hósdagur 6. juni 2013síða 38

nr. 64 · 7. juni 2013 6 VIKUSKIFTI TIPS FRÁ innu inna@sosialurin.fo Hugna tær í Stockholm 11. juni skal slagið standa millum føroyska og svenska fótbóltslandsliðið. Føroyingar úr øllum ættum koma til Stockholm og Friends Arena at hyggja. Her eru nøkur hugskot til, hvat føroyingar kunnu fáa tíðina at ganga við fyri og eftir dystin Dagin fyri dystin Beinini eru sterk, og ein túrur í býin er altíð góður. Drottninggatan miðskeiðis í Stockholm hevur nógvar handlar, og fleiri handilsstøðir liggja har á leið. Tá tú gerst móð/ur í beininum er ein kaffimuður inni á Kulturhuset góður. Um tú orkar, spáka omaneftir Drottninggatan til Riksdagshuset og vakra Gamla Stan. Beint áðrenn dystin Friends Arena, har dysturin verður spældur, er nýggjur leikvøllur. Økið er ikki liðugt, so tað tekur tíð at koma til vøllin. Rokna við, at tað tekur umleið ein tíma frá sentrala Stockholm. Men um tú hevur tíð til yvurs, so liggur Haga Slott nærindis, og har búgva Prinsessan Victoria, Prins Daniel og lítla Prinsessan Estelle. Økið er sera vakurt at spáka í. Eftir dystin Vónandi er sigurin heima, og nú skal feirast. Økið, har flest barrir og matstovur eru, eitur Stureplan. Riche, Sturehof, East og Spy bar eru nøkur av mongu støðunum at fara til. Um tú heldur vilt sova eru nógv góð hotell í Stockholm - Radisson Blu Waterfront Hotel, Clarion Sign, Scandic Grand Central ella hugnaliga vallaraheimið Af Chappman. Dagin eftir Eitt sindur av mentan er altíð stuttligt at fáa við á einari stórbýarvitjan. Stockholm hevur nógv góð søvn, Vasamuseet er eitt must fyri tey, sum eru áhugað í sjófarti. Nýggja Abba the Museum fær sera góð ummæli. Skansin, sum er eitt uttandura savn við gomlum húsum úr øllum Svøríki, er hugnaligt og áhugavert.