mánadagur 24. juni 2013síða 23

23 Mánadagur 24. juni 2013 · Nr. 71 Sosialurin Hugskot og viðmerkingar – send sms til 225000 ítróttur EB/Str. 4 (0) kí 3 (1) Jóannes Hansen Høvuðsleikari, tá ið tað kósin varð vend frá hóttandi tapi og til EB/Streyma sigur, var Arnbjørn Hansen. Hann varð settur á vøllin fimm minuttir eftir steðgin, og hann var við í øllum málunum, tá ið EB/ Streymur í ein hálvan tíma skoraði tríggjar ferðir og harvið vann 4-3. Hann til­ tuskaði sær brotssparkið, sum var orsøk til, at KÍ mál­ verjin varð rikin av vølli og at Levi Hanssen mink­ aði um munin til 3-2, og hann átti uppleggini, tá ið Leif Niclasen javnaði, og tá ið klaks­víkingurin á EB/ Streyma miðvøllinum, Niels Pauli Danielsen, fimm min­ uttir undan dystarenda skor­ aði sigursmálið. – Eg eri øgiliga fegin um, at Arnbjørn er við aftur. Hann hevur so ofta verið mun­urin, og tað veit eg, at hann eisini fer at verða í framtíðini, segði væl nøgdi Rúni Nolsøe, sum hevði verið langt niðri, áðrenn tað endaði á aldu­ kamb­inum. – Vit vóru vánaligir í 1. hálv­leiki, tá ið vit ansaðu teimum illa, og teir leggja seg fram­um 2-0. So verður Pætur Dam Jacobsen útvístur, men tá kennist tað sum um, at vit fáa betur tak á tí, hóast vit eru undirmannaðir. Vit minka um munin, tá ið tað resta átta minuttir av 1. hálvleiki, og í steðginum hava vit greiða fatan av, at hetta fer at bera til. Síðstu løtuna undan steðginum hildu vit okkum hava sæð, at ungu KÍ spæl­ararnir, sum ikki hava vunnið so nógv, høvdu hug at leggja seg aftur á vøllin. Tað var líka mikið, um tað var 2-1 ella 3-1, so vit gjørdu av at leypa á, og tað eydnaðist, sigur Rúni Nolsøe. Talan var um øgiliga hend­ ingar­ríka uppgerð. KÍ legði fyri sum eitt ódnar­veður, hugflogið var stórt, og eftir eitt korter vóru hvít­klæddu klaksvíkingarnir framman­ fyri 2-0. Páll A. Klettskarð var fyrstur á returbólti, tá ið hann skoraði fyri fyrstu ferð síð­ani 10. mai, og sera ágrýtni og skilagóði Atli Danielsen økti eftir hornasparksinnlegg um leiðsluna. Átta minuttir fyri steðgin gav EB/Streyma lið­for­maðurin Hans Pauli Samuelsen sínum monnum nýtt mót, tá ið hann minkaði um mun­in, men fýra minuttir undan steðginum var tað vátur vøttur í andlitið, tá ið Pætur Dam Jacobsen sá reytt eftir nærdyst við Atla Danielsen. – Vit kendu okkum hava tak á tí, og vit gjørdu nógv rætt. Eftir steðgin øktu vit um munin til 3-1, og hevði tann støðan hildið sær í 5-10 minuttir aftrat, so ivist eg ikki í, at vit høvdu vunnið, men alt broyttist, tá ið vit mistu málverjan, og teir skoraðu upp á brotssparkið. Tá trúðu teir meiri upp á tað, men tað vóru marginalirnir, sum avgjørdu, at tað endaði 4-3, heldur KÍ venjarin Eyðun Klakstein. Avgerandi støðan var, tá ið KÍ málverjin Meinhard Joensen sá reytt. Í nærdysti við innskifta Arnbjørn Hansen gjørdi málverjin brots­spark, sum dómarin eisini sektaði við reyðum korti. Ung­linga­málverjin Fríði Sigurðs­son varð skiftur inn í KÍ málið, Levi Hanssen um­setti brotssparkið til mál, og so var ferðslan fyri tað mesta einvegis ímóti KÍ mál­ inum. Venjararnir báðir høvdu einki at finnast at dóm­ unum, sum bóru við sær, at teir mistu hvør sín mann. KÍ venjarin harmaðist um, at tveir av