hósdagur 20. juni 2013síða 38

nr. 70 · 21. juni 2013 6 VIKUSKIFTI TIPS FRÁ eydnu eydnaskaale@hotmail.com Hvítt og reint í summar Hvítt og reint. Tað er eitt av mótarákunum fyri summarið Hvítar hondtaskur eru at síggja frá fleiri sniðgevum, her Gucci og Marc Jacobs. Body Shop hevur gjørt eina røð av vørum til at reinsa húðina. Felagsnevnarin er úrdráttir úr kamomilluplantuni. Blómurnar til røðina vaksa í Onglandi, og tær verða dyrkaðar púra natúrliga – eingi kemisk evni ella pestisidir verða nýtt. Røðin er mild og kamomillan sissar húðina undan náttini. Í røðini eru reinsismør, reinsiolja og tvinni sløg av vaskievni at taka burtur eygnasminku. Klassikarin »Daisy« hjá Georg Jensen er framvegis smartur, hóast smúkkurnar hava nøkur ár á baki eftirhondini. Einfalda og snøgga sniðið er tíðarleyst, og hóskar væl saman við stílreina trendinum. Guðrun&Guðrun hava framleitt pungar og taskur til smarttelefonir og teldur/ teldlar. Snøgt snið úr lambsskinni og við prenti av stjørnumynstinum. Umframt at síggja smart út, verjir tað eisini dýru tólini frá skøvum og stoytum. Hvít klæði hoyra summarinum til, og aftur í ár vóru fleiri sniðgevar, ið vístu hvít heilsett – bæði til kvinnur og menn. Her eru nakrar myndir til íblástur.