týsdagur 4. juni 2013síða 29

29 Mikudagur 5. juni 2013 · Nr. 63 Sosialurin Hugskot og viðmerkingar – send sms til 225000 tíðindi Kampingplássið á festivaløkinum í Sørvági er fullteknað – Vit hava umleið 60 kampingpláss á festivaløkinum í ár, og kanska er eitt pláss eftir. Tað segði Anne Sophie Nordendal á Vága Kunningarstovu, tá síðsta vika leið Vilmund Jacobsen Tað er Vága Kunningarstova, sum umsitir kampingplássið á festivaløkinum í Sørvági, nú Sørvágs Country-og Blues Festivalur verður í viku­skifti­ num. Anne Sophie Nordendal, leiðari á kunningarstovuni, sigur, at stórur áhugi hevur verið fyri at fáa kampingpláss, og hóast økið í ár er tvífalt so stórt í ár sum seinasta ár, eru at kalla eingi pláss eftir. Víðkanin av kamping­ plássi­num í ár er fingin í lag í samstarvi við Sørvágs kom­ munu og hagapartarnar, sum varða av økinum. Anne Sophie Nordendal sigur, at tjaldingarøkið er eisini innanfyri festivaløkið og liggur við kampingøkið, men áhugin fyri at tjalda er ikki nær til so stórur, sum áhugin er fyri at koma við kampingvogni. – Vit hava umleið 60 kam­ pingpláss á festivaløkinum, og kanska er eitt pláss eftir. So, her er rættiliga stórur áhugi fyri stóra tiltakinum, sum verður í Sørvági í vikuskiftinum, sigur hon. Fullsett í Sørvági Leiðarin á Vága Kunning­ar­ stovu sigur, at fólk eru vælkomin at venda sær til kunningarstovuna um aðrar gistingarmøguleikar í Vág­ um. – Tey flestu, sum koma í Vágar til festivalin, vilja helst gista í Sørvági, men her eru at kalla allir møguleikar troyttir. Vit vilja fegin hjálpa gestum at fáa tak yvir høvdið í Vágum og tey, sum einki vita sær, kunnu altíð seta seg í samband við okkum á tlf. 333455. Hon leggur aftrat, at tað eru altíð nøkur, sum spyrja seg fyri í síðstu løtu, og eisini hesi kunnu venda sær til kunningarstovuna. – Vit vilja gera okkara besta, tá fólk venda sær til okkara við fyrispurningum, sigur Anne Sophie Nord­en­ dal. vilmund@sosialurin.fo Vit vilja gera okkara besta, tá fólk venda sær til okkara um gisting Tað verða nógv fleiri kampingvognar í Sørvági í ár enn í fjør, og hóast kampingøkið nú er tvífalt so stórt, var bert eitt pláss eftir, tá síðsta vika leið Vinjard Magnussen um festivaløkið: Countrygøtan fær aftur sín leiklut í ár – Countrygøtan á Sørvágs Country og Blues Festivali fer aftur í ár at hava fleiri áhugaverd tilboð, sigur Vinjard Magnussen Vilmund Jacobsen - Umhvørvið festivalinum, sum verður nú í viku­skifti­ num, 7. og 8. juni, hevur stóran týdning fyri okkum. Tað skal verða sum í tí gamla country western stílinum. Tað slær Vinjard Mag­ nussen, ein av fyrireika­r­ unum, fast. Hann vísir á, at festi­ valøkið er í gomlu bygdini, og her er sera veðurgott. Countrygøtan fær aftur sín leiklut í ár, har møguleiki verður at keypa ymiskt. Alt tætt saman – Pallar, spælipláss, matsøla og annað liggur tætt saman, soleiðis at tað ikki er langt at fara til ymisku møguleikarnar. Vinjard Magnussen sig­ ur, at Sørvágs Bio hevur tvey hølir. – Eins og í fjør verður Wild West ein saloon, har fólk hava møguleika at keypa sær okkurt leskandi og hvíla beinini eina løtu. Hann sigur, at í bio­ høllini verður eisini í ár møguleiki at keypa sær ein búff ella burgara og sita í frið og náðum og hugna sær. – Countrygøtan verður sjálvandi aftur ein partur av festivalinum og hevur fleiri tilboð, eitt nú cow­ boyhattar, skjúrtur, troygg­ j­ur, suppu, ísar, vaflur, kaffi og te, sigur Vinjard Mag­ nussen. vilmund@sosialurin.fo – Umhvørvið á einum country-og bluesfestivali hevur stóran týdning, sigur Vinjard Magnussen