hansara monn­ unum fóru skaddir av vøll­ inum. Fyrst óføri vong­ verjin í høgru, Gunnar Christiansen, og síðani Álvur F. Christiansen, sum varð fluttur av framrættaða pláss­ inum í høgru og aftur á vong­ verjan, tá ið Gunnar noyddist av vøllinum. – Tað órógvaði okkum nógv, at teir báðir noyddust av vøllinum. Tá ið KÍ skifti nýggja mál­verjan inn, fór Heðin Klakstein av vøllinum. Hann hevur ikki áður havt nógvar møguleikar at vísa, hvør dugur er í honum. Hesa ferð var hann á framrættaðum mið­vallar­plássi, og tað var hann, sum eftir fínt og skjótt álop skoraði til 3-1, tá ið alt sá gott út hjá KÍ. Eyðun Klakstein og hans­ ara menn hava tvær ferðir á rað verið fleiri enn mót­støðu­ menninir, men ikki fingið nyttu burturúr: – Hesa ferð vóru vit bara eina løtu ellivu ímóti tíggju, og tá øktu vit um leiðsluna. Nú skulu vit til Fuglafirðar, og hagar taka vit tað góða við okkum, sum vit vístu í dag. Ungu menninir vinna í hvussu so er royndir, og eina ferð fer tað at venda okkum til fyrimunar. Arnbjørn kom sá og sigraði ÍF út í ljósið eftir 8 ár í skugganum Eftir 4-3 sigur á heimavølli ímóti KÍ í gjár var EB/Streyma venjarin Rúni Nolsøe ógvuliga fegin. Hann hevði sæð sínar menn vera aftanfyri 2-0 og 3-1, áðrenn tað vendi, og EB/ Streymur síðsta hálva tíman skoraði tríggjar ferðir og lyfti seg upp á bronsuplássið fótbóltur effodeildin Meinhard Joensen ■ Oddmar Marsten John Hammer Gunnar Christiansen Heðin á Lakjuni (Kristoffur Jakobsen, 37.) Atli Danielsen Heðin Klakstein (Fríði Sigurðsson, 59.) Ivan Joensen Álvur F. Christiansen ■ (Sørmundur Kalsø, 57.) Páll A. Klettskarð Hjalgrím Elttør René Tórgarð Egil á Bø Marni Djurhuus Gert Hansen Rógvi E. Nielsen Pætur D. Jacobsen ■ Levi Hanssen ■ Niels Pauli Danielsen Gunnar Zachariasen Hans P. Samuelsen (A. Hansen, 50.) (Jóhannes Hansen, 90.) Leif Niclasen EB/Str. - KÍ 4-3 (1-2) 0-1: Páll A. Klettskarð 7. 0-2: Atli Danielsen 16. 1-2: Hans Pauli Samuelsen 37. 1-3: Heðin Klakstein 55. 2-3: Levi Hanssen br 59. 3-3: Leif Niclasen 65. 4-3: Niels Pauli Danielsen 88. Dómari: Petur Reinert ÍF 2 (0) Víkingur 1 (1) Fuglfirðingar vóru sum nátt og dagur, tá ið teir vendu hóttandi tapi til sigur í granna­upp­gerðini ímóti Víkingi. Í góðveðrinum fríggja­kvøldið bar einki til í 1. hálv­leiki, tá ið víkingarnir vóru gramm­ari, funnu betri hvønn annan og megnaðu støð­ugt trýst á heimamálið. Og í 11. minutti vórðu gest­ ir­nir avroknaðir kontant. Finnur Justinussen legði flatt innfyri úr vinstru, og í mál­teig­inum stakk Hjartvard Hansen, sum hesa ferð var á sentrala miðvøllinum saman við Heðini Hansen og Hanusi Jacobsen, seg fram og stýrdi bóltin í málið. Stórur fagnaður millum ikki serliga mongu Víkinga áskoð­ararnar, og sum hálv­ leik­urin leið, kendist tað, at um eitt mál skuldi koma aftrat, so varð tað heldur tví­ fald­ing av leiðsluni talan fór at verða um, enn at heima­ liðið skuldi skorað. – Vit høvdu gott tak á tí, men eftir steðgin riggaði einki. Tá løgdu teir øgiligt trýst fyri dagin, og vit mugu staðfesta, at vit ikki vóru klárir at taka ímóti trýst­ inum. Tvey mál vórðu skorað úr málteiginum. Tað eigur ikki at koma fyri. Vit eru í aldudali, men nú mugu vit reisa okkum