týsdagur 4. juni 2013síða 32

Mikudagur 5. juni 2013 · Nr. 63 32 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Stendur tú við einum miðnámsprógvi í hondina nú í summar, og ætlar tú at bíða eitt ár ella tvey at fara undir víðari útbúgving, so eru her nøkur hugskot til, hvat tú kanst gera fyri at fáa eitt læruríkt sabbatár, sum í summum førum við góðari planlegging kan betra um tínar møguleikar at sleppa inn á eina ávísa útbúgving. Háskúla Norður­lends­ki fólkaháskúlin finst í øll­ um Norðurlondum uttan tó í Íslandi. Um­hvørvið er vanligt kost­skúla­um­ hvørvi, har fólk búgva, eta og hava tímar saman. Á háskúlum eru vanligt stutt skeið á eina viku ella meira – ofta summar­hálvuna – og umframt hesi eru skeið á hálvt ella heilt ár. Tu kanst kunna teg um há­skúlarnar her : FO – www.haskulin.fo DK – www.hojskolerne.dk S - www.folkhogskola.nu SF - www.folkhogskolor.fi N - www.folkehogskole.no Einstakir fólkaháskular geva føroyingum stuðul! Háskúli kostar úr 1300 kr. um viku­ na. Eingin útbúgvingarstuðul er, men møguleiki er fyri studningi summa­ staðni. Danskir statsborgarar kunnu søkja um stuðul á 700 kr. um vikuna um­vegis norðurlenskan háskúlastuðul til fólka­háskúlar. Kunning her: www.hojskolerne.dk/hoejskoler/ nordiske-folkehoejskoler/nordisk- hoejskolestipendium Málskúla At duga mál er ein kvalifikatión, sum bæði útbúgvingarstovnar og ar­beiðs­gev­ ar­ar seta prís uppá. Ein máti at læra mál er at fara á málskúla, og tað eru ótelj­andi møguleikar: Nógv lond at velja ímillum, stutt skeið, lang skeið, byrjun­ ar­skeið, intensiv skeið, skeið fyri ung, skeið fyri tilkomin o.a. Nógvar organi­sa­ tiónir bjóða seg fram at selja mál­skúla­ uppihald, t.d. Efsprogskoler www.ef.com + BundgårdRejser, www.bundgard.dk, + Exis www.exis.dk Tað kostar at fara á málskúla, og ikki ber tað til at fáa studning. Les tó á www.studni.fo um málslig fyri­ reik­ingarskeið Arbeiði uttanlanda Tað eru nógvir møguleikar at fáa arbeiði uttanlanda eitt ávíst tíðarskeið, t.d. sum au-pair, arbeiði á hotellum, socialt arbeiði av ymsum slag og frívillugt arbeiði. Arbeiði uttanlanda og málskúla “To fluer med et smæk”. Tað eru fleiri møguleikar fyri, hvussu man kann kombinera arbeiði uttanlanda við málskúla. T.d. er tað at vera aupair ein møguleiki . Arbeiðsroyndir Arbeiðsroyndir yvirhøvur er ein kvalifikatión. Skullu arbeiðsroyndir direkte vera við til at betra um møguleikar at sleppa inn til eina ávísa útbúgving, er tað sum oftast eitt krav, at man hevur haft arbeiði í minst 6 mánaðir og kann prógva tað. Til nakrar útbúgvingar er tað ein kvalifikatión at hava haft studierelevant arbeiði, t.d. um ein ynskir at taka eina útbúgving innan fyri pædagogik, so kann tað vera ein fyrimunir at hava arbeitt innan fyri hetta økið. Supplering Nøkur noyðast at supplera aftaná mið­ námsskúla fyri at sleppa inn til ávísar út­búgv­ingar, t.v.s. taka nýggj fak ella taka fak á hægri støði, enn man hevur framman­undan. Í Føroyum ber tað til at vera stak­ greina­lesandi ella sjálvlesandi á mið­ náms­skúlunum, og kvøldskúlin bjóðar nøk­ur fak á miðnámskúlastigið. Nógv supplera í Danmark, hvar tað er møgu­ligt at supplera eitt fak í ein mánað, eitt ½ ár ella eitt heilt ár. Til ber at lesa um hetta á www.gsdanmark.dk . Fjarlestur eisini á www.vuc.nu + www.kvuc.dk NB!!! Skal títt sabbatár uppkvalifisera teg, er tað ein fyrimunir, at tú hevur gjørt ymiskt, og tú skalt minnast til at fáa pappír uppá tað, tú hevur gjørt!!! Nøkur hugskot til sabbatár/ kvalifikatiónsár / fríár Spurnarsíðan Spyr og fá svar um útbúgvingar. Allar. Allastaðni. Spurning 1 : Um kvotu 1 Eg ynskja at fáa at vita, nær freistin er at søkja gjøgnum kvotu 1 í Føroyum og í Danmark, og hvar fái eg umsóknarbløð, og hvussu skulu tey lætast inn? Takk fyri ! Svar til spurning 1 Í Føroyum er freistin at søkja eftir kvotu 1 inn á bachelorútbúgvingarnar á Fróðskaparsetri Føroya á midnátt tann 1. juli. Tú kanst heinta umsóknarbløð og vegleiðing á www.setur.fo, og tey skulu útfyllast og avleverast í brævbjálva saman við próvtøkuprógv ella sendast teldutøk til: lestur@setur.fo. Í Danmark er freistin at søkja inn eftir kvotu 1 (KOT = Den koordinerede tilmelding) tann 5. juli kl. 12.00. Tú kanst heinta umsóknarbløð og vegleiðing á www.optagelse.dk, og tey skulu útfyllast elektroniskt. Um studenturin hevur Nem-ID kann alt orðnast á netinum. Um studenturin ikki hevur Nem-ID, skal mann inn og skriva allar sínar upplýsingar inn á umsóknarbløðini og senda til dømis próvtøkupróg við. Til endans kemur so ein síða við útbúgvingunum ella útbúgvingini, sum ein hevur valt at søkja inn á, og síðurnar ella síðan skulu sendast við postinum og vera frammi á útbúgvingarstaðnum áðrenn 5. juli kl. 12.00. Legg til merkis, at við ”statsborgerskab” skal tað standa ”dansk”. Vinarliga Holger og Bjørg Spurningar Fakta Í 2013 er møguligt at søkja inn á 8 hesar ymiskar bachelorútbúgvingar á Setrinum. • Orku- og umhvørvisverkfrøði • Lærari • Námsfrøði • Sjúkrarøktarfrøði • Sosialvísindi og samfelagsplanlegging • Politikkur og umsiting • Søga • Føroyskt Hesar masterútbúgvingar verða bodnar út : • Føroyskt • MA-útbúgving í vegleiðing – parttíðarlestur – umsóknarfreistin er 10. juni!!! • MA-útbúgving í løgfrøði Spurning 2 : Um at gevast á HF Hey ! Eg gangi í 2.HF og eri tí eftir ætlan liðug um umleið ein mánað. Problemið er, at eg eri sera bangin fyri at dumpa. Tí er mín spurningur til tykkum : halda tit, at eg skal gevast og ynskja at sleppa at ganga umaftur, ella skal eg halda fram og vóna, at tað fer at ganga? Vh xxx Svar til spurning 2 Tá tú gongur á HF og ikki fært minst 6,0 í miðal av øllum fakum til endaligar próvtøkur, ert tú samla dumpa, men tú kanst fáa prógv fyri tey fakini, tú hevur staðið. So ber tað til t.d. ári eftir at søkja um at vera stakgreinalesandi í teimum fakunum, sum ikki eri staðin. Tá hesi fakini eru staðin, hevur tú eitt fult HF-prógv. Vinarliga Holger og Bjørg