mánadagur 24. juni 2013síða 17

17 Mánadagur 24. juni 2013 · Nr. 71 Sosialurin Hugskot og viðmerkingar – send sms til 225000 Ítróttarblaðið tað fór at ganga so væl, sum tað higartil hevur gjørt. – Hóast vit hava vant nógv, so høvdu vit ikki roknað við, at tað fór at ganga so væl. Tá ið vit fóru á Norðoyastevnu vónaðu vit, at tað skuldi eydnast at vera við í onkrari kapping. Tá ið tað so vísti seg, at vit vóru ikki so langt frá sigrinum, so gav tað orduliga blóð á tonna, og nú hava vit gjørt uppaftur meiri við venjingina. Tølini siga, at Jarnbardur við monn­ um ongantíð hevur vunnið FM og ongantíð hevur vunn­ ið tríggjar róðrar í einum kappingarári, so vit eru ógvuliga motiveraðir at gera upp við hagtølini, sigur Dánjal Pauli í Búðini. Starturin hjá Jarnbardi var ikki tann besti, og eitt nú Gongurólvur, Tvørabáturin, Strálan og Sølmundur bjóð­ aðu seg fyrstu metrarnar fram. – Vit hava ongantíð verið millum teir fremstu í starti­ num, og inntil tað restaðu 400 metrar var tað javnt. Men so fóru vit so spakuliga frá hinum, og í enda­spurti­ num var tað eingin ivi um, at vit vóru frammanfyri hinar, sigur bátsformaðurin á Jarn­ bardi. Jarnbardur var eitt stórt sekund undan Gongurólvi, sum aftur var eitt stórt sekund undan Sølmundi um málstrikuna. Tað er ikki komið fyri síðani í 2004, at Jarnbardur við monnum hevur vunnið tveir róðrar á rað. Fyri níggju árum síðani var Sundabáturin stóri favoritturin, og teir í Norðdepli og Hvannasundi vunnu FM. Men Jarnbardur var eisini væl fyri, og bæði á Eystanstevnu og vikuna eftir á Sundalagsstevnuni eydn­ aðist tað 6-mannafarinum við monnum hjá Róðrar­ felagnum Knørri at vinna. Síðani hevur Jarnbardur við monnum ongantíð vunnið tveir róðrar á rað. Ikki fyrrenn síðstu vikuna. Og hann er nú favorittur at vinna á Jóansøku næsta leygardag og at vinna FM heitið, sum menninir á Jarnbardi ongantíð hava vunnið, síðani tað í 1975 varð farið undir FM kapping mill­ um 6-mannafør við monn­ um. Lærdu av mistøkunum Eftir at hava vunnið á Norð­ oyastevnu, tapti Argjabáturin á Sundalagsstevnu fyri Miðvingi í kappingini millum 8-mannaførini. Undan róðrinum á Skála var spurningurin, um tað fór at eydnast Miðvingi at vinna aftur, ella um Argjabáturin fór at lofta sær, eftir at miðvingar settu argjamenn upp á pláss í Hvalvík. Longu undan róðrinum var tað greitt, at tað ikki var møguleiki fyri, at nakar annar bátur skuldi vinna, tí tað vóru bara hesir báðir bátarnir við í kappingini millum 8-mannaførini: – Vit vóru nógv betri fyrireikaðir undan róðrinum á Skála, enn vit vóru, tá ið vit fóru á Sundalagsstevnu. Nú aftraná halda vit, at sigurin á Norðoyastevnu órógvaði okkum. Ella sagt við øðrum orðum, so høvdu vit ikki fingið armarnar niður um høvd aftur, tá ið vit fóru til Hvalvíkar. Miðvingarnir eru teir somu, sum vunnu allar róðrarnar og harvið FM í fjør, og teir eru ikki at spæla við. So tað var einki at siga til, at vit ikki vunnu í Hvalvík, sigur Høgni Jacobsen, sum er 39 ára gamal og aldursforseti á Argjabátinum. Og havt var so øðrvísi hesa ferð? – Í Hvalvík vóru vit ikki nøgdir við tempo. Í vikuni vandu vit miðvíst fyri at fáa hetta rættað, og avrikið á Skála vísti, at tað eydnaðist. Vit høvdu sett okkum fyri at leggja okkum framum bein­ anvegin, og tá ið tað eydnaðist so væl, so varð alt munandi lættari. Vit høvdu fult og heilt tamarhald á støðuni allar 2000 metrarnar, og vit kendu tað ongantíð soleiðis, at Miðvingur fór at hótta okkum, sigur Høgni Jacobsen, sum hevur róð í mong ár og í fjør var millum teirra, ið vunnu FM við 6-manna­ farinum Lómi. – Vit hava vant síðani á nýggjárinum, og málið er at taka FM heitið aftur, sum Argjabáturin vann í 2011, men sum Miðvingur so rudduliga vann í fjør. Tá var Argja­ báturin mannaður rættuliga seint, og tí kom tað ongantíð hartil, at tað bar til at hótta miðvingar. Men í ár eru vit sera fokuseraðir á, at tað skal eydnast at vinna FM. Avrikið í Hvalvík vísti, at tað skal arbeiðast nógv og hart, um vit skulu vinna. Megna vit eisini tað næstu ferðirnar, so hava vit gott mót. Um vit ikki gera tað, so hava miðvingar mint okkum á, at teir eru klárir. Argjabáturin er favorittur at vinna FM í kappingini millum 8-mannaførini. Síðani 2000 hevur Argjabáturin vunnið FM fimm ferðir – 2000, 2004, 2009, 2010 og 2011. Jarnbardur við kvinnum hevur vunnið FM ellivu ferðir, síðani tað í 1983 varð farið undir kappingina um FM við 6-mannaførum, mannað við kvinnum – í 1991, 1992, 1993, 1997, 1999, 2000, 2002, 2004, 2005, 2007 og 2008. ætt m Myndir: Álvur Haraldsen