fríggjakvøldið, tá ið HB kemur á vitjan, staðfesti Víkinga liðformaðurin Atli Gregersen, sum rósti mót­ støðu­monnunum fyri teirra avrik í 2. hálvleiki. Fuglfirðingar vóru í púra øðrum hami, tá ið teir komu aftur á vøllin. Mót­støðu­menninir vórðu trýstir langt aftur á vøllin, Høgni Zachariassen og Poul Nolsøe Mikkelsen, sum loysti leikbannaða Bartal Eliasen av, høvdu gott tak á tí í mið­ verj­uni, og Øssur Dalbúð, sum hesa ferð var fram­ rættaður miðvallari, arbeiddi øgiligt saman við Hera Nesá og Boga Reinert Petersen: – Vit avráddu í steðginum, at hetta bar ikki til. Undan steðginum var liðavrikið ikki nóg gott og skipað, men tað broyttu vit, vit skoraðu tvey góð mál, og vit kundu havt skorað fleiri, staðfesti Øssur Dalbúð. Útjavningini stóð Poul Nolsøe Mikkelsen fyri. Fyrsta málið í bestu deild­ini varð veru­leiki, tá ið hann við høvd­ inum stýrdi hornasparks­ inn­leggi úr vinstru í málið. Og lítla løtu seinni var tað Clayton Soares, sum við høvd­inum stýrdi innleggi úr høgru frá væl upplagda Leivi Joensen í málið. Sum tíðin leið, breiddi mót­ið og eldurin á vøll­ inum seg eisini út mill­um áskoðararnar, ið stór­fegn­ aðust, tá ið skilagóði Eiler Rasmussen hevði bríkslað fyri síðstu ferð. Tað var ikki so undar­ligt. ÍF liggur trygt á næst­fremsta plássinum, og í hesum førinum taldi tað ikki minni, at tað loksins eydn­aðist at vinna á Víkingi í Fugla­firði. Tað er ikki komið fyri áður. Síðani Víkingur sá dags­ ins ljós í 2008, hava teir fimm ferðir spælt lands­ kapp­ingar­dyst í Fuglafirði, og hvørja ferð eru teir farnir úr Fløtugerði við full­ari úrtøku. Men nú gekk tað ikki longur. Einasti ÍF spæl­ arin, sum minnist aftur á heima­sigur á gøtumonnum, er ÍF liðformaðurin Høgni Zachariassen. Hann var við, tá ið ÍF 3. apríl 2005 vann 4-3 á GÍ. Men tað er søga. Í dýrdar­veðrinum há­summar­ kvøldið 21. juni 2013 eydnaðist tað fuglfirðingum loksins á heimavølli at fáa bilbukt við Víking, og tað varð feirað við manér – bæði á vøllinum og kring vøllin. – Vit fegnast um støðuna, men vit kundu verið tættari toppliðnum. Men hjá okkum er ikki annað at gera enn at savna okkum um okkara dystir, og hesin sigurin kenn­ ist serliga søtur, var stað­ fest­ingin hjá Øssuri Dalbúð. Og tað hoyrdist væl, at øll í reyðu leguni vóru samd við honum! Geza Turi Atli Gregersen ■ Erling Jacobsen Bárður Hansen Dánjal Pauli Lervig ■ Hjartvard Hansen Heðin Hansen (Ingi Sørensen, 77.) Hanus Jacobsen Filip Djordjevic Kaj Leo í Bartalsstovu ■ Finnur Justinussen Jákup Mikkeslen Poul N. Mikkelsen Høgni Zachariassen Leivur Joensen ■ Jan Ó. Ellingsgaard (Aleksandar Jovevic, 79.) Bogi R. Petersen Heri Nesá ■ Hanus Thorleifsson Ari Ó. Ellingsgaard ■ (Jákup Johansen, 90.) (Nenad Saric, 69.) Øssur Dalbúð Clayton Soares ÍF - Víkingur 2-1 (0-1) 0-1: Hjartvard Hansen 11. 1-1: Poul Nolsøe Mikkelsen 56. 2-1: Clayton Soares 62. Dómari: Eiler Rasmussen Eingin dystarfrásøgn hesa vikuna, vit taptu, heilsan Norðlýsið Besta SMS'ið um dystin í Triða Hálvleiki: Eini 60 víkinga-sjónleikarar úr Íslandi vitja í Føroyum í løtuni. Um Jógvan Martin Olsen skiftir teir inn at spæla sjónleik, so kundi Víkingur kanska fingið nøkur stig. Besta SMS'ið um dystin í Triða Hálvleiki: