týsdagur 4. juni 2013síða 30

Mikudagur 5. juni 2013 · Nr. 63 30 Sosialurin Hugskot og viðmerkingar – send sms til 225000 nøvn Henny var ættað úr Miðvági og elsta dóttir Henrik og Mariu Danielsen. Vit vóru fimm systkin, og vuksu vit upp við Kirkjar í Miðvági. Sandurin var okkara spæli­ pláss, har búleikaðust vit sum børn. Henny var ein góð systir og tók hon sær av okkum yngru systkjum. Eg vil minnast systir mína fyri alt tað góða, hon var fyri okkum. Pápi okkara lossaði á Vesturleið og arbeiddi ann­ars fyri Miðvágs komm­ unu. Mamman var heima og tók sær av okkum børnum. Tað var nakað serligt at vaksa upp í fimmtiárunum. Vit vóru úti í Nýpu, niðri við Leitisvatn. Har høvdu vit manga góða løtuna, og vit tóku lut í øllum ar­beiði, børnini vóru ein part­ur av tí gerandislívi, sum var vanligt tá í tíðini. Minn­ ini eru góð og systir mín, Henny, var eisini uppií øll­um tí, sum fyrifórst. Eg minnist hesa farnu tíð og systir mína, nú hon er farin. Alt tekur enda, gamla tíðin er farin, eisini tíðin hjá systir míni er farin. Nú eru bert minn­ini eftir, men tey eru góð. Henny giftist til Funn­ ings í 1964 við Petur Sofusi Juul. Tey livdu eitt gott lív saman og fingu fimm børn. Petur Sofus doyði fyri sjey árum síðani. Henny hevði ikki góða heilsu seinastu árini, og doyði hon nú alt ov tíðliga, halda vit. Henny var ein still­før, gudrøkin og fitt kona, og verður hon nógv saknað av børnunum og familj­uni annars. Nú eru vit bert fýra systkin eftir, ein er farin úr felagsskapinum, familjan hevur mist, og eg havi mist. Eg  vil á henda hátt og við hesum orðum minnast elskaðu systur mína. Ærað veri minnið um hana! Finnbjørn Minningarorð um Henny Onnu Helenu Juul fødd Danielsen í Funningi fødd 9. august 1942, deyð 30. apríl 2013 Ein heilsan til Finnbjørn Hansen, Leirvík, á 70 ára degnum f. 7/06-1943 Um havið stórt tú sigldi manga ferð tú okkum heima føða skuldi her. Tá ið tú fór vit saknaðu teg øll. Vár kæri faðir fjart fór handan fjøll. Orð kunnu ei teg lýsa fult og heilt. So raskur er, tú fært av skafti alt. Við hond at hjálpa altíð skjótur er, Ja okkum øllum tú, til vildar ger. Og hóast høgan aldur trýtur ei. Tú treystur frískar upp títt trygdarskeið. Tí havið dregur enn ei undur í. So torført er hjá tær at halda frí. Ein hjartans tøkk tær geva vit nú her. So kærleiksfullur, hjálpsamur tú er. Men mest av øllum TAKK, tú heldur á, at vitna um tín Harra, Frelsara. Tú sjeyti er hvør skuldi hetta trúð. Vit saman gleðast og teg heiðra nú. Tann besta pápan, mannin, abban við. Hann eiga vit her, beint við móðir lið. Hjartaliga tillukku elskaði mað­ur, pápi og abbi við 70 ára deg­num. 07/06-2013 Brúdleyp Fríggjadagin 12. juli kl. 13 giftast í Rituvíkar kirkju, Liljan Jónsveindóttir Persson, Rituvík, og Borgar Danielsen, Strendur. Veitslan verður hildin í Eggvirkinum í Rituvík frá kl. 19. Tey, ið ynskja at halda dagin saman við okkum, verða biðin at siga frá innan 20 juni, á tlf 259834 (Liljan) ella tlf 216127 (Borgar) ella email lii85@hotmail.com Brúdleyp 25. juli giftast Gudny Langgaard og Ved Nagurset í Leir­víkar kirkju. Brúdleypið verður hildið í bygdar­ hús­inum í Leirvík kl. 19. Tey, ið vilja gleðast saman við brúðar­parinum, verða vinarliga biðin um at boða frá luttøku á tel. 502050 (Gudny), 503081 (Ved) ella við at senda teldupost á gudnyogved@gmail.com Seinasta freist at boða frá luttøku er 8. juli. 80 ára føðingardagur Mánadagin 10. juni verður Jákup Lindenskov í Havn 80 ár. Dagurin verður hildin í Losjuni í Havn á Tinghúsvegi 18 mánadagin frá klokkan 18. 70 ára føðingardagur Fríggjadagin 7. juni verður Finnbjørn Fróði Pæturson Hansen 70 ár. Hann verður burturstaddur og dagurin verður hildin saman við konuni og børnum við familju. Viðvíkjandi ergo­terapeutisku tænast­ unum innan á eldra­økið í Tórshavn Rólhild Winther Ergoterapeutur á Lágargarði Kirstin Ellingsgaard Ergoterapeutur á Heilræði Haldis Samuelsen Ergoterapeutur á Lágargarði Turið Jacobsen Ergoterapeutur á Boðanesheiminum Hallgerð Kristiansen Ergoterapeutur á Lágargarði Marianna V. Simonsen Ergoterapeutur á Boðanesheiminum Óluva Áarberg Ergoterapeutur á Ellisheiminum og Tjarnargarði Til Anniku Olsen, Lands­ stýriskvinnu í Almanna­ málum Heðin Mortensen, borg­ meistara, Tórshavn Metu av Fløtum, leiðari á Lágargarði Idu Sørensen, leiðari á Ellisheiminum Henziu Einarsson, leiðari á Tjarnargarði Jóngerð Guttesen, leiðari á Boðanesheiminum Ceciliu Vestureið, økis­leiðari í Heimatænastuni Petru Johnsdóttir Joensen, stjóri í Almannaverkinum Í hesum døgum er ætlanin at flyta ergoterapeutar, sum ar­beiða innan eldra­økið í Tórs­havn, frá einari røktar­ skip­an í kommununi til eina aðra røktarskipan ella at siga teimum upp. Hetta líkist einari lappa­loysn, sum er til bága fyri ergoterapeutisku tæn­ast­urnar sum heild og harvið tænastuna til borg­ aran og samfelagið. Afturvendandi kann­ing­ ar vísa, at tað er fíggj­ar­lig sparing í at seta ergo­tera­ peutar í starv. At siga ergo­ terapeutar upp í samband við sparingar á eldra­økinum er sostatt í andsøgn við hesa vitan. Harumframt hava ergo­ terapeutar sambart etisku leiðreglunum fyri ergo­ tera­peutar m.a. skildu til at tryggja, at borgarin og sam­felagið fáa gagn av ergo­ terapeutisku tænast­un­um og at gera vart við av­leiðingar av av­gerðum hjá myndug­ leik­unum. Í Noregi, Svøríki, Dan­ mark og aðrastaðni ar­beiða ergoterapeutar í ergo­tera­ peut­iskum eindum við ergoterapeutiskum leiðsl­ um, har fokusið er end­ur­ venjing. Hetta sæst m.a. í norsku rapportini “Hver­ dags­mestring og hver­ dags­rehabilitering” frá no­ vember 2012, sum byggir á royndirnar frá Danmark og Svøríki um rehabilitering og gerandisrehabilitering, og sum leggja stóran dent á týdningin av endur­venj­ ingar­eindum við fakligum leiðslum. Í samanhanginum, sum rapportirnar eru skriv­ aðar í, er faklig leiðsla heilt greitt at skilja sum fysio- og ergoterapeutisk leiðsla. Út frá hesum vilja vit: • Mótmæla ætlanunum um at flyta ergo­tera­peut­ ar innan eldraøkið í Tórs­ havn millum tvær røktar­ skipanir ella siga teimum úr starvi. • Heita á tykkum um at samla ergo­tera­peut­ar­nar innan eldraøkið Tórs­ havn í eina endur­venj­ ingarskipan, heldur enn sum nú er, at teir 7 ergo­ terapeutarnir ar­beiða í 5 ymiskum skip­an­um, har fokusið er røkt. Kjak