mánadagur 24. juni 2013síða 68

vika 26 l 24. juni 2013 Ókeypis lýsingarblað 32 Suðuroy Vikutema Rúmligur handil við stórum úrvali Toystovan á Tvøroyri klæðir tilkomnu kvinnuna og mannin, men handilin klæðir so sanniliga eisini ungu gentuna og dreingin. - Vit hava klæðir til øll, heilt niður í tvey ára aldur, sigur fryntligi handilsleiðarin Vilmund Jacobsen Klædnahandilin Toystovan liggur væl fyri í stórum og góðum hølum miðskeiðis í hjartanum á Tvøroyri. Tað er Desiree Mortensen, ið hevur dagligu leiðsluna um hendi, og her hevur hon starvast heilt, síðan hon flutti heim úr Danmark í 1978. Klæði til øll Toystovan selur klæði bæði til kvinnur, menn og børn niður til umleið tvey ára aldur. Handilin klæðir soleiðis alla familjuna - frá ovast til niðast og innast til uttast. – Vit hava góð, bílig og smart klæði, og vit fáa nýggj klæði heim hvørja viku. At klæðini eru bílig ger, at fólk kunnu tilláta sær at keypa oftari. Tað sigur handilsleiðarin, Desiree Mortensen. Kend merki Tá ræður um mannfólk, er tað serliga klæðini av merkinum Jack & Jones, sum ganga aftur. – Vit hava soleiðis smartar kov­ boybuksur í ymiskum litum, skjúrtur við ymiskum kontrastum inni í flippuni og t-shirts til menn. Menn keypa bæði stríput, mynstrut og einlitaði klæði. Desiree Mortensen sigur, at tá ræður um gentur og kvinnur, er tað serliga merkini Only og Vero Moda, sum eru tey kendastu. – Vit fáa nýggj klæði frá Only og Vero Moda í minsta lagi einaferð um vikuna, leggur hon aftrat. Eisini skógvar Umframt at selja klæði til kvinnur, menn og børn, hevur Toystovan eisini eitt ávíst úrval av skógvum til mannfólk. Sum myndin vísir, klæðir Toystovan í hjartanum á Tvøroyri eisini ungu gentuna. - Vit hava klæði til alla familjuna, sigur handilsleiðarin, Desiree Mortensen Mynd: Birgir W. Høgnesen Toystovan fær nýggj klæði heim í minsta lagi einaferð um vikuna Bygningurin í Kongabrekku á Tvøroyri til sølu - Tað eru fleiri, sum hava víst bygninginum áhuga, og vit hava eisini fingið áhugaverdar fyrispurningar norðanfjørðs, sigur Anfinn Nolsøe Vilmund Jacobsen Tá Vikublaðið vitjaði á Tvøroyri í síðstu viku, vóru vit inni á gólvinum í J. Nolsøe Skósølu í Kongabrekkuni 9, har Anfinn Nolsøe vísti okkum handilin og bygningin. Síðan pápi Anfinn, Jógvan Nolsøe, doyði í 1973, hevur hand­ ilin verið hansara arbeiðspláss. Mamma Anfinn og kona Jógvan, Emly, doyði í 2007. Áðrenn Anfinn fór at arbeiða í handlinum á Tvøroyri, arbeiddi hann í einar 14 mánaðir hjá Faro­ dane. Saman róku Anfinn og Emly nú handilin í fleiri ár. Tey seldu klæði til kvinnur og menn, gardin-og klædnatoy og skógvar. Nú eru bara skógvar eftir hjá J. Nolsøe Skósølu, og sjálvur sigur Anfinn, at her er einki keypt inn í meiri enn eitt ár. – Her eru skógvar og styvlar til kvinnur og menn, skógvar til menn og dreingir, og her eru styvlar til børn. Alt verður selt út fyri nógv niðursettan prís. Tí kann tað saktans loysa seg hjá fólki at støkka inn á gólvið, áðrenn vit lata aftur, sigur Anfinn Nolsøe. Bygningurin til sølu Anfinn sigur, at bygningurin, sum er umleið 150 fermetrar í trimum hæddum, er til sølu og kann altíð tømast, um rætta boðið kemur. – Jú, tað eru fleiri, sum hava víst bygninginum áhuga, og vit hava eisini fingið áhugaverdar fyri­ spurningar norðanfjørðs. Bygn­ing­ urin, sum upprunaliga er bygdur í 1907, varð útbygdur fyri ikki so nógvum árum síðan. Sjálvur haldi eg, at hetta er ein góður bygningur, sum er í góðum standi, sigur Anfinn Nolsøe. Tey, sum hava áhuga fyri bygn­ inginum hjá J. Nolsøe Skósølu í Kongabrekku 9 á Tvøroyri, kunnu venda sær til Anfinn Nolsøe á tlf. 223361. - Tey, sum hava áhuga fyri bygninginum, kunnu ringja til mín á tlf. 223361, sigur Anfinn Nolsøe Tað kann tað saktans loysa seg hjá fólki at støkka inn á gólvið, áðrenn vit lata aftur