mánadagur 24. juni 2013síða 69

vika 26 l 24. juni 2013 Ókeypis lýsingarblað 33 Suðuroy Vikutema Við Eyðdis á odda í Fámjin Hon gjørdist ovfarin, tá hon varð fyrst vald á næst seinasta kommunuvali, og nú er hon á odda fyri Fámjins kommunu á øðrum skeiði Vilmund Jacobsen Eyðdis Ellendersen, sum er ættað úr Øravík, er borgarstjóri í Fámjins kommunu, har 106 fólk búgva. Eins og flestu aðrar smáar bygdir, er Fámjin eisini minkað í fólkatali. Inntøkugrundarlagið hjá kommununi liggur um 2,5 miljónir krónur um árið, og í fjør hevði kommunan vøkstur í inntøkuni í mun til árið fyri. Árið í ár líkist árinum í fjør, men hevur higartil verið eitt vet lakari á inntøkusíðuni. Fámjins kommuna hevur minni enn eina álíkning í skuld. Gjørdist ovfarin Tá Eyðdis Ellendersen varð vald í bygdarráðið fyrstu ferð, var hetta á einum kvinnulista. Tað var ikki fyrr enn beint fyri valið hetta árið, at hin visti, at hon var á listanum. Tí kom tað óvart á hana, at hon varð vald við flest atkvøðum. Á seinasta kommunuvali var bert ein listi í Fámjin, og tá fekk hon eisini flestar atkvøður. Spurd, hví hon hevur fingið so góða undirtøku í Fámjin, sigur Eyðdis, at tað dugir hon ikki rættiliga at siga. – Helst eru flestu nøgd við tað arbeiði, sum vit – hóast vit eru ein lítil kommuna - hava gjørt. Borgarstjórin vísir á, at kommunan hevur fingið nýggjan vatnbrunn, onkrir vegir eru betraðir og breiðkaðir, fríðkað er um í bygdini, og eisini eru trø plantað. – Í 2006 og 2010 varð Fámjin kosin best røkta bygd í Føroyum, og vit ætla at halda fram við tí arbeiði, sum vit eru í holt við. Eyðdis Ellendersen vísir á, at sjálvandi eru ikki øll eins væl nøgd, og soleiðis vil tað altíð vera. – Onkur heldur ivaleyst, at tað gongur ov seint, men vit ætla eisini at betra um aðrar vegir í bygdini í hesum valskeiði, sigur hon. Ein skúlanæmingur Tað gongur bara ein næmingur í Fámjins skúla, sum annars hevur ein góðan og dugnaligan lærara. – Vit kundu havt eini 5-6 børn í skúlanum, men foreldur hava valt heldur at lata børnini ganga í skúla í Trongisvági og á Tvøroyri, tí skúlaumhvørvið har er størri. Tey næstu árini verða eisini børn, sum kundu farið í 1. flokk í Fámjin. Vanligt hevur verið, at børnini gingu í 1.-6. flokk í Fámjin, og síðan fóru tey til Tvøroyrar at ganga tey næstu árini, til framhaldsskúlin varð liðugur. Eyðdis Ellendersen heldur, at tað sjálvandi er spell fyri skúlan í Fámjin, at so fá børn eru har, men næmingurin, sum gongur í skúla í bygdini, trívist væl og hevur onkrar lærugreinar á Tvøroyri. – Eg trúgvi ikki, at vit vilja av við skúlan so leingi, sum nakar næmingur er, og í komandi ári heldur verandi næmingur fram í Fámjin. Borgarstjórin vísir á, at tað eru foreldur, sum hava børn á ansing­ar­ stovni á Tvøroyri, sum halda tað vera lættari eisini at taka børnini í skúlaaldri við sær til Tvøroyrar. – Eg hevði tó hildið tað verið frálíkt, um øll hesi børn gingu tey fyrstu 3-4 árini í skúla í Fámjin, leggur Eyðdis Ellendersen aftrat. Borgarstjórin í Fámjins kommunu sigur, at skattainntøkurnar hjá kom­ mununi stava frá fólki, sum arbeiða í ymiskum vinnum. – Vit hava sjúkrasystrar, røktarfólk, skrivstovufólk, lærarar, sjófólk og vanlig arbeiðsfólk, sum arbeiða aðrastaðni, serliga á Tvøroyri, og tað eru hesi, sum eru grundarlagið undir okkara skattainntøkum, sigur Eyðdis Ellendersen. Summarkafé Um sumrarnar er kafé í Fámjin, sum ofta verður væl vitjað av ferðafólki, sum leita sær til bygdina. – Her kemur fitt av fólki um summarið, og í kafé’ini kunnu tey eitt nú keypa kaffi, vaflur og ís. Eyðdis Ellendersen sigur, at í Fámjin er eisini stórt bygdarhús, sum er nógv útleigað um summarið. VS Moda - nýggjur mótahandil á Tvøroyri - Vit keypa klæðini beinleiðis av verksmiðjuni í Fraklandi. Tí eru hetta lutfalsliga bílig mótaklæði til flest allar aldursbólkar, bæði til smærri og størri kvinnur, siga hjúnini, sum eiga og reka forvitnisliga handilin Vilmund Jacobsen Fyrr í summar læt nýggjur mótahandil við klæðum til kvinnur upp á Tvør­ oyri. Navnið á handlinum, sum liggur beint yvir av Hotel Tvøroyri, er VS Moda. Tey, sum standa aftanfyri VS Moda, eru hjúnini, Dánjal West og Lilja Carlsen, ið er íslendsk. Nýggi og forvitnisligi mótahandilin á Tvøroyri hevur einarætt í Føroyum upp á klæðir hjá fronsku fyritøkuni VS Moda, sum eisini eigur aðrar fyri­ tøkur. Onnur merki, sum VS Moda sel­ ur, eru eitt nú Ice Fashion, sum hevur sín uppruna í Íslandi – og Style Up sokkabuksur av merkinum Shalangbo. Útboðið veksur Hjúnini, Dánjal West og Lilja Carl­ sen, siga, at í byrjanini hava tey bara mótaklæði til kvinnur, men til heystar er ætlanin eisini at fáa mannfólkaklæði hjá VS Moda við í konseptið á Tvøroyri. – Umframt klæði, er ætlanin hjá okkum eisini at selja skógvar - í fyrsta lagi skógvar til kvinnur. – Vit keypa klæðini beinleiðis av verksmiðjuni í Fraklandi. Tí eru hetta lutfalsliga bílig mótaklæði til flest allar aldursbólkar, bæði til smærri og størri kvinnur. Hygg á facebook Dánjal West og Lilja Carlsen siga, at vøran í handlinum skiftir eftir átta vikum. – Tá fáa vit nýggj klæði og nýggjan móta heim úr Fraklandi. Hetta er tí ikki ein handil, sum viðskiftafólk troyttast av. Her verður altíð okkurt nýtt og forvitnisligt, sum tey bæði taka til. VS Moda hevur facebook-profilin vsmoda faroe, og hjúnini bæði eru eisini í holt við at uppbyggja eina heimasíðu, sum keypast kann á. Hon er íslendsk, og hon hevur áhuga fyri mótaklæðum. Nú hevur hon saman við manni sínum latið upp handilin VS Moda á Tvøroyri Mynd: Vilmund Jacobsen