týsdagur 4. juni 2013síða 34

Mikudagur 5. juni 2013 · Nr. 63 34 Sosialurin Hugskot og viðmerkingar – send sms til 225000 tøkni Vit hava spenningi bíða eftir at testa teldil-telduna Nexus 10, sum er framleidd av Samsung og er nýggj­ asti limurin í Nexus-húski­num. Í mun til Nexus 7 há ASUS ber ikki til at keypa 10’arin ikki keyp­ast í ríkinum, og tí er neyðugt at inn­flyta sjálvur ella at kenna onkr­an í eitt nú USA, Onglandi ella Týsklandi, har til ber at keypa bein­leiðis frá Google, um tú vilt vera eydnuríki eigarin av nýggja Google-teldlinum. Tá vit kortini velja at testa vøru­ na, kemst hetta av, at Nexus 10 er ein high-end framleiðsla, sum skal vísa brúkarunum, at Android-ba­ ser­að­i­r teldlar eru til reiðar at fara í herna móti iPad, sum fram­veg­is er tann størsti á lokkandi teldla-mark­ naðinum. Besti teldla-skíggi á marknaðinum Nexus 10 hevur 1,7 GHz Cortex A15 dual-core processor hjá Samsung, 2 GB Ram og 16 ella 32 gb goymslu, men fremsta vápnið hjá teldlinum er heilt avgjørt skíggin, sum við 10,055 tummum og ikki minni enn 2560X1600 pixel upploysn (300 ppi) í skrivandi løtu er besti teldla-skígg­in á marknaðinum. Ikki eingongd nýggi Retina- skígg­in hjá fjórða ættarliðnum av iPad – 2048X1536 pixel og 9,7 tumm­ ar (264 ppi) – megnar at fylgja við, og tá vit fleiri ferðir hesar seinastu 12 mánaðirnar hava róst iPad’inum fyri júst skíggan, er tað í sjálvum sær ein góð orsøk til at hygga nærri at Nexus 10. Pixlarnir gera gagn Og byrja vit við púra objektivum skil­ markingum, so hevur Nexus eina skíggjaflatu, sum er á leið fjórð­ingin størri enn Retina-skíggin hjá Apple, og tað merkir sjálvandi, at rúm er fyri størri myndum á Nexus-skígganum. Stóra talið av pixl­um gera millum annað mun, tá zoomast skal heilt nær í HD-mynd­um. Tú fært snøgt sagt fleiri smá­lut­ir við í Nexus 10 enn á einum iPad, uttan at myndin pixlar av teirri orsøk. Hyggja vit at filmi (lokalt goymd­ ur á teldlinum) í HD-góðsku, er so at siga ógjørligt at síggja mun. Men tað er nú ikki so løgið, tí báðir skíggj­ar­nir innihalda fleiri pixlar enn tað, sum er neyðugt, tá hugt verð­ur eftir HD ella full HD. Vit duga heldur ikki at síggja mun í e-bókum ella netsíðum, tá Nex­us og iPad verða samanborin, og tí má niðurstøðan verða, at Nexus 10 á øllum økjum stendur mát við Retina-skíggjan hjá Apple, og at hann á nøkrum økjum er betri. Í øllum førum út frá objektivum skil­ mar­k­ingum. Filmurin riggar betur á iPad Tað undrar okkum tí ikki sørt, tá vit hygg­ja at sama filmi á Nexus 10 og iPad 4. Vit leggja báðar teldlarnar lið um lið, teir eru koplaðir á sama Wi-Fi net, og teir streama báð­ir sama film (Thor) í senn, so vit kunnu gera eina beinleiðis og rætt­vísa samanbering. Og har mugu vit bara staðfesta, at filmurin riggar nógv betur á iPad’inum. Myndin tyk­ist heldur matt á Nexus, sum eisini hevur hug at pixla. Heilt ein­falt tykist tað, sum er skíggin á iPad bet­ur kalibreraður. Og tað sama endurtekur seg, tá vit sum alternativ royna at hygg­ja at sama fyrilestri á báðum teldlun­ um umvegis væl umtókta TED-app. Her leggja vit eisini merki til, at ikki bert sær myndin verri út á Nexus 10. Eisini sjálv app’in stendur seg nógv betur hjá Apple, har hon veru­ liga gagnnýtir hæddina og hvøssu upploysnina á skíggjanum. Á Nexus sær sama app’in heldur skit­in út, og tað gevur okkum eitt greitt te­k­in um, hvar hundurin er grivin. App-mennararnir hava sovið Trupulleikin er, at flotti og há­upp­ loys­ti skíggin á Nexus 10 at kalla als ikki verður nýttur til fulnar á nakr­ari app yvirhøvur. Tá Apple sendi fyrsta Retina-skíggjan á marknaðin fyri einum ári síðani, gjørdi felagið nógv burtur úr at marknaðarføra eina rúgvu av ymsum HD-apps. Tá talan er um Android-teldlar, so finn­ast fáar apps yvirhøvur, og enn færri, sum eru optimeraðar til fram­úr skíggjan hjá Nexus 10. Tað er at kalla bert tær apps, sum Google sjálvt stendur fyri – eitt nú Chrome, Earth og Maps – sum veruliga eru feitar á Nexus 10-skíggjanum, men beint sum tú kemur til triða-parts vørur verð­ur tú vónbrotin. Hetta er eisini or­søk­in til, at ein minni teldil – eitt nú Nexus 7 – riggar nógv betur við Andro­ id enn tær størru útgávurnar. Tað hevur ikki eins stóra ávirkan, tá ein snildfon verður blást til 7 tumm­ar, og slíkir teldlar eru meira lík­ir eini stórari snildfon enn eini lítl­ari teldu. Tað margháttliga við Nexus 10 er sostatt, at hóast talan er um eitt flagg­ skip, sum veruliga skal prógva fyri brúkarunum, at Android nú veru­liga er ment til eina rætta stýri­skipan, so prógvar hon júst tað øvuta. Gamaní er Android í út­gávu 4.2 í sjálvum sær ein fín stýri­s­kipan sammett við iOS, men sum platformur vantar Android fram­vegis í ræðandi mun apps og innihald, sum kann gagnnýta møgu­ leik­ar­nar, sum veruliga eru í eitt nú Nexus 10. So góð er Nexus 10 Og tað er veruliga synd, tí tá vit hygg­ja at Google Nexus fyri seg, er tal­an veruliga um ein gloypibita. Alt gongur skjótt – bæði tá tú leitar í valmyndunum, skiftir millum apps ella sveimar á netinum – og eisi­n­i ljóð og myndatól er á støði við tað, sum vit kenna frá iPad. Sum væl at merkja eisini kostar ein­ ar 1.000 krónur meira enn Nexus 10, um vit rokna við, at teldlarnir eru útgjørdir við Wi-Fi og 32 GB goymslu. Einasta minus innan hardware er, at Nexus ikki fæst í eini útgávu, sum stuðlar uppundir internet á fartelefon-netinum. Og hóast Apple-brúkarar ikki tykjast halda, at hetta hevur stóran týdning, so eru flestu Android-brúkarar vanir við, at goymslan kann víðkast við SD-korti, men tað kanst tú gloyma alt um við Nexus – tíverri. Niðurstøða Tað er bakgrundin handan yvir­ skrift­ina til hesa testina. Vit vildu gjarna viðmælt Nexus 10, tí í sjálvum sær er talan um ein fram­úr­skarandi teldil við einum fantast­iskum skíggja, stórari megi og imponerandi útgerð. Men tá brúkara­upplivingin í somikið