mánadagur 24. juni 2013síða 70

vika 26 l 24. juni 2013 Ókeypis lýsingarblað 34 Suðuroy Vikutema Nógv á skránni longu fríggjadagin á jóansøku Tað hevur eydnast jóansøkunevnd og kunningarstovu í felag at skipa eina rúgvusmikla og fjølbroytta skrá fyri jóansøku 2013, og hæddarpunktið á jóansøku er sjálvandi kappróðurin Vilmund Jacobsen Skráin fyri jóansøku byrjar longu fríggja­morgunin 28. juni, tá Pubbin og Seglloftið hava opið. Seinnapartin hendan dagin verður eisini buffet á Seglloftinum. Fríggjadagin verða eisini framsýn­ ingar, og í Gallarí Oynni verður fram­ sýning við Palla Julsgart, Poul Skarð­ enni og Finleifi Mortensen. Martin Øster og Terji Hentze hava málningaframsýning í Handverkara­ húsinum. Klokkan 17 fríggjadagin verður pisufundur í miðbýnum á Tvøroyri, har Olivia Tausen fer at halda røðuna. Nógv onnur tiltøk verða eisini á skránni seinnapartin fríggjadagin, og eitt nú verður svimjing um fjørðin, har byrjað verður á Krambatanga. Vatndystur verður eisini millum bjargingarfeløgini og sløkkiliðini í Suðuroy, og hesin verður á økinum við Delta Seafood. Fríggjakvøldið sleppa fólk eisini ein túr við skjóttgangandi bátinum Scor­ pion, sum hevur atkomu við bryggjuna hjá Delta Seafood. Á skránni fríggjakvøldið verður eisini aftankvirra í Tvøroyrar kirkju, og eisini verður dansur við Chill. Leygardagurin 29. juni er hin stóri dagurin á jóansøku, og tá verður eins og fríggjadagin lagt fyri í Pubbini og á Seglloftinum, har buffet aftur verður seinnapartin Vilmund Jacobsen Klokkan 11 leygardagin 29. juni verður rennikapping, har byrjað verður við Sólmiðstøðina á ovara vegi. Klokkan 13 verður fótbóltsdystur við Stórá í 3. deild millum TB og B36a, og klokkan 13 byrja eisini barna­ róðrarnir. Listaframsýningarnar halda fram leygardagin. FM-kappróðurin, sum mong gleða seg til, byrjar sum vanligt leygardgin klokkan 15, og eftir róðurin verður steypahandan. Tivoli letur eisini upp á stevnu­ økinum seinnapartin leygardagin, og her verður eisini matsøla og annað á skránni. Eitt stórt tiltak á skránni leygar­ dagin verður fótbóltsdystur við Stórá millum 1. deildarliðini hjá TB og KÍ. Men longu fríggjakvøldið, 28. juni, verður landskappingardystur í bestu deildini - Effo-deildini - millum TB og EB/Streym. Leygarkvøldið á jóansøku endar við dansi við bólkinum Chill og gamla­ mannadansi við Finnboga & Co, sum verður á Seglloftinum. Leygardagurin er hin stóri stevnudagurin