mánadagur 24. juni 2013síða 18

Mánadagur 24. juni 2013 · Nr. 71 18 Sosialurin Hugskot og viðmerkingar – send sms til 225000 ítróttur Stevnuróðurin: Í flestu róðrunum á Fjarðastevnu vóru vinnaratíðirnar væl lakari, enn tær hava verið tær tríggjar undanfarnu ferðirnar, tá ið tað hevur verið FM kappróður á Fjarðastevnu á Skála Jóannes Hansen Í hesum próvtøkutíðum ber ikki til annað enn at geva fyrireikarunum av kapp­ róðr­inum á Fjarðastevnu á Skála eitt klokkureint 13 tal! Burtur­sæð frá á Ólavsøku, tá ið róðrarteinurin bara er góðar 900 metrar og á deyða­vatni ein stóran part av stutta teininum, og kanska onkra ferðina í Miðvági og í Vági, har tað verður kappast á deyða­vatni innanfyri grót­ kastini, so man tað ongantíð vera komið fyri, at tað hevur gingið so skjótt at avgreiða róðrarnar, sum tað gjørdi á Skála leygardagin. Kappast var á 500 metr­ um, 1000 metrum og 2000 metrum. Líkindini vóru hampu­lig, tí veðrið dagarnar upp undir vikuskiftið var so fram­úr. Men umstøðurnar á Skála­fjørð­inum hava onkra ferðina verið betri, tí høgættar­lotið inn á stýri­ borðs­bógvin var tíðliga seinna­partin ikki sørt, men sum tað leið út á dagin mink­ aði tað nógv og datt so mest sum burtur. Hóast tað varð kappast á trimum teinum, og hóast eitt lot, so gekk tað sum eftir ánni at avgreiða kappingina á fyrimyndarligan hátt. Klokk­uni restaði nøkur sek­ und í trý, tá ið startskotið brast fyri 5-mannaførunum við dreingjum, og tá ið 10-manna­førini fóru um málið eftir tætta kapping á 2000 metrum, vísti klokkan 16.48. Á Skála greiddu tey róðrar­setningin øllum øðrum til fyri­dømi. Erla skaraði framúr Umstøðurnar við høgættarloti ímóti mundu vera fremsta orsøkin til, at vinnaratíðirnar vóru væl lakari, enn tær hava verið tær triggjar ferðirnar, tá ið tað hevur verið kappast um FM á Fjarðasetvnu á Skála. Í flestu kappingunum stava metini frá 2003, tá ið lotið var undan og róðrarumstøðurnar annars av teimum bestu. Undantakið var gentu­ báturin hjá fuglfirðingum. Erla Kongsdóttir vann sann­ før­andi á Norðoyastevnu og aftur á Sundalagsstevnu. Á Fjarða­stevnu var heldur eingin ivi um, hvør var bestur í hesi kappingini. Merkisvert var tað, at Erla Kongsdóttir setti met. Bestu tíðina í gentu­róðr­ inum á Skála átti undan leygar­degnum Blikur av Argjum, sum í 2005 róði teinin í tíðini 5.32.04. Leygar­ dagin vann Erla Kongsdóttir í stórum stíli og í mettíðini 5.31.08. FM favorittarnir úr Fuglafirði róðu 1000 metra teinin eitt lítið sek­und skjótari, enn nakar áður hevur megnað í hesi kapp­ing­ ini á Fjarðastevnu á Skála. Sannførandi Klaksvíkingur Eingin ivi var um, at klaks­ víkingar vóru stinnastir í kappingini millum 10-manna­ førini. Fyrsta partin av 2000 metra teininum royndu bæði Suðuroyingur og Havnar­ báturin at bjóða av, og báðir hesir bátarnir høvdu onkra løtuna stavnin frammanfyri kappingarneytarnar. Men tá ið teinurin var hálv­rógvin varð myndin alt greið­ari. Tað munaði betri hjá Klaksvíkingi enn hjá hin­um báðum. Tá ið fimm hundr­að metrar restaðu, gjørdi Suðuroyingur ordu­ liga roynd fyri at vinna báts­longdina aftur, sum Klaksvíkingur hevði tikið. Munurin minkaði eitt sindur, men klaksvíkingarnir høvdu stórt yvirskot, og fram ímóti málinum sigldu teir orduliga frá kappingarneytunum. Hóast sigurin var sann­ før­andi, so var als ikki talan um bestu vinnaratíðina. Tríggjar ferðir áður hava 10-manna­førini kappast um FM á Fjarðastevnu á Skála. Allar tríggjar ferð­ir­ nar – í 2003, 2005 og 2009 – vann Eysturoyingur, og allar tríggjar ferðirnar var vinnara­tíðin hjá Eystur­ oyingi betri enn tíðin, sum Klaks­víkingur vann við leygardagin. Mettíðin stavar frá fyri tíggju árum síðani. Í 2003 var vinnaratíðin hjá Eysturoyingi 9.15.03. Tíðin hjá Klaksvíkingi leygardagin var 9.37.07 ella meiri enn 22 sekund seinni enn vinnara­ tíðin í 2003. Felags fyri kappingina mill­um 8-mannaførini og 6-manna­førini við monnum var, at hetta var fyrstu ferð, at tey róðu teinin á Skála – 8-mannaførini 2000 metrar og 6-mannaførini við monn­ um 1000 metrar. Tryggir vinnarar og vánaligar tíðir Á Sundalagsstevnu var tað um reppið, at kvinnurnar á Havfrúnni ikki vunnu. Tær hava annars vunnið allar róðrarnar tvey tey seinastu ár­ini. Hesa ferð var eingin ivi. Í Hvalvík var tað bara ein stavnur millum Havfrúnna og Falkin. Hesa ferð vant Havfrúgvin burturúr kapp­ ingar­neytunum. Hinir fýra bátarnir komu á mál mest sum stavn um stavn, men teir kappróður Dreingirnir úr Miðvági vóru aftur leygardagin teir stinnastu í barnakappingini. Beinta vann á Sundalagsstevnu í Hvalvík, og Beinta vann aftur hesa ferð. Junkarin, sum vann á Norðoya­stevnu, var hesa ferð næstfremstur. Tað vóru minni enn tvey sekund milum teir báðar fremstu bátarnar. Genturnar á Fípuni Føgru vóru aftur hesa ferð stinnast. Tær vunnu í Hvalvík, og tær vunnu aftur á Skála. Á Sundalagsstevnu var Spógvin næstfremstur, og leygardagin var Títlingur nummar tvey. Tær úr Klaksvík vóru bara skutin undan gentunum í Havnar Róðrarfelag. Títlingur vann á Norðoyastevnu, tá ið Fípan Fagra varð nummar tvey. Erla Kongs­dóttir var einasti bátur sum setti met