týsdagur 11. juni 2013síða 26

Mikudagur 12. juni 2013 · Nr. 66 26 Sosialurin Eystanstevnan 2013 Vilmund Jacobsen Sunnukvøldið 16. juni klokkan 20 skipar Mentanarhúsfelagið fyri kvøld­setu í Løkshøll, har nógv ym­iskt og áhugavert verður á skránni. – Vit eiga nógv evnarík ung fólk í økinum, og vit fara at síggja brot úr sangleikinum “Kúlla Knút”, sum 10. flokkur framførdi fyrr í ár. Signar í Homrum Úr Runavík verður víst á, at ein, sum í seinastuni hevur gjørt vart við seg á føroyska tónleikapallinum, er Signar í Homrum. Á kvøldsetuni fer Signar at framføra nøkur av sínum kendu løgum. Okkurt skemtiligt innslag frá kabarettini verður eisini, eins og skipað verður fyri einari sonevndari “skeivari spurnakapping”. Øll er vælkomin Ókeypis kaffi við onkrum góðum afturvið verður í steðginum. Mentanarhúsfelagið bjóðar øllum vælkomnum á kvøldsetu í Løkshøll sunnukvøldið klokkan 20 á eystanstevnu. Kvøldseta á eystanstevnu Fyrr var vanligt, at eystanstevnan endaði við eini kvøldsetu sunnukvøld, men seinastu árini hevur eingin kvøldseta verið. Nú verður tátturin tikin uppaftur á eystanstevnu í ár Á kvøldsetuni fara næmingar at framføra brot úr sangleikinum ”Kúlla Knút, og kendur tónleikari fer at spæla nøkur av sínum løgum Vilmund Jacobsen Ítróttar- og frítíðarfeløg virka saman um at fyriskipa eystan­ stevnu, soleiðis at stevnan á hvørjum ári hevur okkurt at bjóða øllum - her í Runavíkar­ økinum og gestum úr øðrum bygdum. – Aftrat stevnufyriskipanini fer nógv orka hjá okkum til at fyriskipa dystirnar, sum eru á stevnuni. Byrjað verður vanliga fríggjadag við yngru deildunum, og síðan verður hildið fram alt vikuskiftið. Fótbóltsliga hæddarpunktið er Effo-dysturin leygardag, og hesaferð kemur 07 Vestur á vitjan. – 07 Vestur hevur fingið stig í helvtini av dystunum, sum teir hava leikt í ár, og tí kann roknast við einari tættari og spennandi uppgerð, sigur Nes Sóknar Ítróttar­felag. Felag í menning Nes Sóknar Ítróttarfelag hevur frá stovnan hin 24. mars í 1957 verið eitt felag í menning. -– Frá at byrja við hondbólti, róðuri og fótbólti til nú at vera eitt fótbóltsfelag burtur av, hevur felagið ment seg og hevur nú vanliga eini 25 lið við leikarum í øllum aldrum meldaði til kappingar hjá FSF. Ungdómsliðini hjá NSÍ hava altíð staðið seg væl, og eru nógv føroyameistaraheiti vunnin millum ár og dag. – Effo-liðið hevur seinastu mongu árini ment seg, soleiðis at tað hvørt kappingarár er spennandi at fylgja við liðnum, bæði úti og heima. Felagið vann meistaraheitið í 2007 og Løgmanssteypið í 2002. Góð minnir Nes Sóknar Ítróttarfelag vísir á, at aftrat góðum upplivingum her heima á klettunum - við Løkin ella á vallum kring landið - hevur Effo-liðið eisini givið okkum góð minni frá dystum í evropeiskum kappingum. – Millum minniligu dystirnar er 0-0 dysturin móti Fulham FC á Svangaskarði í 2011 og 1-0 sigurin á Dinamo Tbilisi í Gundadali í 2008. Lagt verður aftrat, at fyri spælarar og fólk kring felagið er tað sjálvandi stórt at sleppa at vitja kendar leikvallir úti í heimi í samband