stóran mun verður órógvað av ikki-optimeraðum apps, situr tú sum brúkari eftir við einum heldur keðiligum smakki í munninum. Bíligari iPod touch Uttan nakað hóvasták hevur Apple sent ein bíligari iPod touch á marknaðin. Hann hevur 16 GB goymslu men einki myndatól. Kostnaðurin á danska marknaðinum verður 1.899 kr. ,Verður sæð burtur frá minkaðu goymlsuni og vantandi myndatólinum, so er talan um somu vøru sum dýraru útgávurnar av iPod touch. Tað vil siga við 4-tumma Retina-skíggja, dual-core gerili og við sama góða ljóði. Prísurin í Danmark fyri 16 GB- útgávuna er 1.899 kr., og gæst hann í aluminium og svørtum. Og so skal eisini nevnast, at face-time myndatólið á frontinum eisini er við, so til ber at gera video-samrøður umvegis Wi-Fi netið. ■ Stýriskipan: Android 4.2.2 Jelly Bean ■ Skíggi: 4,3” Super AMOLED 960 x 540 pixels, 256 ppi ■ Geril: 1,7 GHz Snapdragon 400 dual-core ■ Minni: 2 GB ram / 8 GB + microSD (op til 64 GB) ■ Myndatól: 8 MP + 1,9 MP ■ Tráðleyst: 4G/LTE, NFC, BT 4.0, 802.11 a/b/g/n/ac ■ Mát: 124.6 x 61.3 x 8.9 mm ■ Vekt: 107 gram ■ Battarí: 1900 mAh Meira enn nakað vísir Nexus 10, at Android ikki verður til reiðar til teldla- nýtslu, fyrr enn app-mennararnir vakna og fara til arbeiðis Google Nexus 10 Spill av góðum kreftum ★★★★★★ Samlað meting Vegleiðandi prísur: 499 euro Fyri: Prísurin, Besti teldla- skíggi á marknaðinum (men bert við apps frá Google sjálvum). Skjótur og sterkur Ímóti: At kalla ongar apps stuðla skíggjanum Fæst ikki við interneti til G3/G4. Minnið kann ikki víðkast við SD-korti Lagt til rættis: Peter Gotschalk – Lyd & Billede Galaxy S4 mini Samsung hevur sum vant gjørt eina mini-útgávu av flaggskipinum hjá sær. Samsung boðar frá, at Galaxy S4 mini er júst sama telefon sum stóribeiggin. Tað vil siga við sama sniði og somu megi – bara nakað minni. Men tað er ein heldur pyntaður veruleiki. Meðan tann veruliga S4 hevur 1,9 GHz Snapdragon 600 quad-core geril, so hevur mini-útgávan ein dual- core upp á 1,7 GHz. Og har stóribeiggin hevur 13,1 MP myndatól, hevur lítlibeiggin bert 8 MP. Upploysnin á skíggjanum er eisini munandi minni, og goymslan telur bert 8 GB mótvegis teimum 16 til 64, sum S4 fæst við. So í veruleikanum er Galaxy S4 mini bert ein miðal snildfon við nøkrum av teimum funkunum, sum Samsung sendi á marknaðin við S4 – eitt nú Group Play, S-Translator og S-Health. Í aðrar mátar hava tær ikki so nógv við hvørja aðra at gera, tó at báðar sjálvandi eita Samsung. Galaxy S4 kemur á marknaðin í summar, og prísurin verður væntandi beint undir 4.000 krónum. ■ Stýriskipan: Android 4.2 Jelly Bean ■ Skíggi: 10,055" WQXGA, 2560 x 1600 (300 ppi) ■ Geril: 1,7 GHz Cortex A15 dual-core ■ Minni: 2 GB ram ■ Goymsla: 32 GB ■ Myndatól: 5 MP (aftan), 1,9 MP (framman) ■ Tráðleyst: 802.11 b/g/n, Bluetooth 3.0, NFC ■ Íbinding: Micro USB 2.0, HDMI ■ Mát: 263,9 x 177,6 x 8,9 mm ■ Vekt: 603 g ■ Battarí: 9000 mAh ■ Prísur: 499 euro