týsdagur 11. juni 2013síða 16

Mikudagur 12. juni 2013 · Nr. 66 16 Sosialurin Eystanstevnan 2013 Vilmund Jacobsen – Jú, vit hava fingið so mikið at vita, at kabarettin snýr seg um gerandis hendingar í Føroyum, eitt nú um, tá SEV koplar frá, og tá netið verður álopið. Eisini er bindiklubburin komin afturíaftur, har damurnar viðgera nøkur lokal mál, og kanska verða stokkarnir eisini tiknir fram. Úr Runavík verður sagt, at rokn–ast kann eisini við góðum sangi á kabarettini. – Men, hvat meira liggur í heit­ inum “millum steinarnar” - ja, tað kunnu vit bara gera okkum tankar um! Leikarar og tónleikur Tey, sum spæla við í kabarettini á eystanstevnu í ár, eru Justines, John, Vanja, Anna, Noomi, Alvi, Hall­ur og Kristina. Fyri tónleikinum standa næm­ingar við Løkin við Ásbirna Berthel­sen og Terja Vestergaard. – Vit bjóða øllum hjartaliga væl­komin til kabarettina “Millum steinarnar” í Løkshøll fríggjakvøldið 14. juni klokkan 21, mánakvøldið 17. juni klokkan 18 og sama kvøld aftur klokkan 20.30. Úr Runavík verður sagt, at at­ gongu­merki til kabarettina kosta 100 krónur, og tey kunnu keypast á www.loksholl.fo - og við dyrnar. »Millum stein­arnar« í Løkshøll Kabarettbólkurin framførir trúliga kabarett á hvørjum ári á eystanstevnu, og árið í ár er einki undantak. Spurningurin er so, hvat vit kunnu vænta okkum av kabarettini, sum í ár hevur fingið heitið “Millum steinarnar”? Tá SEV koplar frá, og tá netið verður álopið, er millum evnini í eystanstevnukabarettini - Millum steinarnar - í ár Vilmund Jacobsen Leygarkvøldið 15. juni klokkan 01.00 fer bólkurin Four MENh úr Fuglafirði at spæla til dans í tjald­inum á kaiøkinum í Runavík. Four MENh hevur stívliga eitt ár á baki, men tónleikararnir eru allir royndir. Tónleikurin, teir spæla, er dansi­vinarligur og spennur víða. Teir spæla alt frá tí góða gamla før­oyska til Billy Joel og country- tónleik. Royndu tónleikararnir eru Ann­finn Jacobsen (trummur), Hugo Leo (bass), Mouritz Mohr (guitar) og Njál Reinert Petersen (klaver og guitar). Tað serstaka við hesum bólki er, at allir fýra syngja. Atgongumerki til dansin á eystanstevnu kosta 150 krónur, og selt verður við dyrnar. Gamlamanna­ dansur í tjaldi á eystan­stevnu Gamlamannadansur í tjaldi á eystanstevnu Hóast bólkurin Four MEN, sum fer at spæla til dans á eystanstevnu, er lutfalsliga nýggjur á palli, eru allir royndir tónleikarar Í meira enn hálvthundrað ár hevur kappróður verið ein trivaligur part­ur av ítróttarlívinum á Skála­ fjørðinum. Fyri tað hava menn um hesar leiðir ivaleyst eisini róð kapp til og frá útróðrarmiðum í øldir, men tað ber valla til at tosa um skipaðan kappróður, fyrr enn NSÍ fær tiltikna bátasmiðin, Niclas í Koltri, at smíða sær bátar í fleiri støddum. Eitt nú fyrsta Eysturoyingin í 1961, sama árið sum fyrsta eystanstevnan verður hildin á fjørðinum. Fyri tað høvdu menn av Toftum og innari kortini gjørt onkrar royndir, eitt nú við bátinum Tordenskjold, sum Poul Niklái Danielsen í Saltangará hevði smíðað saltnesmonnum til garnadrift og annan rakstur longu í 1913. Tordenskjold var við í ólavsvøkuróðrinum í 1957. Meira og minni hevur lív og gróður verið í kappróðrinum øll hesi árini. Mangir sigrar og fleiri føroyameistaraskap eru hespað á snælduna á føroyskum firðum og vágum við teimum eyðkendu gulu bátunum hesa meiri enn hálvu øldina, síðani NSÍ rættiliga legði til brots í einum øki, ið brádliga hevjaði seg sum fuglurin Føniks í vavi. Betrað havnaviðurskifti og eitt skjótt ekspanderandi vinnulív var undirstøðukervið, sum legði grundina undir einum óvanliga stór­um fólkavøkstri. Harvið ein muna­betri rekruttering til bekk­ irnar á gulu bátunum. Fyri sløkum 14 árum síðani, sambært fundarbókini, verður fyrsti fundurin hildin 18. august 1999, har avgerð verður tikin um at skekla ítróttargreinarnar í NSÍ sundur í hvørt sítt felag. Soleiðis varð Kappróðrarfelagið NSÍ veruleiki, og felagið heldur sín fyrsta almenna aðalfund hin 3. februar 2000. Eftir tað gekk sum eftir ánni, og stutt eftir stóð snotuliga neystið Niðri á Støð á Glyvrum uppi, og hevur hetta síðani verið ein dyggur karmur um felagsskapin og ítróttina. Úr hvørjum vindeyga hevur bor­ið til hjá fólki í økinum at skoða venjingarnar á fjørðinum í vár. Hartil venja rógvandi ung­dóm­ arnir á neystar­loftinum. Dúg­liga hava ung­dómarnir hálað í árar­nar og spent í fóta­lunnarnar, með­ an róðurs­menninir hava díkt á teir fyri at tað skal muna, tá farið verður í kapping á stevn­un­um í summ­ar. Bæði í kvinnu- og kall­ róðri. Felagið eigur seks bátar, sum allir eru gjørdir í optimalan stand í vetur og í vár, og eftir øllum at døma fara níggju - kanska tíggju - manningar hjá felagnum at leggja til brots í ár. Hvussu tað fer at vignast, ber bara til at gita um, men rómurin í kringumstøðunum við bátahylin á Glyvrum ber í hvussu er boð um, at hesi fólkini fara at gera sítt ítarsta fyri at basa sínum kappingar­neytum kring landið. Við hesum ynskir Kappróðrarfelagið øllum eina góða og happadrúgva eystanstevnu. Bátar renna og árar leika í tolli