« var stutt eftir at síggja eitt innlegg frá einari 21 ára gamlari gentu, ið ákærdi Bjørn Kalsø sjálvan at vera pedofilan. »Hann, sum setur ráðstevn­ una í Norðurlandahúsinum, hevur sjálvur gjørt seg kyns­ liga inn á eina unga gentu«, skrivaði tann 21 ára gamla. Fleiri høvdu sum vera man viðmerkingar til hendan pástandin, millum annað ein, ið skrivaði: »Hetta er nakað, mann einki hevur hoyrt um«. Til tað svaraði ákærda kvinn­an: »Tað er nakað, ein vinkona segði mær, tá vit vóru smáar, og hann er ein av teimum høgu, so hann skal ikki sleppa so snikkaleysur«. Í rættinum í gjár segði ákærda kvinnan seg vera illa fyri um hetta mundið, og at hon var rættiliga »irriterað«. Spurd, um hon hevði sett seg í samband við gentuna, sum hon skuldi hava hoyrt hetta frá, svaraði hon, at tað hevði hon ikki. Hon segði tó, at tað eftir ein dag ella so var gingið upp fyri henni, at tað kanska ikki var so smart at skriva slíkt, tá hon ikki var hundrað prosent vís í, at tað, hon skrivaði, var rætt. – Bæði foreldrini og sjeik­ urin høvdu ávarað meg um hetta, eg hevði skrivað, segði unga kvinnan í rættinum. Báðar útsettar Í rættinum segði hon, at hon hendan dagin hevði tosað við eina vinkonu, og greitt henni frá tí, hon mintist, og vinkonan hevði biðið hana skriva tað á facebook. Hon greiddi víðari frá, at hon sum 5,6 ella 7 ára gom­ ul hevði verið í einum føð­ ingardegi, har hendan gentan eisini hevði verið við. Tær vóru farnar útum at spæla, og tá kom ein bilur ella ein maður framvið, og tá skuldi hendan gentan havt sagt henni, at maðurin, sum hon altso mintist var Bjørn Kalsø, hevði gjørt seg kynsliga inn á seg. Ákærda kvinnan segði, at hon læt seg ríva við í tí stemningi, ið tá var um barna­porno og pedofili. Hon greiddi frá, at hon sjálv sum ung hevði verið útsett fyri kyns­ligum ágangi í fimm ár, men at tann sakin var fallin til jørðina, tí maðurin, ið skuldi havt framt ógerðirnar, var deyður. Sum vitni var eisini førd 21 ára gamla kvinnan, ið sum genta skuldi havt sagt ákærdu kvinnuni, at Bjørn Kalsø hevði framt kynsligan ágang móti henni. Men í rættinum avsannaði vitnið, at hon nakrantíð skal hava ført fram slíkar ákær­ ur. Hon mintist snøgt sagt einki til tað, ið ákærda kvinn­ an førdi fram. ­– Eg eri útsett fyri kyns­ ligum ágangi, men tað var eftir, at eg var so lítil. Og tað var ein annar maður, ið hevur framt kynsliga ágangin. Eg visti ikki so frægt sum hvør Bjørn Kalsø var tá, greiddi vitn­ið frá í rættinum. Sjálv helt hon, at tað var um hennara egnu sak, at hon varð kallað inn til politiið at geva frágreiðing, og tí gjørd­ ist hon ikki sørt skøkk, tá hon varð spurd um hetta málið. ­– Hevur hon nú blandað Bjørk Kalsø inn í mítt mál, var hennara spontana svar. Hon greiddi undirritaða frá, at hon var útsett í umleið eitt hálvt ár, men ikki av saman manni, ið hevði gjørt seg inn á ákærdu kvinnuna. Bjørn skelkaður Dómurin fall stutt fyri mid­ dag hósdagin, og ákærda kvin­nan fekk 30 dagar fong­ sulsrvsing, tó við teirri treyt, at um hon einki revsivert ger í tvey ár, skal hon ikki sita dómin. Eisini skal hon verða undir eftirliti av kriminalforsorgini í eitt ár og undirleggjast sálar­ frøðiliga viðgerð. Endaliga skal hon gjalda fyri at fáa ákærurnar mortifiseraðar og gjalda sakarmálskostnaðin. Bjørn Kalsø sjálvur er væl nøgdur við, at málið nú er at enda komið, og at hann er púra reinsaður fyri ákær­ur­ nar. Hann ráðførdi seg við familju, løgfrøðingar og poli­ tiið og kom til ta niðurstøðu, at hetta kundi ikki fara aft­ ur við borðinum óátalað, og hann valdi tí at boða poli­ tinum frá. – Líka týdningarmikið tað er at boða frá, tá kynsligur ágang­ur verður framdur, eins týdn­ingarmikið er tað eis­ini at boða frá, tá ósek fólk verða løgd undir nakað, tey ikki hava gjørt, sigur Bjørn Kalsø. Hann sigur, at sjálvandi ávirk­ar tað, tá so grovar ákær­ur verða settar fram ímóti sær. – Eg eri ein almennur persónur, og sum slíkur má eg tola nógv, men í hesum føri­num vóru ákærurnar so grovar, at eg kundi ikki lata tær hanga oman yvir høvd­ in­um á mær, sigur Bjørn Kalsø. Hann váttar, at ein av døg­ unum verður ein avsannan av ákærunum hjá 22 ára gomlu kvinnuni í einum av føroysku bløðunum, men hann dugir ikki at siga, hvussu ein slík fer at ljóða. – Enn havi eg ikki sæð dóm­ in, so eg fái ikki so væl sagt, hvussu hendan avsannanin fer at ljóða, men eg kann vátta, at hon kemur ein av fyrstu døgunum, sigur Bjørn Kalsø, landsstýrismaður í mentamálum. Bjørn Kalsø reinsaður fyri pedofiliákærur Tað kom lansstýrismanninum í mentamálum, Bjørn Kalsø, dátt við, at hann á facebook síðuni, »Steðgið pedofili í Føroyum«, varð ákærdur fyri sjálvur at vera barnalokkari. Hetta var so ótespiligt at hava hangandi yvir sær, at hann valdi at boða løgregluni frá Bjørn Kalsø var skelkaður um ákærurnar, ið settar vórðu fram ímóti honum, og er í dag glaður yvir, púra at verða reinsaður