við evropeiskar kappingar. Roynst væl Kappingarárið hjá Effo-liðinum hjá NSÍ hevur roynst væl higar­ til. - Liðið hevur verið væl við í stórt sæð øllum dystum og er mitt millum liðini, sum hvørt vikuskifti stríðast um at fáa ein sigur, ið kann lyfta tey upp á ovaru plássini, væl vitandi at tap hinvegin eru lívsvandamikil í sera hørðu og spennandi kapp­ ingini í ár. Lagt verður aftrat, at steypa­ kappingin eisini hevur verið hugalig í ár, og fyribils er NSÍ í hálvfinalunum móti Víkingi. Betraðar umstøður Nes Sóknar Ítróttarfelag fegnast um, at vøllurin við Løkin verður skiftur í ár, og at felagið fær stásilig umklæðingarhøli í nýggju fimleikahøllini við Løkin, tá hon stendur liðug til nýggjárs. - Framtíðin hjá felagnum er bjørt, og vit vóna at síggja nógv fólk á eystanstevnu í ár, sum vit kunnu deila okkara virksemi við - á stevnuøkinum eins væl sum á vøllinum við Løkin, sigur Nes Sóknar Ítróttarfelag í síni heilsan til stevnugestir. Eystan­stevnu­ heilsan frá NSÍ - Vit bjóða øllum hjartaliga vælkomnum á eystanstevnu 2013, sigur Nes Sóknar Ítróttarfelag Fimleikarfelagið Støkk varð stovnað í 1966. Stovnararnir vóru Jóhanna og Kaj Aage Troest saman við Svavu og Jóhan Kjeld. Síðani 1966 hevur Støkk verið virkið alla tíðina, og er Støkk eitt fimleikafelag við stoltum traditiónum og einum livandi og nútímans hugburði um, at heilsa og rørsla er ein týðandi partur av tí góða lívinum. Felagið hevur ment seg gjøgnum tíðirnar til í dag at vera eitt av teimum stóru feløgunum í landinum. Í dag telir felagið umleið 600 íðkandi og 50 venjarar. Hesir koma serliga úr økinum kring Skálafjørðin, men koma íðkarar eisini aðrastaðni frá at gera fimleik í Støkk. Felagið hevur verið við til at myndað oddin í føroyskum fimleiki í nógv ár og hava íðkarar hjá Støkk vunnið felagnum hópin av heiðursmerkjum, bæði í heimligum kappingum og eitt nú á oyggjaleikum. Eisini hevur fimleikaliðið hjá Støkk luttikið í heimsmeistarkappingum í estetiskum fimleiki. Nú kappingarárið í fimleiki er um at vera av, kunnu vit gleðast um, at eisini í hesum kappingarári eydnaðist at vinna fleiri heiðursmerkir, og at gentuliðið í estetiskum fimleiki gjørdist FM- vinnarar. Hølisviðurskiftini hjá felagnum hava verið skiftandi. Serliga eru tað fimleikahallirnar og ítróttarhøllin í kommununi, ið hava verið brúkt til at íðka í. Kappingarfimleikurin krevur serlig hølisviðurskifti og til at nøkta hendan tørvin leigar felagið ein part av hølunum hjá Atlantic Supply Base. Hetta er felagið sera takksamt fyri. Gamla Støkk-høllin, sum var í ringum standi, varð rivin niður fyrst í mai, og er nýggja høllin, sum verður bygd millum ítróttarhøllina og fótbóltsvøllin væl ávegis. Gongst, sum ætlað, stendur hon liðug fyrst í komandi ár. Ein spennandi tíð stendur fyri framman. Við hesi nýggju høllini ber til at savna nærum allan fimleikin undir einum taki, og fer hetta vónandi at menna felagið, bæði ítróttarliga og sosialt. Fimleikaárið byrjar aftur í heyst, og eru øll vælkomin at gera fimleik í Støkk. Støkk – spennandi framtíð